حبيباتي
السلام عليكم ورحمة الله
وبعد :
عندنا في الشهر القادم 3 عرايس ماشاء الله عند اهل زوجي فكنت حابة اطلب منكم طلب بسيط لو سمحتو
:icon28:
بدي منكم موالات اوييييييييييييييييييهههها اذا بتعرفوها لا تخفى على السوريات طبعا لا بد منها بالافراح عن اهل العروس واهل العريس
انا المشكلة عندي كم وحدة بس حسيتها قديمة شوي وفي احلى منها فقلت استفيد من خبراتكم ها الموضوع ومنها بيصير مرجع للبقية
انا طبعا حبدا باللي عندي وبانتظار البقية من عندكم
تعالو نتخيل عروس وعريس ونعملهم هاللشي مو احسن ( كاني سمعت انه هنودة عروسة ماشالله ولا يتهيا لي ):icon28:
اذا غلطانة صححو لي صايرة دخلاتي قليلة فما عم ركز كتير باخبار المنتدى
خلينا نتخيل هنودة ماشي :
بسم الله نبدا
اوييييييييييييها
وبيتنا رمانة
اوييييييها
وحامضة ولبانة
اوييييييييييها
وحلفنا ما نقطفها
اوييييييييييها
لتوصل هنودة بالسلامة
لولوللولولولولولوللوليش :icon28:
اويييييييييييييييييها
واتنين باتنين واتنين باتنين
اويييييييييييييييييها
اهل العريس عالراس واهل العروس عالعين
اوييييييييييييييييييييها
ولما سمعت بفرح هنودة اليوم
اويييييييييييييييييييها
دقيت طبول الفرح من السبت للتنين
لولولولولولولولولوووووووولولولولوليش:icon28:
يالله بدنا حدا يرد علي
وين اهل العروس واهل العريس
طبعا لاضافة بعض المعلومات للبنات الجدد هذا الامر متعارف عليه في افراح اهل الشام بان اهل العروس يمدحو بعروستهم واهل العريس يمدحو بعريسهم لاضفاء جو من الحماس بالعرس
طبعا ايضا تختلف نطق اويها فمنهم من ينطق ااااااااااااه وبيتنا رمانة ومنهم اويييييييييها
طبعا الاثنين نفس المعنى لكن الاسهل ليك اعمليه
خلينا نشوف المعازيم كم وحدة بيحضرو الفرح
طبعا اكيد بنات حواء كلهم حيصيرو اهل العروس
ههههههههههههههههههه
بدنا كمان نعمل جو وياريت تجيبونا اسم عريس هنودة عشان نحط اسه بالميدان
انا بالانتظار
ودامت الافراح :icon28:
شاركي في النقاش
سجلي الدخول لإضافة تعليق.
التعليقات
10- ههههههههههه والله رجعتينا للماضي الحلو زمان عالاعراس انا مو سورية بس السوريين كتييييييييييييير بحبهم تربينا معهم من صغرنا لحد ما كبرنا جيرانا واصحابنا والله حبايبي انتوا
اسفة ما عندي مواويل بس عجبني الموضوع وحبيت اسلم واهني ومبروك لهنودة - ذكرتيني بزواجي كان بسوريا وجماعتنه سوريين قالو هذي تبع الرمانه
لكن اول مره اميز كلماتها
موضوع ممتع ننتظر البنات - انا عندي وحدة و سمعتها من صديقتي
اويييييييييييييييييييييييها يا عريس ( تذكر اسم العريس) يا واحد
اوييييييييييييييييييييها
اويييييييييييييييييييييييها يا ( تذكر اسم العروس) زهرة الياسمين
اويييييييييييييييييييييييها
اوييييييييييييييييييييييييييييها صلو على النبي
اويييييييييييييييييييييييها
اوييييييييييييييييييييييها
لي لي لي لي لشششششششششششششششششش - اويييييييييييييييييييييييها يا ما فركوا بإديهون
اويييييييييييييييييييييييها وياما دبكوا برجليهون
وقالوا ( فلانة أسم البنت ) ما رح تتزوج
اويييييييييييييييييييييييها أتزوجت وقلعت عنيهم
لي لي لي لي لشششششششششششششششششش:icon28:
وهي عراضة لعيون كل العرايس يللي بالشام ويللي بره الشام ولكل الحاضرين
وصلوا على محمد زين زين مكحول العين والعادلة والله عليه
وبنتك يا خال أخدت عقلي وبنتك ياخال أخدت عقلي الكورال يردد(بنتك ياخال أخدت عقلي )
ومن على الشباك وعمزتني ومن على الشباك (عمزتني)
وعلى الحمدية أخدتني وعلى الحميدية (أخدتني )
إسوارة ومحبس شرتني وإسوارة ومحبس (شرتني)
وشروال وحطة شرتني وشروال وحطة (شرتني)
وعلى القصر العدلي وأخدتني وعلى القصر العدلي (أخدتني)
وقدام القاضي وباستني وقدام القاضي (وباستني)
وعلى البيت هي سبقتني وعلى البيت هي (سبقتني)
دقيت الباب وفتحتلي ودقيت الباب (وفتحتلي)
وبروب النوم وفتحتلي وبروب النوم (وفتحتلي)
أهلا وسهلا قالتلي وأهلا وسهلا (قالتلي)
كبة لبنية غدتني وكبة لبنية (غدتني)
مدلوقة بقشطة حلتني ومدلوقة بقشطة (حلتني)بيكفي لهون لأن الباقي بتعرفوا بعد التحلاية شو رح يصير :32:;):33::024:هههههههههههههههههههه - اويييييييييييييييييييييييها يا صحن تين
اويييييييييييييييييييييييها مجلل بالياسمين
اويييييييييييييييييييييييها عروستنا صغيرة
اويييييييييييييييييييييييها ما عدت الستين (ههههههههههه):42:
لي لي لي لي لشششششششششششششششششش:icon28:
اويييييييييييييييييييييييها وعملنا محشي
وييللي ما بتزوج من بيت ( فلان )
اويييييييييييييييييييييييها ما بيعرف يمشي
لي لي لي لي لشششششششششششششششششش:icon28:
مدري شو صرلي أتذكرت كل أعراس الشام هههههههههه:26:
مواضيع مشابهة
تابعي تجارب أخرى من هذا القسم.