السلام عليكم ورحمة الله وبركاته
خواتي كيف حالكم
سبق وكتبت لكم مواضيع كلها تصب في محتوى واحد وهي مشكلتي مع أمي هداها الله وهي ترد عني العرسان بدون سبب.....او بالاصح في سبب وهو ماتعجبها العائلة إلى متى هذا الوضع الله اعلم
ولكني ولله الحمد مقتنعه ان الرزق بيد رب العالمين وحده ومابعد يجي نصيبي ولكن في نفس الوقت ماودي ان امي تصير نظرتها للمجتمع كذا:27:
المشكله يابنــــات انا ماشاء الله يجون لي خطاب من وانا عمري 17 سنه والحين عمري قارب على نهاية ال23 سنه والمأساه نفسها تتكرر
انا الحمد لله مااعترض على رزقي ونصيبي ولكن اسلوب امي هداها الله ينرفزني
تخيلو اذا اتصلت وحده تخطب اول شي تسألها انتو مين ومن وين عائلتكم ومن وين خواته ماخذين واخوانه ولا تكلف نفسها تسأل عن الشاب نفسه واول ماتصير العائله مخالفه لشروطها على طول تقول لهم بنتي ماتبي تتزوج بتكمل دراستها ومااقدر اغصبها وازوجها .....وهي للأسف تخلق العذار
وهذا اللي يقهرني اكثر ماتقول انا ماابيكم تحط البلى في راسي وتقول عني كلام انا ماقلته لاأجل ماتنحرج وتقول ماابيكم وفي الاخير الناس تاخذ فكره اني ماابي اتزوج الحين!!!!!
الحين تخرجت من الجامعه ومره اتصلت وحده تخطبني وطبعاً لان ماعندها عذر مثل اول تقول تدرس ع قالت بنتي مالها رغبه وتبي تدرس دراسات عليااااا ماتفكر في زواج الا بعد ماتدرس
رغم اني ماافكرت اردس دراسات عليا ولما قلت لها طيب خليني اروح ادرس دراسات عليا على قولك قالت لاااا الماجستير بالرياض انسي تروحين تدرسين:35:
ليه طيب هالاسلوب.....!!!!!!!!!!!!!!!!!!!!!!!!:06::06: والرد عني بدون وجه حق
المشكله يابنات أن اهل امي متكبرين وعيلتهم ماتزوج الا للقرايب لهم بس ولكن قدر الله رغم كل هذا خلى امي تتزوج ابوي من عائلة غير طبعهم وغير نسبهم وعلى قولهاااا انتو اقل مننا!!!!!
هي الله يهديها من كثر ماتفخر بعيلتها واهلها حتى حنا احيان مانعجبها وابشركم خوالي مايطيقون ابوي وفي نظرهم حنا اقل منهم ومتحسفين على نسبهم لنااا
طيب المشكله انهااااا ماتبي تزوجنا لقرايبنا وتبي تزوجنا من قرايبها هي.. رغم أن قرايبها مايبون نسبناا ومايعترفون في اهل ابوي وعلى قولتهم انتو اقل مننا وماتتقاربون معناااااا
المشكله امي مش راضيه تقتنع أن نسبة العوانس في تزايد ومش راضيه تقتنع أنها هي اللي أخطئت من االبدايه وتزوجت واحد اقل منها على حد قولهاااا..والحين تبي تحملنا الذنب
لاحول ولا قوة إلا بالله
لو اقولكم ان حنا البناااااات 6 ماتزوجت الا اختي الكبيره والحين باقي انا مع خواتي اللي ماادري الله وعلم وش ناويه امي معنا لأن اختي اللي اصغر مني بسنتين نفس الحركه الحين تنخطب وامي ترد عنها بدون سبب رغم أن الازواج اللي يجوننا والله تتنماهم كل بنت اخلاق وعلم ومال بس امي ماتنظر لهذا كله امي اهم شي عندنا العيله تخيلو زوج اختي واحد من قرايب امي مؤهله ثانوي وانا مااعترض على هالشي هو عادي بس اختي كانت تنخطب لناس افضل من كذا ولناس عندهم بكالوريوس وغير كذا هذا زوج اختي اخلاقه الله يهديه شووي مش كويسه كثير يدخن وقليل صلااة بالمسجد وابشركم انطرد من العمل والحين ابووه يصرف عليه ..وكل هذا قدر من الله انا مااعترض ولكن امي مايهمها كل هذا اهم شي عندها العيله
يعني حتى لو بتزوجنا ماراح تهتم من اخلاق الولد ودينه كثر ماراح تهتم بعيلته وقبيلته وبصراحه انا ماابي الا واحد صاحب دين وخلق ويخاف الله فيني
المشكله حاولت اقنعها أن رب العالمين خلقنا كلناااااااا سواسيه والتكبر والغرور مايجوز وأن الجنه ربي بيرزقنا اياها على العمل وليس على النسب ولكن اذن من طين واذن من عجين
احيان احس امي تعيش في زمن الجاهليه لدرجة مره كانت تقولي والله وش حلاتكم عندي في البيت مااراح ازوجكم الا اذا صار عمركم 30 بصراحه انا خفت من كلمتها هذي وش تفكر فيه معقوله تبي تخلينا عندها في البيت وترد عنا العرسان بدون سبب الى الثلاثين
وغير كذا يابنااات اهل ابووي دايم تطنز عليهم وانهم اقل من مستواها وانها تزوجت صغيره((لاحظو متزوجه صغيره وتبي تزوجنا في ال30 ولا دايم تعيب بنات عمها انهم تزوجو كبار)))
والحين تقول انا انظلمت وشلون خذت هالناس والحين طبعاً علاقتنا في اهل ابوي شبه مقطوعه عدا من بيت اعمامي وجدتي ولا باقي اهل ابوي مانعرفهم :04:
ولا تسألوني عن دور ابوي ..ابوي طيب ماشاء الله عليه ولكن الله يهديه راخي لاامي كثير ومخليها هي اللي تسيطر على البيت اكثر منه ويمشي كلمتهااا رغم انها تخطي كثير بااحكامهااااااا
بصراحه في كلام كثير ولكن هذا اللي قدرت اكتبه لكم
رغم اقتناعي التام بأن الرزق من رب العالمين ولكن ماودي أن امي تصير بذا التفكير وهي اللي تقطع الخير عننا بسبب عادات جاهليه انتهت ..... لدرجة احيان اقول كيف الناس اللي مثل امي تفكر كذا الناس تتزوج بناتها عشان تنستر ويعيشها الزوج عيشه كريمه ويعينها على العباده والطاعه ويصرف عليها ويعيشون بسعاده وذا مطلب كل بنت
ولا تتزوج واحد مايحبها ومايوفر لها المعيشه في المستوى المطلوب اللي تحصله عند غيره وهو ولد الفلان وعشان عيلته تضحي بكل شي وترتبط بواحد اي كلااااااام
وفي الاخير مصيرنااااااا القبرر... وكلن بيتحاسب على عمله اما جنه واما ناااار وليس على حسب نسبه
والحمد لله والشكر على كل حاااال
ويشهد الله اني احب امي وليس هذا موضوعي عشان اسبها ولا اقلل من شأنها ولكن امي عندها
قناعات ماتبي تغيرهااااااا وعادات جاهليه نهى عنها الاسلاااااااام وبرضو متمسكه فيهااا والله اخاف عليها يدخل في قلبها الغرور والتكبر وبالتالي تصاب بمرض العظمه النفسي
وللأسف هذا حاااااال كثير من العوائل والقبائل وليست امي فقط نسبك وش بيخدمك فيه اذا وقفت بين يد رب العالمين وصار يحاسبك على اعمالك وعلى عضل بنااااتك لدرجة في بنات يقعون في الحرام والعلاقات الغير سوويه والسبب الأهل ومايخفي عليكم نسبة العوانس عندنا في دول الخلييييييج كثيرررررره والسبب القبيلي والخضيري ولا ابشركم حتى القبايل الحين صارت بالتفاوت والغير قبائل الحين صارو برضو بالتفاوت ومايزوجون الا من عوائل او قبائل معينه
بصراحـــه الله يستر علينـــــا من انقلاب العادات الاسلاميه والتمسك بالعادات الجاهليه والخوووف يرجعون لعادة وئـد البنات والتخلص منهااا مثل الجاهلين وخصوصاً إذا زادت نسبة العوانس والسبب جهل الأهل والرد عن البنت بدون وجه حق
هذا فيض من غيض واترك لكم التعليق......
شاركي في النقاش
سجلي الدخول لإضافة تعليق.
التعليقات
5
ما أقول الا الله يعينج
ويهدي أمج ويسخرها لكم
ويرزقنا واياج بالزوج الصالح التقي النقي مخموم القلب عاجل غيرآجل
بنات ادعولنا أمانه- عليكي بالدعاء
- جزاك الله خير
واللهم آمين
شكراً على ردك الجميل
جزاك الله خير - كثير من الامهات مثل امك...اهم شي عندها العائله و الاصل و الفصل.....و هذا بصراحه شي مهم ما اقول غير مهم لكن مش أهم من الدين و الأخلاق....لكن لا تخافين إذا لك رزق بيجكي..
- الله يكون بعونك خلى ابوك ياثر عليها ويكلمها يمكن تفتنع
واكثرى من الدعا والاستغفار..
مواضيع مشابهة
تابعي تجارب أخرى من هذا القسم.