تكفون ابي حل مع ولدي صرقع راسي صرقعه يا حريم عطوني حل

1 ديسمبر 2007

:icon33:السلام عليكم ورحمة الله وبركاته

هلا خواتي

تكفووووووووووون ابي حل ساعدوني
بس مابي كلام ابي حل مجربينه تكفون

ولدي الله يصلحه ويهديه رفع ضغطي وجاب لي الامراض والاوجاع بارسي وبقلبي

بسبب شي فيه طفشني الى هو

العناااااااااااااااااااااااااااااااااااد

عنيد عنيد بشكل فضيييييييييع ماتتخيلون ولا تتصور وشلون يعاند بقوووووووه يعني لازم يعاند خط والى صح يعاند ولو فيه بينجلد بيعاند بعد

والله تعبت منه ومن عناه والله كل يوم مشال ليل نهار انا وياه ولا بعد يجي الابو ويشوفني وياه هواش ويكمل علينا بعد خخخخخخخخخخخ مدري اضحك والى ابكي بس

والله شي فاقعن مرارتي

كل يوم هواش ولا يوم مر بدون ما يرتفع ضغطي وبدون مايعناد ويقول لا
جربت معه اللين وامسك نفسي واعصابي والقاه يزود زود علي ويحزبني خايفتن منه والادهى والامر يهددني بابوه يقول بس يجي ابوي اعلمك انك ضربتيني الظاهر الاخ مفتكرني عدوهالى ابوه احن مني عليه

ومادوي اضربه والله لاكن اذا وصل الامر انه يكلم علي انعمي ولاعاد اشوف واقوم اكفخه كفختين وانا زادت ثلاث بس ابيه يتادب ولا يتلفظ علي كلام

عجزت فيه وعجزت ودورت وحاولت كل الحلول

والله عجز بي اللي فاقن كبدي ان بزران خلق الله اذا جيت عندهم يلتمون علي ويقعدون معي وفي حضني وهذا مغير يحارشني ويطاقني

واذا شاف ابوه اقبل قام يسوي حركات قدامه لانه يدري اني ما ابغى اسوي مشكال من يوم يجي ابوه

لان بعد و له الحق يجي ويلقى هدوء من صجه ولجه انا وياه وملاحق بالزنوبه وبالعصي وصراخ وطريييخ

يعني مثلا ابقولكم بعض امثله من العناد مثلا من يوم يجي من المدرسه ابدى معه حل الواجبات عشان ارتاح في الليل من الدوخه ومنها ينام هو بعد

يرفض يذاكر يرفض بقوووووووووه يقول مانيب حال شي وانا زهقت والله العظيم مايمر اسةبع الى المدرس كاتب ملاحظه لها هذا اذا والله موب كل يوم وتدرون وش اسوي اذا شفت الملاحظه اقعد اصيح وتصك بي الدنيا وتدور بي ها الحياة ومابي حياته تخترب وابيه احسن واحد واذا كبر بكيفه يقوم بعمره

ويرفض يحفض المنهج ويرفض يحل الواجب الاملائي وهذا اللي ذابحني اكثر كل مستواه كاتب انه ضعيف
وهو ماشاء الله عليه ذكي جدااااااااااا وقوي التركيز لااله الا الله عليه ويحفظ اشياء كثيره بسرعه بس بالدراسه يفض وماخذها مسالة عناد

وغير كذا غرفته زباااااااااااااااااااااله يعني منيوم يدخل اللين يوصل لغرفته ناطل لي شي يعني اول شي شنطه بالطريق ويلحقها الجزمه اكرمكم الله ثم يلحقها الشراب ثم يلحقها الجاكيت ثم الثوب واذا وصل لغرفته نطل الباقي:icon33:
ومليت من الترتيب وشلون اقول رتب يرفض يعاند يقول رتبيها انتي :icon33:يحزبني شغاله الاخ
ابي اعلمه النظام وتريب نفسه واغراضه ولاتقولين رتبي معه جربت دخلت انا وياه قلت خلنا نرتب سواء نصب علي ورتبتها انا كلها تهئ تهئ:44:

والله تعبت معه لاتقولون الموضوع تافهه لا والله

اكثر هواش انا وزوجي يعني 90% من هوشتنا بسبته هو وعناده يعني يتعنى يعاندي ويسوي اللي يضايقني قدام ابوه عشان يدري اني مانيب مسويتن له شي او اقوم اهاوشه ونتهاوش انا وابوه بسبته:44:

والله اغلب وقتي اصيح وودي انه يتحسن بدراسته وها العناد يتركه او على الاقل يطيعني بالدراسه والباقي يهون

حياتي اصبح اكثر مشاكل بسبب كذا

ولما نطلع انا وابوه مشوار والى نتمشى يجنن بي انا وابوه بالمحلات يا يخرب شي يا يدف العربيه علي وعلى ابوه والى يحوس بالاشياء ويسوي حركات تنرفزني انا وابوه ويضطر ابوه يعصب علينا ونرجع متهاوشين وعجز افهمه ولا نفع وكم مره جلست معه وافهمه ان هذا غلط ولا فيه فايده

ودي بحل ملموس حل يجدي نفع حل احد مجربه تكفون ساعدوني مابي اضربه ولا اهاوشه ولا اصارخ عليه لاني انا بعد تتبعب وصار راسي يصدع صداع فضيع بسبب الصراخ والهوشه وقلبي صار يوجعني من ها التعصيب والله ماكنت كذا ولا عصبيه ولا شي بس خلاني اعصب وحده بالدنيا وياربيه بس احس جيراني كلهم يسمعوني ويسمعون هواشي معه

ساعدووووووووووووووووني

الله يصلحه ويهديه يارب:44:

تكفون لاتطنشوني مابعد طلبت منكم طلب لاتردوني ابي حل وانا ابمشي عليه
تراني مطيعه لاتخلوني لا تلقوني راقيتن فوق المملكه والى الفيصليه وناطلتن عمري من فوقها وترى انتم السبب لانكم ماعطيتنوني حل ولا ساعدتوني :(

تهئ تهئ تهئ

تكفون ابي حل مع ولدي صرقع راسي صرقعه يا حريم عطوني حل

التعليقات

والله إني بهم مايعلم فيه الا ربي تكفون عطوني حل

بنات او اي احد فاهم تكفون ادخلوا

تكفون ادخلو لعل الله يجعلكم سبب ابي حل أنا اعيش بمصيبه

بنات تكفون ابي حل

تكفون ابي فزعتكم