تجمع احلى عرايس 2008 / 2009 حياكم يالغاليات

نور المدينه

كيفك ياعسل وكيف انشالله خلصتي تجهيزاتك

فاكره لما سئلتك عن اميره الكوفيره المصريه ؟

طلع جوالها مقفل

صار لي شهرين اتصل عليها مقفل

اخاااااااااااف سافرت او غيرت رقمها

والمشكله اني مااعرف بيتها وتقول هاذي السنهتقول تبغا تعمل مشغل خاص فيها واخاف ماتنزل ينبع:(

الله يخليك حاولي تجيبين لي رقمها او اي معلومه عنها اعمليفيا معروف مارح انسااااااااه فحياتي كلها

وانا مره عاجبتني ولا يمكن ابدلهاااااااا

باي

بصلي وبتغداء وبناااااااااااااااااااااااام

احاول ارد العصررر

:(

هلا فرعوووونه
شخبارك؟؟
من زمان عنك والله :(
انتي وسوسو ومتربعه وهموسه وو كثيييير لكم وحشه والله
اتمنى تكونون بخير

انا لسى ماملكت ادعي لي بتسهيل امور البنات وانا

ومثل ماقلتي الملف صاير بااارد ومافيه شي مفيد ابد مومثل اول والله

بنوته
اخبارك؟؟؟
بالنسبه للدايت هذا انا والله توني بديت فيه ادعي لي اصير رشيييقه من غير شر ان شاء الله
وخلطة السليولايت قلت بستعملها بس يومي عن سنه وسنتي عن الف عام خخخخ
ان شاء الله بسويها الخميس عشان ماتلصق فيني الريحه

ام البراء
هلا فيك
مبرووك والله يتمم لك ولنا بخير ان شاء الله

بنات وانا احوس بالمنتديات لقيت هالموضوع اللي عجبني وان شاء الله يغير شووي من جو الملف :42:

الاشياء اللي على البنت تسويها قبل الخطبه
وهي تنقسم لاقسام


أ)علاقه البنت بربها

أي بنت تبي ربي يوفقها ويرزقها باللي تبي تتقرب الى الله (اكيد كلكم تصلون وتصومون) لاكن فيه أشياء نهملها احيانا وهي
#الصدقه# تراها دفع بلا
#الدعاء# وخاصه في الثلث الخير من الليل
يابنات ربي بعزته وجلاله ينزل الى الساء الدنياعشان ندعي والوحده ولا همها ما تكلف نفسها تروح تصلي ركعتين
نصيحتي قومي من نومك قبل اذان الفجر بنص ساعه وتوضي وتجهز مكان هادئ والضوء خافت وتلتجأ الى الله تقرا لو صفحه واحده من القران وتصلي ركعتين وترفع يدينها للسماء تستغفر لذنوبها وتدعي الله
جربوها صدقوني اللي يصير انشراح بالصدر وشعور غريب وحلو
ولا تنسين وانت تدعين تخيلي الجنه تنتظرك باذن الله..
# الابتسامه# اولا صدقه
ثانيا تخلي الوجه احلى وترفع الخدود


ب) علاقه البنت مع جمالها وجسمها

- حافظي على نظافتك بشكل دقيق وخلي ريحتك دايم عطره
-سوي لنفسك جدول للعنايه بالبشره والشعر ولا تهملين الرياضه.
- رطبي جسمل طوال اليوم خاصه بعد الشور وخلي اخر مويه تنزل عليك بارده عشان الجسم ينشد
- النوم وما ادراك ما النوم لازم تامين بالليل (علمي روحك) انا اذا نمت باليل وصحيت ياي تقولون ملكه جمال
بس تدرون وين السر
انه يكون نوم ليل
وانك تكتفيييييييييييييييييييييييين يعني تشبعين
اهتمي بنظافه اسنانك ( انصحكم بالسواك خليه معالك حتى وانت قدام التلفزيون) واي مشكله من البدايه روحي لطبيبه
بالنسبه للمكياج واللبس كل واحد وذوقها لاكن لاحظي
مكياج الصباح والليل يختلفون
ملابسك قللي الالوان الغامقه وكثري الفاتحه خليك زي الفراشه 0على فكره موضه السنه الابض والفوشي الي جاي على بنفسجي0
البسي الي يناسب عمرك وجسمك


ج) عنايه الفتاه بالمنطقه الحساسه

فيه نصائح لازم تمشين عليها ولا بتندمين ..
1لاتمشين على شي بارد وانت حافيه القدمين
2لاتجلسين على شي بادر
3لا تحملين شي ثقيل مهما كان
4اذا جت الدوره البسي فوق الكلوت شورت اوبنطلون لازم ولا ترى يدخل الهواء والبرد ويسببون لك مشاكل واشربي يانسون قرفه شمر بس لا تكثرين
5فيه نصيحه تقول لا تستحمين ايم الدوره واذا بغيتي اولا غسلي شعرك وبعديه مسحي جسمك بفوطه مبلله ((بصراحة ماني مقتنعة فيهابس حبيت أقولها لكم زي ماسمعتها))
6قللي من الزبادي والباميه والاشياء اللزجه وكثري من الخضروات والفواكه
-اهتمي بنظافتها وبعد الدوره حطي مسك وتمتعي بالانتعاش
اذا طبقتو هلنصائح بتصيرين بعد الزواج فراش وكل شي تمام


د)التغذيه

باختصار خلي غذائك متكامل وشوفي البشره المتغذيه
( هالنقطه راح اتكلم عنها بعدين)


ه) شخصيه الفتاه وعلاقتها بالمجتمع

-خليك مبتسمه دائما وعودي نفسك
-كوني ذوق مع الناس ودبلوماسه بتصرفاتك وكلامك واذا طلب شخص منك خدمه
اذاتقدرين .. قدميها بطيب نفس وكلام حلو
اذا ما تقدرين.. اعتذري باسلوب راقي
-حاولي ما تنامين واحد زعلان عليك او انت زعلانه على احد
-مشيتك لازم تكون راكزه وكتوفك مرفوعه وراسك لقدام ومشيتك كلها نعومه وانوثه
- ثقي بنفسك مهما كانت عيوبك حاولي تعدلينها مو تفقدين الثقه( اللي يمشي واثق يمشي ملك)
-خلي صوتك دايم هادي وكلامك قليل ومفيد ولا تقاطعين احد بكلامه
واذا تكلمتي مع مجموعه لا تقدمين راسك خليك ثابته وكلامك شوي شوي.
انتبهي لطريقه اكلك وتعلمي الاتكيت.
ثقفي نفسك بكل المجالات ولو معلوات بسيطه وكثره القراء بتغير من شخصيتك للافضل بدون ما تحسين
ثقفي نفسك بامور الزواج وخلي المعلومات توصلك من اماكن موثوقه ومحترمه.


--------------------------------------------------------------------------------

الجـــــزء الــثــــاني / الاشياء اللي لازم تسويها عند خطبتها



اول خطوه مو عليك هاذي على اهلك..السؤال لازم اهلك يسألون عنه كويس حتى لو كان قريبكم (في المسجد..جيرانه.. زملائه في العمل واصدقائه ) صدقوني هالخطوه مهمه مويومين او ثلاث وتقولون ايه زين (ترى اذا فات الفوت ما ينفع الصوت) وعلى فكره الوسامه والمركز الاجتماعي وكثره المال مو هي اللي بتخليه يسعدك لاكن اذا كان زين والاشياء او بعضها فيه خير على خير
بس صدقوني وهالكلام يعرفونه المتزوجات اهم شي الاخلاق والدين
اهم شي صدقوني



ثاني خطوه.. والله سألتوا عنه وطلع الرجال زين وصار فيه ارتياح نفسي مبدئي تروحين حبيبتي توضين وتفرشين السجاده وتصلين وتستخيرين الله يعني تدعين ( اللهم اني استخيرك بعلمك واستقدرك بقدرتك واسألك من فضلك العظيم فانك تقدر ولا اقدر وانت تعلم ولا اعلم وانت علام الغيوب
اللهم ان كنت تعلم ان زواجي من فلان خير لي في ديني ودنياي وعاقبة امري فقدره لي ويسره لي ثم بارك لي فيه وان كنت تعلم ان زواجي من فلان شر لي في ديني ودنياي وعاقبه امري فاصرفه عني واصرفني عنه واقدر لي الخير حيث تشاء ثم بارك لي فيه) ادعي وانت خاشعه وبعدها
ان حسيتي براحه توكلي على الله ووافقي
وان حسيتي بضيقه صدر الله يرزقك غيره
واذا ما حسيتي بشي توكلي على الله واذا مو خيره ربي راح يصرفه عنك


ثالث خطوه.. الان تمت الموافقه تجي النظره الشرعيه
-لاتبالغين في شكلك بعدين ينصم فيك بعد الزواج ويمكن يسمعك كلام ما تحبين تسمعينه.
-الشعر سرحيه تسريحه حلوه وبسيطه اهم شي مايكون على وجهك عشان يبان الوجه واذا شعرك مو ناعم لا تستشورينه الافضل تحطين جل وتجعدينه وتحطين ورده صدقيني بيطلع حلو وخليك طبيعيه احلى.
المكياج .. ان كا ن ولا بد فاونديشن خفيف.. ولا تخفين عيوب وجهك الكبيره
كحل من جوا العين
بلاشر خفيف .. لانه يمكن مع الخوف يصفر وجهك فيصير تعويض
قلوس خفيف.. وصدقيني مع الابتسامه الحلوه بتطلعين قمر
وعلى فكره اصلا الرجال الاغلبيه منهم ما يحبون المكياج الثقيل (بس يموتون بالكحل بدون شدو والقلوس(يعني الشفايف هههههههههههه)
اللبس..اهم شي يكون ساااااااااااااتر ترى مو محرم لك وتذكري ممكن أي شي تسوينه حرام يكون سبب لعدم توفيقك .. الله يوفق الجميع
المهم اللبس زي ما قلنا ساتر+غير مبالغ فيه
لكن هنا يجي الذكاء .. يعني هنا البسي احلى ماعندك وعلميه انك تعرفين الذوق والشياكه وبكذا راح يشوفك طبيعيه وانيقه ( ترى راح يقول بنفسه هاذي وهي بدون مكياج ولبسها كذا اجل وشلون.......... ترى الرجال خيالهم واسع)



اذا دخلتي مو على طول تناظرين لا ادخلي بحياء(بس مو عاد مره تمصخونها) وخليك واثقه ( بالمختصر طبيعيه) واذا جلست شوي بعدين ارفعي وجهك شوي وناظري فيه بس خليك خجوووووووووله ومبتسمه ترى يموتون في البنت البشوشه مو اللي كن عمرها 70هموم الدنيا فوق راسها ويمكن مع ابتسامه حلوه ونظره حلوه منك يطيح في حبك
-البعض عند النظره يسأل البنت كم سؤال عالطاير عشان يسمع صوتها وياخذ لو فكره عن تفكيرها عشان كذا
- لا تخلين خجلك الزايد يمنعك من الكلام بس خلي اجوبتك واضحه ومختصره والصوت واضح لاكن واطي وكله انوثه
وبالتوفيق للجميع



((( الحين كل بنت بتنخطب تروح تسوي بروفات )))


--------------------------------------------------------------------------------

الجزء الثــــالـــث / التجهيز للملكه


بعا بعد الخطوبه والموافقه التامه يتم تحديد (عقد القران) فيه ناس تكتب العقد لكن مايشوفون بعض الا ليله الدخله
فيه ناس لا عادي تكلمه وناس تطلع معاه مع وجود اطفال معهم
وفيه ناس تسوي حفل (عائلي ,صغير.كبير نوعا ما)
المهم احنا راح نفرض انها راح تسوي حفله وتشوفه
وش الاشياء اللي راح تسويها




-اول شي تحجز لها فستان وجزمه سواء تفصيل او جاهز ويفضل انه يكون فاتح ويبين انوثتها ونعوم لان البعض يمشي على الموضه واحيانا تكون الموضه فضفاضه من فوق او فيها حركات (وهالاشياء تنفع اذا كانت معزومه وبتوري الناس كشختها وانها تعرف الموضه )لاكن الرجال صدقوني ما تعجبهم هالاشياء وهنا المهم زوجك اولا واخيرا

-تحجز الكوافير اللي راح تسوي مكياجها وزي ما قلنا المكياج الثقيل ما يعجب الرجال وحتى انا شخصيا ما يعجبني الروج خليه فاتح نصيحتي والعين بدعي فيها بس بذوق
التسريحه كل واحد وذوقه وشوفي وش الدارج بالتسريحات واللي يناسبك

-تشتري الطقم اللي بتلبسه سواء اكسسوار ( البعض يفضله مثل شوار فسكي) اوذهب او ماس كل واحد وعاداته

-حجز المصوره للي تبي

-حجز الحلويات والعصائر والقهوجيات

حجز المكان اللي راح تسوون فيه الحفل (اذا مو بالبيت) والعشاء طبعا من المطعم

-بالنسبه للطق ان افضل دي جي للملكه

-تكثف العنايه ببشرتها هالايام

تشتري لها عطر يهوس
قبل الملكه بيوم

-تروح مركز او مشغل موثوق(افضل المركز)
تشيل شعر جسمها
تنظف البشره
بديكير ومناكير( والدارج الان احمر ,بنفسجي)
حمام زيت
وترجع البيت تشرب لها عصير وتناام

نفس اليوم

العصر تاخذ لها شور محترم وتفرك جسمها بالسكراب او ليفه( بس انتبهو لا تقطعون اجسامكم)
بعدها نشفي جسمك تنشيف خفيف(وحطي مرطب وهو لسه رطب لانه يحبس الرطوبه فما يجف جسمك)
المهم بعدها رشي البودره على جسمك وتبخري ورشي العطر على جسمك وملابسك
وروحي للمشغل يسووون لك الميك اب والتسريحه
وبعدها شيلي شلايلك وروحي البيت او الاستراحه او القاعه او الفندق(كل واحد وعاداته) والبسي وخذي لك كم صوره مع المعرس

الجزء الـــرابـــع / نتكلم عن ايام الملكه


من تجربة صديقاتي وتجربه الكثيريييييين اهنئ كل وحده تدخل هالمرحله لانها كلها رومنسيات وحب ودلع وروحات السوق يعني اسميها (مرحله الدلع) حتى اهلك ما يرفضون لك شي لانك بتفارقيهم (الا اذا كان مو معقول)
وراح اتكلم عن هالمرحله في نقاط للتسهيل

1) اللبس

خلييييييك شيك على قد ما تقدرين غيري من تسريحات شعرك غيري من المكياج غيري بس اسلوب لبسك خليه يشوفك في كل مره اميره جديده
طبعا بيموت عشان يشوفك لابسه مشخلع ومفتح
من ناحيه الدين ؟ يجوز
من ناحيه العادات.؟ كل وحد وعاداته بس لكل شي حد يهني ممكن كت او شويه من الصدر اوالظهر
ممكن بناطيل وخلافه ترى صار زوجك بس موعاد كنك لابسه قميص نوم لا ترى كل شي له حد على الاقل احترمي حرمه بيت اهلك
وانا قلت تلبسون كذا بس من فتره لفتره لزوم التشويق وغض البصر عن غيرك
طبعا الايام الاولي البسي ساااااااااااااااااااتر وخليك فتره حتى لو طلب بعدها فاجئيه بلبس من اللي قلت عليهم وشوفي الاطراء
وهكذا فتره تستري وفتره لبس دلع عشان ما يطفى
وطبعا قبل الزواج بشهر ونص كم طويل لانك راح تخلين الشعر من دون شيل استعداد للعرس




2)علاقتك معاه

اولا قسمي الفتره من عقد القران الى موعد الزواج الى3اقسام:



الفتره الاولى.. خليك هاديه على الاخر ورسميه شوي وغامضه وصدقيني كذا هو راح يتكلم بما انك ساكته ولراح تعرفين شلون يفكر عشان بعدين تعرفين وش تقولين وما تندمين على شي قلتيه
وعلى فكره الرجال مهما كان متفتح يموت على الغامضه والثقيله يبي هو يعرف يطلع ها من غموضه وهذا اللي راح يصير في الفترات الثانيه وبكذا عشان يحس بقدرته الكبيره وبكذا يحبك اكثر ويلاحقك اكثر عشان يفك الغموض اذا قال نكت اكتفي بابتسامه مع ضحكه صغييييره

بس انتبهومو تكشروون لا خليكم بشوشات اذا ناظر في وجهك يتفائل بالمستقبل



الفتره الثانيه... وسط بكل شي يعني تسولفسن وتاخذين راحتك بدون تعمق بس لا تطولين الهرج بعدين يمل خلي شوووووووويه غموض واذا قال نكت عااااادي اضحكي من قلب بس خلي ضحكتك انثويه
يعني طبيعيه وبحدود

الفتره الثالثه.. خلاص قرب موعد الزواج تناقشي معاه بااسلوب حلو حاولي تفهمينه اكثر
ممكن تنكتين تورينه خفه دمك براحتك
ممكن تتناقشون في اشياء خااصه بس لا تتعدين حدودك
مثلا اذا سألك عن موعد الدوره ما فيها شي لكن العميق نصيحه مني اذا ناقشك صرفيه بطريقه دبلوملسيه
ممكن في هالفتره بوسه عالطاير من باب التشوييق وتقربكم لبعض اكثر


الرسايل
الفتره الاولى .. في البدايه خليه هو يراسل لفتره بعدها ابدي برسايل عاديه وبريئه ممكن الرسايل اللي فيها ( اختار من 1 الى 10) توسع الصدر
اواللي تجي (7اسئله جاوب عليها بصراحه) وبكذا تكتشفينه اكثر بدون احراج


الفتره الثانيه..
رساااااااايل حب شوق عتااب وهكذا
بس حاولي 60% هو اللي يبدا و50% انت


الفتره الثالثه..
كلهاااااااااااااااا شووووووووووووووووق بوساااااااااااااااااااات
والحديث عن المستقبل






الطلعه معاه
اذا طلب منك تطلعين معا او كيه بس بشرطين لا تتنازلين عنهم
0علم الاهل
0تاخذين معاك اختك او اخوك الصغير


ولا تسمحين له باي حال من الاحوااااال انه يسوي معك حركاات اباحيه او الي بالي بالكم
ترى حتى لو واثقه فيه
خليه بس بوسات وخفيفه بعد ترى لاحقيييييين ومنها تشويق له

التقديم
طبعا اذا جاء عندك انوااع العصيرات والحلى وتفنني في الكابتشينو
صيري مبدعه وبايدينك وخبريه انك انت اللي مسويتها
اللي ما تعرف لاتقول ما عرف المنتدى مليان

المفاجأت
ممكن تسوين حفله خاصه في البيت بسسب شي زين صار له واذا مافيه سبب قولي بدون سبب بس لعيونك
وطبعا تجيبي كيكه وعصير وتقعدوون على اضواء الشموع


--------------------------------------------------------------------------------

الجــــزء الخــــامـــس / التــجــهــيـــزات



وراح نتكلم عن الحجوزات بشكل مفصل لاكن قبلها راح اعطيك كم نصيحه كل ما التزمتي فيها اكثر
راح يتبارك المهر وتخلصين في وقت قياسي وانت راضيه عن الجهاز وبفس الوقت يقل اثار التعب عليك

1) قبل كل شي اشتري دفتر وقلم وحددي مهرك وكم راح تصرفين منه ( افضل تبقون لومبلغ بسيط لك في البنك ما تدرين عن المستقبل) وتكتبين كل الاشياء اللي راح تشترينها من الالف الى الياء حتى اذا بتروحين لاخصائيه بشره احسبيها مو بعدين تتوهقين وسوي لها ميزانيه ولو تقريبيه وكل ما حجزتي شي او شريتي حطي جمبه المبلغ اللي دفعتيه وبكذا كل شي راح يكون مرتب.

2) انا قسمت لكم التجهيز ابدي بالاهم ثم المهم وهكذا يعني 3ايام للمكياج واسبوع للبس الطلعه وهكذا وبكذا راح تخلصيين بسرعه ما تتوقعينها.


3) اهم نقطه كل مره تروحين فيها السوق تاخذين من المبلغ ولو5 ريال تتصدقين فيها وشوفي البركه شلون راح تحل عليك.

4) وانت رايحه السوق خلي معاك مويه وعصير على طول الخط وبين فتره وفتره اشربي والتعب راح يروح وما راح يبين عليك الارهاق.


5) قبل ما تروحين السوق لازم يكون عندك خلفيه مثلا .. تبن عطور يكون عنك لسته بالعطوور اللي مجربينها البنات ومادحينها بقو كذا تختصرين عليك وقت ومجهود.


6) اول ما ترجعين من السوق على طول خذي لك دش وفركي جسمك خفيف باليفه مع الشور جل او قشريه بالسكراب بحركه دائريه ( انتبهو لا يحمر الجسم من الفرك ولا ترى يقلب سمار
وقشري وجهك بسكراب خفيف
واذا طلعتي دهني جسمك حتى اخمص القدمين وحطي عسل على وجهك وشفايفك وحطي خيار على عيونك
واسترخي نص ساعه وبعدها غسلي وجهك وحطي مرطب مع مساج خفيف وبعدها اشربي عصير فرش وتعشي عشاء صحي
بعدها روحي توصي وصلي ركعتين وادعي الله بانه ييسر لك امورك ويحبب زوجك
(وراح اكتب لكم ادعيه تفيدكم ان شاء الله في نهايه الموضوع وانا وربي كنسلت اغلب مشاويري عشان خاطركم)
وبعدها اقري قران او كتاب يفيدك او اختاري موديل العرس اذا لسه ما اخترتيه من البرد

7) الاشياء اللي يبي لها حجز واذا خلصت منها اعتبري نفسك خلصتي من نص التجهييز وهلالشياء البعض منها على اهل المعرس لاكن لازم تشيكين عليها.


8) اشتري لك ملف صغير عشان تحطين فيه الفواتير عشان ما تضيع.

الذهب
من بدري اشتريه واخلصي منه واذا كان غالي ممكن تحطين فلوسه على جنب ولا تجينهم واذا رخص اشتري

القاعه
على حسب ناس بالبيت وناس باستراحات وناس قاعات وناس فنادق
شلون تختارين
قدري عددالمدعوات للحفل
مري على القاعات او يمر احد اخوانك او انت والعريس على كم قاعه وشوفو اللي يناسبكم من حيث الخدمات والاتساع والسعر المناسب لكم.
حددو موعد الزفاف.
وتاكدي من كل شي بنفسك. عشان النواقص انت تدبرينها.
طباعه كروت الدعوه
طبع بعد ما تحددين الزواج تروحين سيده على المطبعه وتختارين الكروت ولفي حول 5مطابع معروفه
وواثقه منها وشوفي الاشكال الجديده والاسعار والعروض ولفيهم بيوم واحد واليوم الثاني تكونين قررتي الشكل والعددواتفقي مع المحل يسويهم لك

الطقاقات
وهذي برضو شوفي ناس معروفين وطقهم زين واهم شي ما يكونون حق مشاكل واحجزيهم على طول وعطيهم العربون وخذي مهم وصل عشان تحفظين حقك.


الكوشه + المسكه + الطاولات+الممر + الفوفل + الهدايا + شريط الزفه + حركات الزفه+الاستقبال ...الخ

هادي المجموعه مو شرط كلها تسوينها اهم شي الشريط والكوشه والمسكه
انا اقترح انها تكون من محل واحد عشان ترتاحين من اللف والدوران من جهه ومن جهه اخرى عشان يسوي لك خصم
خذي لك لفه على 10 محلات موثوقه واسعارهم معقوله وتناسبك وخلي دفترك معاك وكل ما تروحين محل اكتبي اسمه والاشياء اللي عنده والاسعار وبعدها توكلي على الله واحجزي

البعض يكون عندها او عند اختها موهبه وذوق فممكن تصمم لها كوشه خاصه وتوديها للنجار او ممكن تسوين الفوفل والهدايا في ةالبيت ترى ما يبي لها شي
اهم شي الترتيب والذوق بغض النظر عن انه غالي او رخييص

ونصيحه مني
اولا .. لا تكلفين على عمرك لان الناس ماراح يعجبهم العجب حتى لو انه ياخذ العقل بينقدون نصيحه استفيدي انت من فلوسك او تصدقي فيها يمكن تبدل حياتك من شقاء الى سعاده

ثانيا .. الشريط ورتبي فيه الزفة اللي تبغيها واعتقد المنتدى ماراح يقصر معاكم
وعندي بعض الحركات اللي ممكن تفيدك
..
الهدايا
1ممكن ورد طبيعي .
2ممكن شوكولاته مغلفه بقماش الاورجنزا

الحركات
1) تسوين هديه للام او مثل زواج انا حضرته اول ما طلعت العروسه على الكوشه جت امها وام زوجها وجابت لها بنت عقدين من الورد ولبستهم حول الرقبه
2) ممكن عند المدخل تسوين قلب من الفلين ويتغطى كله بالورد وينكتب عليه بالورد بس بلون مخالف اسمه واسمك
3) طبعا ممكن يكون كل العرس بديكور واحد والمضيفات لابسات شي يوحي بالديكور
وهناك الكثير من الافكار عند اصحاب المحلات ولا تنسين نصيحتي (الناس ما يملي عيونهم شي)

وهذي ايضا بعض الافكار لطشتها من المنتدى..
1) اول حركه انها قبل لاتدخل العروس دخلو طفلتين ماسكين سله فيها ورد يمشون شوي وينثرون على المعازيم الطفله اللي من صوب اليمين تنثر على المعازيم اللي من صوبها والثانيه كذالك تنثر على المعازيم اللي بجهتها لين يوصلون للمسرح بعدها تدخل طفله ماسكه باقة الورد
وتوقف عند المسرح وتجي العروس وتمشي لين توصل للطفله وتبوسها على راسها وتاخذ منها الباقه
ويوم دخل المعرس ادخلت وراءه طفله ماسكه سله في ورود كل ورده مغلفه مع بيت شعر وتوزعه على المعازيم

2) دخلو اول شيء طفل وطفله ماسكين يد بعض بعدهم طفل ماسك ثلاث مخدات من الاصغار مربوطين فوق بعض ومربوط فيها بلونات وبعدها طفله ماسكه عربه فيها قفص عصافير ويدام القفص شموع معطره
ويوقفون على المسرح
بعدها تجي العروس وتقص حبل البالونات وتطفي الشموع وتبطل القفص ويطرون العصافير

3) ان االعروسين يلتقون بنص الطريق يوم يلتقون تاخذ العروسه باقه ورد وتعطيها المعرس باقه صغيره وتعطيه مسباح ويكملون الطريق مع بعض

4) حضرت عرس وكان فيه فكرة وهي ان كل أهل العروس لابسين هندي كل حد بلون مختلف وطريقة تقريباً مختلفة لكن المهم أنه هندي،، أنزين والكوشة كانت على شكل تاج محل يعني فيها قبة وأعمدة ، وقبل ما تدخل العروس شغلوا أغنية هندية
طبعاً العروس والزفة طبعا هندية ومشت على الستيج وكانت لابسة فستان هندي شكله كان فخم لكنه هندي وما كانت ماسكة ورد في إيدها ولا شئ .
وبعدين دخل المعرس وكان لابس (شو تتوقعون ) خطأ مش هندي لابس دشداشة وبشت
والى هني خلص الفيلم الهندي بس كانت فكرة حلوة ويديدة ومع ان عندي تحفظ على فستان العروس أحس ان أفضل لو كان فستان عادي بالرغم من إن فستانها كان فخم .
((وبصراحة خفنا يطلع العرسان اخوان مثل الأفلام الهندية ؟؟))

5) بنات هذه بعض الأفكار والمقترحات للعرس الإسلامي
ونحن نعلم أن الدين إذاخالط المناسبات أصبح فرحا وإن لم يكن أصبح ترحا

**... يضايقك لبس المدعوات الغير محتشم ؟؟::

ارفقي مع بطاقة الدعوة عبارة (( الرجاء الالتزام بالزي الاسلامي الحتشم منعا للإحراج ، كذلك لا تنسي أن تكوني نموذج أنت وعائلتك للزي المحتشم وبإذن الله تقللين من اللبس الفاضح

** نظمي مع لجنة خيرية تستقبل فائض أطعمة الولائم لتوزيع باقي العشاء على المحتاجين
** لا تنسي رعاك الله استضافة داعية بشوشة لتلقي خاطرة بسيطة لا تتعدى ثلث ساعة حتى يتعطر الحفل بذكر الله
** حبذا لو اجتمعت الفتيات من العائلة لضرب الدف والإنشاد فهذا أفضل من الاستئجار أو الأشرطة
** إذا كان الحفل في بيتك - وهذا أفضل لك - وأنت متضايقة من زحمة الأطفال ، أنصحك بوضع تلفاز وفيديو في غرفة بعيدة عن الحفل وتضعين لهم فلم كرتون إسلامي جديد في التسجيلات حتى ينجذبون إليه وادعيهم إلى المشاهدة لكن انتبهي إياك أن تكون الدعوة إجباريا
** وزعي شريط خاص بالمرأة بتغليف أنيق غير متكلف مع شوكلاته وكرت أذكار الصباح والمساء، ولا تنسي إهداء العاملات أشرطة إسلامية بلغاتهم
** أخيراأخيتي لا تنسي التخطيط لحفلتك لتنظيمها فأنت ترين عرسا مجهز بأفخم التجهيزات لكنه فوضوي لماذا ؟؟؟ السبب غياب التنسيق والتخطيط
وأقصد بالتخطيط :::
أحضري قلما وورقة
حددي من يساعدك من أخوات وقريبات
حددي لكل واحدة الإشراف على شيء معين فمثلا::
شذا على العصير
مريم على توزيع الأشرطة .....الخ
ويكون لكل واحدة فريق عمل سواء عاملات أو قريبات
وهذا يساعدك عشان ما تصيحين مثل النحلة ويدوخ راسك

وبعد ان انتهيت من الافكار وانا عارفه ان كل وحده الحين بطلع منراسها عشرات الافكار التزمو بالبعد عن المعاصي
وبعد ما تخلصين حطي اشاره عليها في دفترك عشان ترتاحين
لا تصعبونها اسبوع وبالكثير تخلص
لا تنسون الفواتير

فستان العرس والطرحه والجزمه
طبعا وانت رايحه تشوفين الكوش ممكن تاخذين يعني اول ما تبدين باللف مري على السوبر ماركت واختاري لك كم مجله واختاري الموديل اللي تبينه للعرس
وايضا فساتين السهره اللي تحتاجينها (لا تكثرين عن 2) وفستان الصباحيه ( واللي افضل يكون كله نعوووومه)
بعد ما تختارينها وتخلصين من كل الاشياء الي كتبت عنها فوق تروحين السوق وتشترين الاقمشه ويفضل يكون معاك احد ثقه بالذوق وويعرف يكاسر بالسعر عشان تستشيرينها وتقلص عليك الوقت
وبعد ما تشترينها مري خذي لك جزمه للعرس وفساتين السهره وعلى طول علاخياطه وفكي عمرك ولا تنسين الفاتوره وموعد البروفه.
او ممكن مصممه هي تسويها لك مع التفصيل وبكذا ترتاحين. صح

الحلويات+ المعجنات+العصيرات (التقديم)

برضو خذي لك لفه على سبع محلات معروفه وشوفي انتي تبين توزيع او على الطاولات وخبريه بعدد المعازيم وعدد الطاولات وهو راح يساعدك
ممكن على كل طاوله نص كيلو من الحلى والمعجنات
وتمرين بالعصير والكيك
كل واحد وذوقه





اهم شي في يوم واحد خصصيه لها الشي واكتبي اسماء المحلات اللي بتمرينها من بدري ومعاك ورقه فيها التفاصيل اللي تبينها وراح تخلصين بيوم
مع التخطيط كل شي يمشي


الكوافير+ المصوره+ اللي بتشيل لك حلاوه

اولا الكوافير.. شوفي السعر اللي يناسبك واختاري 5 مجربااااااااااات واحجزي عند وحده ولازم تسوين بروفه او ممكن تشوفين شغلها على وحده او اذا مشغل ممكن تروحين بس تناظرين شغلهم
اذا ok احجزيها بسرعه قبل ما تقول لك انا محجوزه..
وخذي منها وصل عشان ما تلعب عليك وتوهقك
اكتبي رقمها بالجوال والدفتر واكدي عليها قبل باسبوع من العرس وقبل بيوم

المصوره.. نفس الشي مري على4مصورات الي تشوفين اخراجها حلو احجزيها وخذي الوصل وحددي معاها الساعه ااي تبين تجيك فيها
وححددي عليها بالدفتر

الحلاوه ونقش الحنا.. خذي لك وحده معروفه(يفضل سودانيه لان هذي شغلتهم) ويفضل بعد اللي تسوي لك دلكه بعد الحلاوه
يفضل قبل الزواج بيومين عشان اليوم اللي قبل الزواج لازم يكون استرخااااااااااااااااااااااااا ااااااااء


يا حلوات هالاشياء اللي قلتلكم عليها اذا خلصتي منها اعتبري نفسك خلصتي الهم الكبييييييير
والاشياء الثانيه حتى شرائها فيه متعه
عشان كذا تفرغي لها تفرغ كاااااااامل ولا يزيد عن اسبوعين( همتكم)

الــجـــزء الـــســــادس / الــعــنـــايـــة بالــجـــســـم


الان راح ندخل على العنايه بالجسم
وهنا لازم تتبعين برنامج للجسم يشمل ..

قبل أي حمام او خلطه او كريم خذي لك ليفه ودلكي جسمك خفيييييييف وهو جاف والليفه جافه بشكل دائري وابدي من اسفل لاعلى .

****قبل الاستحمام***
قبل الاستحمام بربع ساعة وأنتي في الحمام افركي جسمك بـي حنة + ماء ورد + قليل زيت زيتون + م ك عسل + سكر + عصير ليمونه
تنعم وتصفي البشرة وتعالج عيوبها




***الصنفره***
لها عده طرق اختاري وحده واستمري عليها
1) من نزيه اشتري صنفره كاب + الدلكه المغربيه ويخلط ملعقه من كل منهما ( اولا يغسل الجسم بماء حار ثم توضع الخلطه ثم يفلاك الجسم ثم يشطف بماء بارد)
2) صنفره السودانيات :
نصف كيلو حمص حب ناشف
ربع كيلو شعير
محلب كميه بسيطه
نشاء
زيت اللوز المر
ليمون
زبادي او طحينه ( هرده)
براده الخشب

تطحن المكونات الناشفه ثم يؤخذ كوب من الخلطه +5نفط من الزيت وعصير الليونه والزبادي
توضه على الجسم نصف ساعه
ثم يؤخذ قشر الليمون ويفرك به الركب والاكواع وباقي الجسم
ثم تاخذين حمام عادي
3) خلطة شالسالفه
صابونه (الكركم + الصندل+ البابايا ) وتنقع في ماء الورد ليله كامله
علبه جلسرين السائل الشفاف
علبتين جليسوليد الاحمر الكبير
كاس صغير من كل من الزيوت التاليه (( زيت زيتون + اللوز + الخروع))
كركم من العطار + مسك كماده حافظه
فكس + فازلين
يوضع على الجسم لمده ساعتين ثم يغسل ويفرك بليمونه عليها ملح
4) : يدهن بزيت الزيتون كاملا ثم يفرك بالسكر على خفيف ثم يغسل بالمائ فقط ثم ينشف الجسم


***الحمام المغربي***
لابد منه مره في الاسبوع
اولا ... )) خلطة مغربيه وهي عبارة عن (( 5م ك حنة + 8م ك سكر + 1م ك كركم )) اخلطيهم مع بعض وكل أسبوع يعني مره وحدة بالأسبوع خذي ملعقتين من الخلطة واعجنيها بزيت سمسم وادهني جسمك فيها وأنتي بالحمام واتركيها ربع ساعة وافركي بحركات دائرية كل الجسم واغسليها بماء دفيء وبعدها سوي حمام مغربي
ثانيا طريقه الحمام المغربي ...
المواد التي تحتاجينها كالتالي:
صابون بلدي (صابون مغربي(حناء
لا تاخذي اللي مطحونة جاهزة من عند العطار لأنها تكون مغشوشة
ولكن اشتريها أوراق
ثم دقيها بنفسك
انخليها لتحصلي على بودرة ناعمة
عصير الليمون الحامض
غاسول (طمي مغربي(ليفة مغربية
حجر خفاف
مناديل كلينكس
صابو الطاووس
الخطوات كالتالي:
1- أسخن الحمام بأن أترك الماء الساخن يملأ البانيو مع إغلاق كل منافذ الهواء (الباب و النوافذ)، المهم هو أن يملأ البخار الحمام، وتتعرقين.
2- أدخل البانيو المليء بالماء الساخن (طبعا حسب تحمل بشرتك) لمدة 10 دقائق. بعد ذلك أجلس على كرسي، لأن المرحلة التالية تلزم أن تخرجي من الماء.
3- في إناء أخلط الصابون البلدي (الصابون المغربي) وهو اللي شكله مثل الكريم متماسك ولونه أسود مع الحناء وعصير الليمون الحامض، ولا تنسي وجهك وركزي على المناطق الدهنية في بشرتك. أترك الصابون على جسمي حوالي 10 دقائق. أما بالنسبة لوجهي فأشطفه في الحال لكي لا يؤذي عيني وأكرر وضعه عليه مرة أخرى (لأن الوجه يكون دهنيا أكثر من باقي الجسم).
4- بعد ذلك أشطف جسمي بالماء الساخن جيدا وأقوم بفرك جسمي بالليفة المغربية (من الأسفل إلى الأعلى باتجاه القلب حتى تحفزي وتنشطي الدورة الدموية) أبدأ بوجهي ثم عنقي ثم صدري وبطني ثم يدي ورجلي وأنادي على أمي أو أختي لتقوم بالعملية نفسها على ظهري. وأركز على المناطق الخشنة في جسمي مثل الكوعين والركبتين، و تشوفي كيف تطلع الخلايا الميتة بلون رمادي مثل السباغيتي ههههههههههه. أشطف جسمي بعد ذلك بالماء.
5- بعد ذلك أقوم بإزالة الرؤوس السوداء من وجهي حيث تكون البشرة في هذه الأثناء متفتحة المسام فيسهل إزالتها، أقوم بلف ورق كلينكس أو قطعة ثوب معقمة على سبابة كل يد ثم أعصر كل حبة وأحرص على إخراج كل ما بداخلها حتى أكمل كل النقط التي في وجهي، مع التركيز على الأنف وجوانبه والذقن ثم باقي الوجه، ثم أنتقل للمرحلة الموالية.
6- أضع الغاسول مخلوط بماء الورد مع عصير الليمون على كامل جسمي وعلى وجهي وشعري (لأن شعري دهني) وأتركه لغاية ما أنتهي من المرحلة التالية.
7- في هذه الأثناء أقوم بفرك أقدامي بالحجر الخفاف حيث تكون رطبة وتسهل عملية إزالة الخلايا الميتة.
8- أشطف جسمي من الغاسول ثم أغسل شعري جيدا وبعد ذلك أغسل بصابون الطاووس بالعسل (يوجد فيه أنواع كثير اختاري منها ما يناسبك).
9- أنشف بعد ذلك جسمي ثم أمرر عليه قطنة مبللة بماء الورد لانتعاش أكثر.
كل هذه الخطوات نقوم بها نحن المغربيات كل أسبوع (لأن الخلايا الميتة تتكون كل أسبوع)، وباقي الأيام نأخذ دوش عادي يعني نغسل بالماء والصابون.


لنعومه الجسم

بعد أي حمام ترشين على جسمك ماااء بارد في رشاش مخلوطه دهن الورد ودهن فواح من اجمل
بعدين ترطبي الجسم عشان ينعم ويصير طري ويفتح ترى مع الاستمرار في الترطيب بيفتح جسمك كثيير
وهاذي الخلطه ممتازه لازم على كل عروس تستعملها حتى قبل النوم وكل ما حست بجفاف جسمها تدهنه
وهي علبه كبيره جليسوليد + بوده اطفال + زيت اطفال + اويل جل من جونسون+ فازلين للعنايه الفائقه باليدي والاظافر+ جرجنز لشد البشره jergens skin firming body wash with seaweed extract +زبده الكاكاو
لنعومه الجسم الفائقه:
كريم st.morits

لتبييض الجسم وازاله السواد من الركب والاكواع والمناطق الحساسه..
1))مزيل عرق +مبيض للبط
الشبه + المسك + الجلسرين السايل (توضه ىفي علبه مزيل عرق مفاضيه ومغسوله )= مزيل عرق أكيد ومجرب +تفتيح اللون بشكل كبييير * بس اكثر كميه هي الشبه*

2)) لسواد الابط( كريم افالون +فيتامين ه) مع استخدام مزيل العرق بيزالين

3)) ليمونه تنقع في زيت سم سم ليله كامله
ويفرك فيها السواد حتى المنطقه الحساسه

4)): الدوكين 4% + الفورت (للمنطقه الحساسه)
الدوكين فقط (للركب)
5)) : كركم + فازلين

6)) خلطه سارونا : 2م الكوم
3م رتن أي
4م الدوكين فورت 4%
6م الفا هيدروكسب ( توضع في الثلاجه)
للجريئات فقط ولا تحطونها الا للركب والاكواع


7)) لتبييض الجسم


5 علب فازلين كبيرة
علبتان جليسوليد كبيرة
1 بيبي oil كبيرة
علبة نشا الكبيره
اخلطيهم كلهم جيدآ جيدآ صدقووووني يا بنات والله والله والله عزيز انها فعلآ مع الاستمرار تبيض, نسيت أقولكم تقدرون تضيفون الفكس
المهم بنات خلوني أقولكم كيف أنا أستخدم الخلطه...
حط اللي يكفي جسمي في صحن وأعصر عليه ليمونتين, وأفرك جسمي عدل مع شويت مساج دائري...أقعد ساعة أوساعة ونص, وأطلع أمشي لمدة ساعة..
أرجع البيت عرقانه, أدخل الحمام الله يعزكم وأستخدم صابونة الغار وليفه شوي خشنه وأفرك جسمي عدل لين والله يا بنات أشوف الوسخ والجلد الميت يطيح..
وأحط بعد الدوش لوشن.... وبس



8)) للركب والاكواع
1) حاولي انها ما تحتك باي شي
2) اخلط ملعقتين فازلين وملعقتين فكس وثلاث ملاعق بروكسيد الاخضر وعند كل صلاه ادهن هالفحمه والله يابنات انه من اسبوع واحد بس لاحظت تغير 80% سمعتو القصه زيييييييين
3) استخدم يوم بعد يوم صنفرة السكر مع الليمون وزيت الزيتون
وبعد ما اغسلها اخلط عسل وخل وزيت زيتون وعصير ليمونه وادهن فيها الرجل واللبس كيس لمدة نصف ساعة وانا جالسه قدام التلفزيون وادهن يدي بعد والنتيجة روووعه
9)) اللي بتستخدم كريم لكامل الجسم تستخدم لوشن مو كريم عشان يتوزع على كامل الجسم بسهوله وتستخدم منتج طبي وتجميلي في آن واحد

الحلاوه ونزع الشعر
سوي تقشير قبل شيل الشعر
****حلاوه شعر****
1)) ينظف الجلد بالحليب البارد .............تدليك ( هذي الخطوه مهمه
2)) تفرد الحلاوه في اتجاه نمو الشعر ويلف عليه قماش وينتف بعكس اتجاه الشعر.
طريقه صنع الحلاوه في المنزل
8كوب سكرمركز (ماء+سكر بنسب متساويه)
كوب عصير ليمون
كوبان ماء
كميه من الجلسرين
نسخن المقادير جميعها ما عدا الجلسرين الى ان يصبح لونه مثل التوفي ثم يضاف اليه الجلسرين


****بعد الحلاوه****
وفائده الخلطه انها تسكر المسام وتمنع ظهور الحبوب بعد ما تشلين بالحلاوه
.ك. مراميه
م.ك.خزامى
م.ك.ورد احمر
م.ك.بشر برتقال
م.ك.بشر ليمون
توضع في كاس حتى يمتلي (واذا ما امتلى زيدي الملاعق يعنى تصير <2>)
خل تفاح (مقدار كاس غير مملوء)
توضع المقادير في برطمان زجاج ويترك لمده اسبوعين
ثم يصفى ويوضع عليه ماء ورد (ضعي الخليط المصفى في كاس وما الورد نفس مقدار كاس الخليط)يعني اذا كان الخليط كاس حطي ماء الورد كاس
ثم يخلط ويوضع في الثلاجه لحين الاستخدام
×?°تنبيــــــــــــــــــــــــــ ــــــــــــــــه×?°
قبل الاستخدام خذي قطنه وضعي فيها قليل من الخليط وامسحي خلف اذنك اذا سبب لك حساسيه زيدي عليه4/1 كاس ماء ورد وجربي اذا سبب لك حساسيه زيدي ماء الورد وهاكذا

****بعد الحلاقة بالشيفرة.. وبعد الحلاوة.. أنتبهي من..؟؟؟؟؟****
الشيفره.. والحلاقة:
تجنبي غسل المكان بالصابوووون خصوصا مكان الأبطين والمنطقة الحساسة
فالأبطين تحتهما مباشره الغدد اللمفاويه وعند غسل المنطقة بالصابون بعد الحلاقة يدخل فورا لتلك الغدد.. ووالله أنا لي صديقة ظهرت لها أورام تحت الأبط وظنت أنهما أورام لكن بعد مراجعة الطبيب تبين ولله الحمد أنها مجرد أكياس دهنيه بداخلها أوساخ والسبب كما وأن ذكرت سابقا زائد+ أستعمال الديودرنت( مزيل العرق) بعد الحلاقة أو أستعمال الصابون مع الحلاقة في مكان الأبط وهذا ضاااار جدا..
للتوضيح........
عشان كذا بعد ما تخلصين تنظيف جسمك بالصابوه إبدئي بالحلاقة وليس العكس
عشان المسام بتكون مفتوحه فتجنبي بعد الحلاقة غسلها بالصابون

بعد الحلاوة:
تجنبي ترك الأماكن الحساسة بدون غسل بعد الحلاوة خصوصا مكان الأبط حتى لا تدخل المواد إلى الغدد اللمفاويه وتسدها.. أغسليه جيدا بالماء حتى ينظف..
كذلك تجنبي أستعمال الديودرنت( مزيل العرق) بعد الحلاوة فورا
بل أتركي المنطقة حتى ترتاح لمدة لاتقل عن 24 ساعة على الأقل


****عدم عوده الشعر نهائيا*****
1)وهي طريقه الدكتور جابر القحطاني رئيس قسم كليه الصيدله بجامعه الملك سعود مرارة عنز بكر ماقد ولدت وحطي عليها نشادر واعجنيها تمام وبعد ماتشيلي جسمك كله بالحلاوة دهني جسمك بالخلطة وخليها ساعة او ساعة ونصف بعدين اغسليها بالماءوماراح ينبت شعر نهائي ومالها اي اثار سلبية ....

والطريقه الثايه هي خلط نباس سهد مطحون ومغلي على النار مع زيت زيتون ويدهن الجسم بعد الحلاوه وتستمرين على ذلك 7ايام متتاليه

بنات يقولون زيت الزيتون بلحاله يخفف النمو بشكل كبير


بعض المشاكل وحلولها + فوائد



*** للخطوط البيضاء***
خل التفاح مع قهوه مطحونه


***للنقط السيقان***
اولا هو يجي دايم البشره اللي متروسه جلد ميت وناشفه
1) ليفه من ذي بودي شوب اسمها فيلفت
2) دهني سيقانك بزيت اللوز المر واتركيه 5 دقايق
ثم استخدمي الحجر حق أسفل الرجل وحكي رجلك فيها عشان يطلع الشعر واستخدمي ليفه خشنه وطلعي الشعر وبس هذا الي اعرفه


***وصفات لشد الصدر***
- مقدار من الشبة (1/2 جرام تسحق جيدا )
- معلقتين كبيرتين من كريم الجلد من اي نوع جيد
- 1/2 كوب صغير جلسرين يعادل 3 ملاعق كبيرة
- 1/2 كوب صغير زيت زيتون يعادل 3 ملاعق كبيرة
- قليل من ماء الورد
1/2 ليمونة
الطريقه
توضع المقادير السابقة في زجاجة ويرج الخليط جيدا.
ثم يوضع اناء به ماء مغلي وتوضع به الزجاجة .
ـــــــــــ
وهناك ايضا طريقه اخرى
وهى الحلبه المطحونه خذى مقدار منها وقومى بفركها على الصدر
لمده نصف ساعه بشكل دائرى ولما تخلصى قومى بوضع كمادات بارده على الصدر
لمده عشر دقائق واستمرى على هذى الطريقه لحد لما توصلى للشكل المطلوب
وهذى هم من الدكتور عادل والكل مدحها وللعلم تنعم البشره



****صابونه كركم في المنزل *****
صابونه زيت زيتون (مبشوره)
كوب صغير مغلي البقدونس ( نضع حزمه بقدونس + 3اكواب ماء على النار ونصفيه عندما لا يتبقى الا مقدار كوب صغير )
م ك جلسرين سايل
م ك زيت اللوز
م ك ماء ورد
م ك كركم
نضع الصابون مع المقدونس على النار الهادئه حتى يذوب الصابون
ثم نضع كلا من الجلسرين + زيت اللوز وتقلب ثم نضع الكركم وماء الورد وتقلب حتى نحصل على قوام غليظ نطفي النار ونتركه 3 دقائق ثم نصبه في قوالب ويترك في الهواء

وهنا جل كاتبه عنه وحده من الخوات وهذا نص ما كتبت
****جل رهييييييييييييييييييييييييب لتنحيف و شد البشرة***

المفعول :1-يحسن مظهر (قشر البرتقال) بشكل واضح جدا جدا جدا
طبعا المقصود بقشر البرتقال البشرة اللي مو مستوية اللي فيها سهول و هضاب و هالسوالف من السيليولايت اللي يكون على الفخوذ و المؤخرة بشكل خاص و مرات الترهلات اللي بالايدين
2-و له مفعول قوي في تنعيم و شد البشرة
بالنسبة للنتيجة:
بعد 8 أيام: 41% تماسك أكثر
89% بشرة نشيطة أكثر ( يعني تخيلوا الفرق )
بعد أربعة اسابيع : تخفيف مظهر قشر البرتقال بشكل واضح بنسبة 85 %
( يعني تصيرين نعومة و مشدودة بنسبة 85 % )
تخيلي ؟؟؟؟؟؟؟!
طريقة استخدامي
صراحة انا كسولة جدا و ما أدري شلون تابعت عليه شهر كامل ؟؟
انقلب جلد جسمي فوق حدر صار ناعم و مشدود
المهم
انا كنت استخدمه مرة و حدة باليوم و لو مرتين كان أحسن و احسن بس قتلكم كسلانة حييييييييييييييييل
و ادهنه على بطني و فخوذي و ... فهمتو و ايديني بعد
صراحة رهييييييب

و اللي حلو حيل انه ما في داعي تكملين أكثر من شهر لأنه النتيجة انشالله تبان من الشهر الأول
بس تقدرين تردين تستخدمينه مرة ثانية بعد كم شهر ! لما تحسين انك تين تشدين الجسم
بالمناسبة ترا الجل خفيف حيل و ماله ريحة خايسة ابدا
و مرسوم على علبته طريقة التدليك من تحت لفوق و هالسوالف
و تقدرين عقب ما تخلصين دهنه تلبسين ملابسك فورا
ليش ينحف؟
و يشد لأنه غني بمادتي جينكو و كافيين اللذان يساعدان على التخلص من الدهون المتراكمة في انسجة البشرة
, ليش ينعم و يشد ؟
و يشد لأنه غني بمادتي جينكو و كافيين اللذان يساعدان على التخلص من الدهون المتراكمة في انسجة البشرة
, ليش ينعم و يشد ؟
لأنه غني بعنصر بارايلاسليل الفعال في شد البشر
يعني يتكون من ثلاث مواد فقط !! و كل وحدة احسن من الثانية
جينا للاهم .
شنو اسم الجيل ؟
هو
جل بيرفكت سليم من لوريال
L'OREAL
PERFECT SLIM
Countouring + firiming body Gel
الجــــزء الـــــســــابــــ 7 ــــع / ترتيب الشنط والاشياء اللي تسوينها قبل زواجك بيوم





بالنسبه لترتيب الشنط
اتبعي بعض هالنقاط التاليه ..




1)) اشتري الشنط اللي راح ترتبين الملابس فيها بأحجام مختلفه ( شي مخصص لملابس الطلعه وشي للميك اب وشي للجزم ... وهكذا) وخلي شراء الشنط بعد ما تنتهين من كامل التجهيز.

2)) اشتري من الاكياس اللي تنحط فيها الملابس ولها سحاب ( مثل حقت فستان الزفاف او البعض يشترونها عشان يعلقون الملابس الفخمه عندهم بالدولاب بدوزن ما تخرب ) يعني لها علاقه وبتلا قونها في اكيا باسعار حلوه .
3)) خصصي لك يوم كامل لترتيب الشنط وممكن تعزمين صديقتك المفضله او كذا صديقه لك عشان يرتبونها معاك وتتسلو فيها ويفضل قبل الزواج بمده كافيه لسببين عشان ترتاحين من التجهيز وتتأكدين انو خلاص ما بقي على التجهيز شي وتتفرغين لاشياء ثانيه ثانيا عشان تتركينها فتره فما تملين منها وبعد الزواج اذا شفتيها تتذكرين ايام التجهيز صدقيني بتحنين لها الايام.
4)) ممكن قمصان النوم والملابس الداخليه ترتبينهاترتيب خاص مثل تشترين اقمشه اورجنزا او تل بنفس الوان قمصانك وتروحين الخياط وتخيطينهم مثل شنط العبايه يعني مربع مفتوح فقط من جهه واحده وترتبينهم داخلها كل قميص مع اللون اللي يطابقه وتنثرين جواتهم ورد مجفف ولا تنسين تدخلينهم قبل ما تعطرينهم وتكوينهم ,,
5)) اما طقوم الملابس الداخليه ممكن نفس طريقه القمصان او انك تشترين لها علب هدايا(بحجم الكتاب الكبير) بالوان جميله وتعطرينهم وترتبين كل طقم في علبه خاصه .
6))بالنسبه للعطورات اول شي تفكينهم من كراتينهم وبعدين تشترين لك صندوق خشبي وياليت لو يكون ارتفاعه مو عالي مره ومساحته كبيره شوي وتشترين قماش حرير وحطينه بداخل الصندوق بشكل عشوائي وترتبين العطور بالداخل يعني تسدحينهم برضوه بشكل عشوائي وممكن بالنهايه ترمين عليهم فصوص او كرستالات .
7))ممكن الشنط تخلينها بس للملابس الرسميه وما تشترين باقي الطقم وتشترين علب هدايا من الاحجام الكبيره وترتبين فيها اغراضك .


ملاحظه .. اذا بتروحون للفندق جهزي لها شنطه خاصه ( اذا تبون تفصيل ما عندي مانع ) بس اهم شي خلي عندك مبلغ من المال في السفر يمكن تحتناجينه لو صار شي لا سمح الله واذا بتطلعين برى الدوله لا تنسين ارقام السفارات وارقام كل اهلك بنوته خاصه وبالجوال احتياط والله يوفق الجميع
8)) الفكرة في بالي وبسويها وكل وحدة تسويه بطريقتها بقولها لكم دحين :
اهو الله يسلمك صندوق كبير شي او متوسط الحجم يتزين بالورود او باي طريقه يفضلونها وينحط في النص المصحف الشريف وعلى جنب تحط كتب ومطويات من الصغار فيها ادعية واذكار واحاديث وعلى الجنب اشرطة محاظرات دينية واناشيد دينيه واشرطه القران تشتري للقاري اللي تحب صوته وترتبها باسلوبه ويروح مع الشنط لمن اهلها يودونها وتحطه في غرفة الجلسة اللي فيها التلفزيون والمسجل واذا كانت تشتغل تتسمع عليها او تقراها اذا كانت فاضية..
وبعد في ايام شهر العسل تكون في شنطتها بعض المطويات الصغيرة اللي فيها ادعية واذكار لا مو طول الشهر واهي تسولف معاه بتجي لحظات تتقرب فيها من ربها تكون معها احسن..



الاشياء اللي لازم تسوينها قبل زواج بيوم


اول راح اتكلم عن اسبوع قبل الزواج. تكثفين العنايه بجسمك وبشرتك وشعرك من خلال الخلطات والترطيب الدائم للجسم والاكثار من العصائر.
قبل الزواج باسبوع تقصين شعرك وتصبغينه لان اللون يحلو اكثر بعد مرور اسبوع وخاصه الهاي لايت وعشان يمديك ترطبينه بعد الصبغه بالزيوت وحمام الزيت .
قبل الزواج بيومين ( يعني اذا زواجك الاربعاء يكون الاثنين تروحين للمركز وتسوين حواجبك تشقير طبعا وليس نتف +بديكير ومناكير +فتله للوجه او شمع او تشقير + تنظيف بشره + حمام زيت للشعر
وروحي من بدري عشان يجي المغرب وانت خالصه .
بعد ما ترجعين تكونين متفقه مع وحده تجي تشيل لك حلاوه وتنقش يدينك.
اليوم اللي قبل العرس..
الحمد لله انتهيتي من التجهيز ومن نفسك وفعلا راح تحسين انك عروس ونظيفه ونضره

1) حاولي تصحين بدري لعل وعسى تنامين باليل بدري
2) صلي ركعتين واقرأي القران وادعي بكل شي نفسك فيه
3) اليوم يوم راحه المفروض كل اهلك يخدمونك لا تجلسين فاضيه عشان ما تفكرين كثير اعزمي صديقاتك اللي تمونين عليهم عشان يقضون اليوم كله معك.
4) لا تنسين الاسترخاء وبدل ما تشغلين موسيقى شغلي قران
5) ممكن تروحين مطعم رومنسي تتعشين فيه او كوفي شوب المهم ما تفكرين كثير عشان ما يجيك قلق وتوتر .
6) لو اتعبك التفكير تذكري انه ماله داعي الخوف لانه احلى يوم بيمر عليك وتذكري انها ساعات قليله وتمر وتبقى ذكريات حلوه ان شاء الله .
7) لو ما جاك نوم بالليل بدري على طول وضوء + صلاه + دعاء ( بنات كثرو من الدعاء يمكن ربي كاتب انك ما تتوفقين او يصير شي يخرب العرس وبدعائك يتغير القدر لان الدعاء والقدر يتسابقون الى السماء واذا سبق الدعاء القدر يزول القدر )
وبالتوفيق لكل العرايس


دعوواااتكم لي ياعرااايس :42:

الـجــزء الـــثــــامــن / يوم الزواج والصباحية

ليوم عرسك يا عروس
اول ما تقومين من النوم صلي ركعتين + الدعاء
تصدقي لو بريال اهم شي النيه وعطيه الشغاله او أي احد قريب ومحتاج
خذي لك شور محترم وركزي على خلف الاذنين والبطن والسره والمؤخره وافركي جسمك بخفيف بالشور جل ابيك تصيرين قمه نظافه
واذا طلعتي رطبي نفسك عدل لين تصيرين زبده وبعدها روحي للكوافيره او الافضل هي تجيك وانت مرتاحه وقبل ما تسوي التسريحه عطري شعرك ووصيها تسوي تسريحه بحيث اذا فكيتيها ما تحتاجين تغسلين شعرك وتستشورينه لا تستشوره زيييين والتسريحه تكون سهله الفك .
بعد ما تحط لك الميك اب غرقي عمرك بالكريمات المرطبه والعطور والبس طقم الماس او الذهب والبس الفستان واستعدي بكل ثقه وفرح لليلتك الحلوه باذن الله .
وان شاء الله تكون احلى ليله .

خلاااااااااااااااااااص الحين راح الخوف كله
وصباحيه مباركه يا عرووس
اول ما تقومين من النوم صلي ركعتين وادعي
روحي خذي لك شور وبعدها تعطري واستشوري شعرك او ممكن تحطين عليه اويل جل ويصير شكله طبيعي مع لمعه
وممكن تحطين ورده بيضاء خلف اذنك
ممكن اذا عندك وقت تلفين شعرك بالرول ويصير شكله كيرلي وتربطين شعرك بربطه زي الطوق

اوكي نجي للمكياج يكون ناعم زي ما تكلمت بالاول
على فكره اذا عنك وقت ممكن تجيبين كوافيره تسوي لك شعرك ومكياجك بسخلي المكياج بالوان فاتحه
وتروحين تفطرين وانت بكامل شياكتك
وخلاص يبدا الدلع والطلعات والروحات والجيات وتعوضين شوي من التعب اللي قبل الزواج

الــــجــــزء الـــتــــاســـ 9 ــــع / ثقافه عامه ...


الدينيه ..

1.. احرصي على صلاتك مع ربك كل الحرص ولا تقطعين الله فيقطعك وعودي زوجك على الصلاه في المسجد اذا كان متهاون فيها ومن البدايه اذكري له ان هالشي مهم جدا في حياتك.
2.. لا تقطعين الصدقه مع كل راتب او مصروف قدمي جزء بسيط للفقراء .
3.. حاولي تصومين الاثنين والخميس بعد استأذان الزوج ..
4.. اخر الليل قومي من النوم لو قبل صلاه الفجر بربع ساعه وصلي الشفع والوتر وادعيييييييي باللي تبين وخلي هالوقت موعد دائم مع ربك وتشوفين الراحه بعينك.
5.. خلي لسانك رطب بذكر الله .
6.. حاولي قبل النوم تسوون انتي وزوجك حلقه ذكر وراح تحفكم الملائكه وتنزل عليكم رحمه من الله واذا ما يبي قولي خلاص انت تسدح وانت امسكي كتاب واقري بس يكون من الكتب الشيقه في البدايه عشان ينجذب للدين اكثر ( مثل الكتب اللي توصف الجنه او قصص الانبياء )
7.. داومي على قراءه القران.


كيفيه تعاملك مع زوجك

طبعا هذا بحد ذاته يبي له موضوع كامل ويالله يكفي بس انا ابي اعطيكم فقط الزبده
حتى تسهل قرأته وفهمه وبالتالي تطبيقه


اولا.. الزواج مو حرب والشاطر يربح لا هي موده ورحمه .

ثانيا ..مهما سويتي لزوجك ما راح تو فينه حقه قال الرسول صلى الله عليه وسلم بما معناه ( لو لمرت احد ان يسجد لغير الله لامرت المراء ان تسجد لزوجها ).

ثالثا.. اذا تبين فعلا التعامل السليم اقراي الكثير من قصص الصحابيات وما فيها من العبر واقراي قصص نساء التاريخ حتى تستفيدي من كيدهن ودهائهن.

رابعا .. ادعي دائما وابدا وتصدقي.

خامسا .. اهتمي بنفسك وبشياكتك بالبيت اكثر منه خارج البيت ولا مانع بان تفاجئيه بفستان سهره وتسريحه(يعني ما يشوف فيك الا اللي يسره) .

سادسا.. خليك مثل الورده ريحتك دايم عطور حتى شعرك وكل جسمك حتى اذا قمت من النوم مفروض ريحتك دايم عطره والنظافه قبل العطر .

سابعا.. الثقل صنعه .. ليه الرجل في ايام الملكه ينجذب لزوجته وبعد الزواج يقل تدريجيا لانها بدات تتفتح امامه الى ان ما يبقى فيك شي يجذبه لذلك خلي فيك شويه غموض ومو كل شي لازم يعرفه ورايك بكل شي لازم تقولينه وبكذا يحس انه يبي يفتحك اكثر وتصيرين (بشخصيتك )جذابه اكثروكل ما حاول يفتحك شوي بقي لك شويه رصيد من الغموض ..

ثامنا.. الصبر .. لابد يكون فيه اشياء ما تعجبك سواء بشكله بتصرفاته بشغله ........الخ ما فيه احد كامل اصبري واحتسبي والصبر مفتاح الفرج.

تاسعا.. احفظيه في ماله وعرضه وكل شي .

عاشرا.. حاولي تتعلمين فنون استقبال الزوج ( شكل حلو +ريحه حلوه + ابتسامه + بوسه اوضمه +عصير في ايام الحر ومشروب ساخن في ايام البرد ).

الحادي عشر ..اذا مرض تخيليه طفل صغير وعامليه زي الطفل وفري الراحه والهدوء ودلعيه زي الطفل حتى الاكل انتي اكليه وافصلي اسلاك التليفون وخليك معاه.

الثاني عشر.. الفرح اذا صار له شي يفرحه سواء ترقيه او غيره افرحي لفرحه وممكن تسوين له حفله مع هديه.

الثالث عشر.. تفنني بطرق تقديم الاكل وبلبسك واضافاتك لمنزلك.

الرابع عشر .. لا تنسين التغيير من الروتين وذالك ببعض الافكار واقامه ليالي رومنسيه بس لا تقربين بين اوقاتها فيصيبكم الملل

الخامس عشر .. تعلمي الدلع والسنع وهذا له فنون بصراحه فيه موضوع رووووووووووعه اول مااخلص من الموضوع هادا راح انزله بعنوان(لحياه زوجيه اسعد كوني انثى)
وكله افكار عمليه وخطيره .. لازم تشوفونه لااااااازم.
السادس عشر .. فيه كتاب مفييييييد انصحكم تقرونه اسمه (الرجال من المريخ والنساء من الزهره) الزبده ان تفكير الرجال والنساء كل واحد بوادي وكأنهم من كوكبين مختلفين وفيها تفهمين نفسيه الرجل اللي تختلف عن نفسياتنا

مثلا ..المراه اذا صار لها مشكله تحب تفضفض اما الرجل على العكس يحب يجلس لحاله فلا تحاولين تعرفين وش سبب زعله وتلاحقينه خليه الى ان يهدأ
وفيه ان ارجل مثل خيط مطاطي (امسكي خيط مطاطي وثبتيه من طرف واحد باصبعك والطرف الثاني مطيه وابعديه وشوي شوي )
كذا الرجال زي المطاط يحسون بالملل فيبعدون شوي شوي الى ان يوصل حده فيرجع لك بشوووووووق كبير فاذا لاحظتي بدايه بعده عنك انتي بعد ابعدي عشان بسرعه يرجع لك
لكن كل ما حاول يبعد وانتس تقربتي وسحبتيه لك بيحاول يرجع مره ثانيه يبعد فانت اختصري الوقت وابعدي عنه بهدووء وهو بنفسه راح يرجع لك .

السابع عشر .. ( العتاب والغيره ) كل منهم حلو بس اذا زادو عن حدهم تسبب خراب بيوت اصبري وابعدي عنك الشكوك ولا تخلين عندك وقت فراغ ..




•°·.¸.•°®» مشاكل سنة أولى زاوج «®°·.¸.•°




المشكلة الأولى

التي يمكن أن تواجه الزوجين في سنتهم الأولى هو عدم فهم أنهما من عالمين مختلفين، أي أن يتصور الزوج والزوجة سواء طالت فترة الخطوبة أم قصرت أو طالت فترة العقد أو قصرت أنهما قد عرفا بعضهما البعض تمامًا، فهذا الأمر لا يكون حقيقيًّا؛ لأنه هناك أمور لا يمكن أن تعرف إلا إذا أغلق على الزوجين باب واحد.

لذا فيجب أن يوطن كل فرد منهما نفسه على أن هناك مساحة سيتعرف عليها عندما يعاشر الفرد الآخر أو شريك حياته في حياة يومية، بينما كان اللقاء بينهما قبل الزواج هو لقاء بين فردين ينتظر كل منهما لقاء الآخر ويستعد له ويعتبره جزءًا من راحته، ولكن الأمر قد اختلف الآن وأصبح كل واحد منهما مسئولية فالزوجة مسئولة من زوجها والزوج مسئول من زوجته.
هذا الاختلاف في طبيعة العلاقة وهذا التعارف الأعمق الذي يحتاج إلى وعي من كل من الطرفين به حتى لا يفاجأ به أحدهما أو كلاهما فتحدث المشاكل والأزمات.


المشكلة الثانية

تأتي من تصور أي من الطرفين أن الطرف الآخر هو المطلوب منه أن يتغير أو أنه يستطيع أن يغير الطرف الآخر ليصبح على هواه أو كما يريد، فهذا أيضًا تصور خاطئ يؤدي إلى حدوث المشاكل والأزمات؛ لأن كلاًّ من الطرفين يحتاج أن يتغير من أجل أن يقترب من شريك حياته، وهذا أمر مطلوب من الشريكين معًا وليس مطلوبًا من طرف دون آخر.
ولا بد أن يدرك الزوجان أنه بعد هذا التغيير ستظل هناك مساحة خاصة لكل شخص يتحرك فيها بحريته وله فيها خصوصيته، فليس معنى الزواج أن تختفي شخصية كل فرد في الآخر تمامًا، ولكن لا بد من وجود مساحة مشتركة للتآلف، ثم مساحة للتقارب، ثم مساحة يحاول كل شخص منهما أن يتكيف مع صاحبه كما هو؛ لأنها مساحة لن تتغير أو ستتغير ببطء شديد.


المشكلة الثالثة

تنبع من تصور كل شريك أنه على الشريك الآخر أن يبدأ بالاعتذار عند حدوث خطأ أو مشكلة ويقول لهم القائلون إنه لا بد أن يعود شريك حياته أن يكون هو البادئ بالاعتذار؛ لأنه لو اعتذر فإن الطرف الآخر سيتعود على ذلك ويتمسك كل واحد منهما بموقفه مما يؤدي إلى تفاقم الأزمات والمشكلات، والصحيح أن يعرف كل واحد منهما أن عليه المبادرة بالاعتذار عندما يكون مخطئًا، وأنه لا بد من وجود مساحة من التغافل والتغافر حتى تسير الحياة الزوجية إلى سلام وأمان.



الجـــزء الـــعـــاشـــ 10 ــــــر والأخيـــــــر





تبقى السنة الأولى من الزواج مثيرة جدا ومسلية. حيث يتم تجنب المشاعر السلبية من قبل الطرفين وذلك بسبب التفاؤل الذي يسود هذه المرحلة ورغبة الطرفين يبدأ حياة جديدة ناجحة ومستقبل مشرق لكليهما.

حيث تقوم الطبيعة بمفعولها لجعل هذين الشخصين يجتمعان وفي هذه المرحلة يكون الحب طاغيا بحيث لا ينتبه كل منهما إلى عيوب الآخر. وعادة ما تكون هذه المشاعر اكبر عامل مساعد في تجنب المشاكل الزوجية في السنة الأولى للزواج.

لذلك على الزوجين أن يدركا هذا الأمر حال الارتباط حتى لا تتراكم المشاعر السلبية وتؤدي إلى التأزم في المستقبل. فكلا الزوجين يكون لديهما يصور قبل الزواج عن الزواج المثالي وحالما يتخذ القرار بالزواج يحاول كل منهما التصرف بحسب المفهوم النموذجي للزواج من وجهة نظره. هنا قد يكون العقل الباطن هو المسيطر حيث يحاول كل من الزوجين ومن دون إدراك أن يقلد زواج والديه.

لذلك يجب على الزوجين أن يحرصا على البقاء قنوات الاتصال مفتوحة وان يسارعا بإخبار الطرف الآخر إذا كان متضايقا من أي أمر مهما كان صغيرا لتجنب أي تراكمات قد تؤدي إلى وضع افضل في المستقبل.

ومن جانب آخر وبينما يعتقد البعض أن قضاء وقت حميم مع الشريك ما هو إلا مقدمه لممارسه الجنس، بينما يعتقد علماء النفس أن الحميميه جزء مهم و أساسي في العلاقة الزوجية. بل انه العنصر الذي يمنح العلاقة الزوجية عمقها ومعناها الحقيقي.
وإذا كان للدفء والحميمية في العلاقات بين البشر هذه الأهمية فلماذا إذاً يكون من الصعب تحقيق ذلك؟

إن اكبر عقبة تحول دون تحقيق ذلك هي الوقت وعدم توفر الأساليب لتحقيق ذلك، حيث يضيف الخبراء أننا بحاجة لتخصيص وقت اكبر من برنامج حياتنا لكي نحصل على وقت حميم و دافئ لقضائه مع الشريك.

العقبة الأخرى قد تكون الخوف، أي أننا نخشى التعبير عن مشاعرنا و أن نظهر للشريك مدى ضعفنا كأشخاص و أننا مهما بدونا متماسكين فإن لكل منا نقاط ضعفه.

وعندما نقوم بإخراج مكنونات أنفسنا أمام الشخص المقابل، فإننا نكون عرضه للاستهزاء أو إصدار الأحكام علينا أو حتى أن نتعرض للرفض، الأمر الذي يشعرنا بالخوف من الإقدام على تلك الخطوة في الأساس.

والغريب أننا قد نفضل تناول مواضيع حساسة مع أناس قد نصادفهم لأول مرة على أن ندير هذا الحوار مع اقرب الأشخاص إلينا. مثل أن تتحدث مع شخص أثناء رحلة بالطائرة فتقوم بالتحدث معه بحرية تامة وذلك لأنك تعرف انك لن تراه مره أخرى.

ومن أحد اكثر الأخطاء شيوعاً حول الحميميه هو انك لا يمكن أن تقضي أوقات حميمة إلا مع الزوج أو الزوجة، في الوقت الذي يؤكد العلماء أن نظرة الرجل والمرأة إلى الوقت الحميم قد تكون مختلفة تماماً.

فمثلاً من وجهه نظر الرجل قد يكون الوقت الحميم هو الجلوس بالمنزل و مشاهده مباراة في كره القدم بينما يكون بالنسبة للزوجة هو الخروج للتسوق. لذلك لا يجب أن تعتمد على الشريك كلياً في توفير هذه الأوقات، بل يجب أن تعتمد على أصدقائك أيضاً حتى لا تعرض العلاقة الزوجية إلى ضغوط جديدة.

ومن المفاهيم الأخرى الخاطئة أن الحميميه هي أمر نسائي بحت وليس للرجال أي علاقة بالموضوع. إلا أن علماء النفس يشيرون إلى أن الحميمية هي عنصر بشري بغض النظر عن الجنس إلا أن المجتمع لا زال يستنكر ذلك على الرجال.



ونخلص إلى القول أن الحميميه تبدأ من نفسك ومن ثم تخرج إلى الخارج
لتتمثل في معاملتك مع شريكك ...
لذا من الضروري أن يكون الإنسان صادق مع نفسه حتى يكون
قادراً على أن يكون صادقاً و ودياً مع الآخرين.

نسيت الجزء الاخير :42: