داخلة على الله ثم عليكم..الشفة الارنبية

السلام عليكم ورحمةالله وبركاته

بنات داخله على الله ثم عليكم
واللي عندها شي يفيدني ياليت ما تبخل به علي

أنا طفلي فيه الشفة الأرنبية من الطرفين وشق في سقف الحلق (اللهاة)
فياليت اي وحده مرت عليها هالحالة أو حد من قرايبها
تقولي وين سووا عمليات التجميل لعيالهم؟؟
ومن أحسن دكتور؟؟
او تقترح علي أحسن عيادات التجميل؟؟
وما يهم في اي مكان
علما باني من قطر

ساعدوني تكفون
والله لا يوريكم اي مكروه ان شاء الله
ويبعد عنكم كل شر

أختكم
البنفسج

18 تعليق 3,108 مشاهدة

شاركي في النقاش

سجلي الدخول لإضافة تعليق.

التعليقات

16
  1. @ghzyl_flh

    ما عندي خبر حبيبتي
    وربي يعافيه لج
    حبيت ارفع الموضوع لانه مهم
    وان شا الله تحصلين لي يساعدج
  2. @anyn_alghrbh

    الله يكون في عونك , الطفل مثل هذه الحاله يبيله صبر, والعمليه سهله ولله الحمد , وتعمل له فوق السنه نسيت كم العمر لاني سألت وحده بنتها كذا ونسيت كم العمر.
    ويسوونها في مستشفيات الكبيره اللتي فيها قسم الخياطة التجميليه.
    وبعد فتره ممكن تسوين باليزر اخفاء العيوب , اي اثر الخياطه.
    ويكون بعد ذلك كل شئ تمام التمام.
    وهو شي عادي جدا , كثير من المواليد شفتهم كذا وبعد العمليه ماكان فيهم شئ ولله الحمد..
  3. ادعي كثير ربي يسخرلك العلاج اللي يناسبه ويخلصه من اللي يجده من دون هم

    وانا كذلك سمعت انها سهلة وباءذن الله تروح


    صديقتي كانت بالثانوي وعملت تجميل وحسيت شكلها تحسن ماشالله

    لكن معرف عند مين بس عملتها في جدة


    اعملي بحث في قوقل واكتبي (الشفة الأرنبية مثلا ) وراح تطلعلك مواضيع

    كثير


    طمنينا ايش يصير معاكي
  4. انا اعرف وحدة وهي كانت تسوي العمليات على مراحل وكان بمستشفى حكومي والحين شكلها عادي بس اثار الخياطة بس تقول ما خلصت عمليات الى الحين

تابعي تجارب أخرى من هذا القسم.