أهلين عصفورة كيفك ياقمر ولو حبيتي تكرم عينك إنتِ بتأمري أمر
وهي أحلى زلاغيط لعيونك
زلاغيط شــــــــامية ....:icon28:
أوها .. وميلي على ميالك..
أوها .. وميلي عالسجادة
أوها ويللي بيقلك قليلوا..
أنا بنت الطاعة والعبادة.. لولولولولولييييش
~~~~~~~~~~~~~~~~~~~
أوها .. وطبخنا محشي..
أوها .. وع الدهن بيمشي..
أوها ..وهي عروستنا بيلبقلا كل شي
لولوليش
~~~~~~~~~~~~~~~~~~~
أوها .. عروستنا قمر
أوها .. ومعازيمنا نجوم
أوها .. وطفوا الكهربا ما عاد إلها لزوم
لولولولولوليش
~~~~~~~~~~~~~~~~~~~
أوها .. يا صحن الدين
أوها .. ويا مجلل بالياسمين..
أوها .. وهي عروستنا صغيرة ماطبقت العشرين
لولولولولوليش
~~~~~~~~~~~~~~~~~~~
أوها.. يا صحن مجدرة
أوها .. ويا مجلل بالكزبرة
أوها .. وهي عروستنا حـــلوة مابدها غندرة
لولولولولوليــــــــــــــش!!
~~~~~~~~~~~~~~~~~~~
أوْها بِـبيـتنا رمّـانـة أوها حـامضـة و لفّـانـة
أوها حَـلَفْنا ما نقطعـها أوها ليدخل عريسنا بالسلامة
لي لي لي لي ليش ......
~~~~~~~~~~~~~~~~~~~
أوها ديـارنا كـبـيـرة أوها ودَرَج الحـمام فيـها
أوها وأم العريس فرحانة أوها إن شاء الله ربي يهنّيها
لي لي لي لي ليش
~~~~~~~~~~~~~~~~~~
أوها "فلان" يـا واحـد أوها "وفلانة" يـا اتنيـن
أوها اللي ما يصلّي عالنبي أوها لـيعـدم العـينتيـن
لي لي لي لي ليش
~~~~~~~~~~~~~~~~~~~~~
أوها عاللّعْلَعي اللّعْلَعـي أوها يا صـبايا تجمّـعي
أوها يا ليل طول طـول أوها ويا شمس لا تطلعي
لي لي لي لي ليش
~~~~~~~~~~~~~
أوها حَصَّنتك بياسـيـن أوها ويا زهـر البسـاتين
أوها يا مصحف صـغير أوها على روس السلاطين
لي لي لي لي ليش
~~~~~~~~~~~~~~
أوها شـو هالنهار اللايـق أوها وفرحتلنا الخـلايق
أوها وطقت قلوب الأعادي أوها ولَمّن حقت الحقايق
لي لي لي لي ليش
~~~~~~~~~~~~~~~
أوها ويا جماعـة كلكُـن أوها وما نسـينا فضلكُـن
أوها والـيــوم عـنّـا أوها إنشاء الله بُكرة عندكُن
لي لي لي لي ليش
~~~~~~~~~~~~
أوها يا ما قعـدوا جنبـي أوها ويا ما حرقـوا قلبي
أوها وقالوا..... ما بتتجوز أوها تجوّزت ونصرها ربي
لي لي لي لي ليش
~~~~~~~~~~~~~~
أوها يا صحـن حليـب أوها وكل ما برد بيطيب
أوها نحـنـا أهـليـة أوها وما في حدا غريب
لي لي لي لي ليش
~~~~~~~~~~~~~~
أوها العريـس يا واحد أوها وعروسته يا اتنيـن
أوها يـا خـرزة زرقا أوها تـردّ عنهن العيـن
لي لي لي لي ليش
~~~~~~~~~~~~~~~~
أوها يا عـريـس لا تعبـس أوها افريد هالبقجـة والبـس
أوها شواربك عروق الريحان أوها وسوالفها عروق النرجس
لي لي لي لي ليش
~~~~~~~~~~~~~~
أوها ياما دبكو برجليهن ... أوها وياما تغامزو بعنيهن
وأوها وقالو ..... مابتتجوز ... أوها اتجوزت وقلعت عنيهن
لي لي لي لي ليش
~~~~~~~~~~~~~~~~~~~~~~~~~~~~~~ ~~
أوها والعسل بقراصو ,,, أوها والعنب بقفاصه ,,,
أوها واللي بياخد من بنات الدين ,,, أوها بيمشي وبيرفع راسو
لوووووووليش
~~~~~~~~~~~~~~~~~~~~~~~~~~~~~~ ~~
هي بيقولوها لوحدة مجذبة مو شقرة ولا بيضة ،،،
أوها ويا صحن كنافة ,,, أوها وبالعسل لفافة ,,,
أوها الشي مو بالشقار والبياض ,,, أوها الشي بالخفة والظرافة ,,,
لولولولولييييييييييش
~~~~~~~~~~~~~~~~~~~~~~~~~~~~~~ ~~
أوها ارفعي براسك يا مرفوعة الراسي ,,, أوها لا عليكي عيبة ولا حكت الناسي
أوها ارفعي براسك ولعريسك قليلو ,,, أوها أنا عرق ألماس وبنحط ع الراسي
لووووووولولولولييييييييييييش
~~~~~~~~~~~~~~~~~~~~~~~~~~~~~~ ~~
أوها زقرق العصفور لانفلق ,,, أوها بين الدوالي والورق ,,,
أوها الواقفة تصلي ع النبي ,,, أوها والقاعدة تقول قل أعوذ برب الفلق ,,,
لولولولولولوليييييييييييييييييش
~~~~~~~~~~~~~~~~~~~~~~~~~~~~~~ ~~
أوها أهلا وسهلا يا ضيوف ,,, أوها ويا مكللين بالسيوف ,,
أوها ولو عرفنا ( فلانة ) جلابتكن ,,, أوها لندبح لكن كبش وخاروف ,,
لولولولووللولوليييييييييييييش
~~~~~~~~~~~~~~~~~~~~~~~~~~~~~~ ~~
أوها ونحن بيت ( الفلاني ) من حق وحقيق ,,, أوها وشرشنا بالأرض غميق ,,,
أوها واللي بياخد منا وبيعطينا ,,, أوها بنطالعله من الدهب العتيق ,,,
لولوولولولوللييييييييييييييش
~~~~~~~~~~~~~~~~~~~~~~~~~~~~~~ ~~
أوها صلو على محمد ,,, أوها وصلاته صلاتين ,,
أوها وصلاته تخزي الشيطان ,,, أوها وترد عنك العين ,,,
~~~~~~~~~~~~~~~~~~~~~~~~~~~~~~ ~~
أوها ودقة على دقة ,,, أوها ويا لولو يا منقى ,,,
أوها والعريس دخل ع بيت العروس,,, أوها وعرف مين نقى ,,,
~~~~~~~~~~~~~~~~~~~~~~~~~~~~~~ ~~
أوها عروستنا قمر سبحان من صوّر ,, أوها التم سمسمة والوجه ناعم مدوّر ,,,
أوها والعِدا قالو سبحان هالتكوين ,,, أوها وكان بيتنا عتمة وبـ ( فلانة ) تنوّر
*****
~~~~~~~~~~~~~~~~~~~~~~~~~~~~~~ ~~
أأأووووووووووووووها وعنا رمانة
أوووووووها حامضة ولفانة
أووووووووها وحلفنا مانقطفها
أووووها لنفرح ب..... بالسلامة
لللللللييييييييييييييييييييييي يييييش
~~~~~~~~~~~~~~~~~~~~~~~~~~~~~~ ~~
أووووها و....... ياسمكة
أووووووووووووووووها وعريسك صيادك
أوووووووووها ولما صادك عريسك
أوووووووها حلت عليه البركة
للللللليشششششششششششششششش
~~~~~~~~~~~~~~~~~~~~~~~~~~~~~~ ~~
أووووووووووووها وطبخنا مجدرة
أ,ووووووووووووها ومجللة بالكزبرة
أووووووووووووووووها وعروستنا حلوة
أووووووووووووووووووها ومابدها غندرة
لللللللللللللللليش
~~~~~~~~~~~~~~~~~~~~~~~~~~~~~~ ~~
أوووووووووووووووووها وصلوا على النبي
أوووووووووووووووووها وزيدوا صلاته
أوووووووووووووووووووها واللي ما بصلي على النبي
أووووووووووووووووووووها بتطق مرارته
للللللللللللللللللليش
~~~~~~~~~~~~~~~~~~~~~~~~~~~~~~ ~~
اوها صلو عالنبي
اوها وزيدو صلاتو
اوها ويلي مابيصلي عليه
اوها تطء مرارتو
ليليليلييييييييييش
~~~~~~~~~~~~~~~~~~~~~~~~~~~~~~ ~~
اوها ويا صحن نجاص
اوها ومكلل بالألماس
اوها ويلي بياخذ بنت فلان
اوها بيمشي مرفوع الراس
ليليليييييييييييييييييش
~~~~~~~~~~~~~~~~~~~~~~~~~~~~~~ ~~
اوها يا صحن فتوش اوها والخيار مقطع قروش قروش اوها ويلي ما بيحب عروستنا ان شاء الله بيصير متل ياسين بقوش وللللللللللللللللللللللللليييي يييييييييييييييييييييش
~~~~~~~~~~~~~~~~~~~~~~~~~~~~~~ ~~
لك أوها وياناس أجمعين
أوها وسمعوا كلام رب العالمين
أوها والطيبون للطيبات
أوها والصيبات للطيبين
لولولولوليش
~~~~~~~~~~~~~~~~~~~~~~~~~~~~~~ ~~
أوها ونزل العريس على الحلاق ليحلقلوا
أوها وبشاكير اللولو على كتافوا بتلبقلوا
أوها وطلت .......... من الشباك تندهلوا
أوها لاخلق الخالق ولاكل الخلايق مثلو
ولولولولولولولوليش
~~~~~~~~~~~~~~~~~~~~~~~~~~~~~~ ~~
ياجميلة في جمالك وش نقول
ياربيع الكون ياأحلى الفصول
ياعسى مبروك يابنت الأصول
يالله صلوا ياحبايب عالرسول
اللهم صلي وسلم وبااااارك عليه
حاجتي زلاغيط (ههههههههههههه) :42:
:26:
نداء للسوريات خاصة ( والدعوة للعرس عامة )
متابعة النقاش، صفحة 2