ساعدوني يابنات الإمارات

السلام عليكم ورحمة الله وبركاته

ارجوا من بنات الإمارات ان يساعدوني في طلبي وهو وين القا محلات الي تبيع ابر وخيوط الكروشيه والحياكه في دبي

لاني ناويه اسافر باذن الله تعالى قريبا الى دبي وابي العنوان بالضبط بحيث اني اذا عطيت العنوان حق التاكسي يعرف وين واذا في رقم تليفون بعد لو سمحتوا لا تهملون رسالتي


وشكرا اختكم ام طيبه

16 تعليق 2,885 مشاهدة

شاركي في النقاش

سجلي الدخول لإضافة تعليق.

التعليقات

16
  1. مع الاسف ما فى احد معنا من بنات الامارت فى قسم الكروشية

    بس يا اختى اعتقد بانة عندكم فى الكويت محل فية كل اللى تبقينة من لوازم الخياطة و الاعمال الفنية بعد....معروف عندكم بس انا ما اتذكر اسمة

    اما بنسبة لامارات او دبى خاصة

    شوفى انتى بس ركبى التاكسى و قولية يوديك الى السوق الصينى فى شارع نايف
    ووهو عبارة عن عمارة داخل سوق نايف...وكل منتوجات صينية و عندهم كل اللى يخطر على بالك...وممكن تاخذين باجملة و المفرق...و اسعارة حلوة ...بس ا تنسين تساومينهم فى السعر
    لانة الصينين طماعين وايد

    هذى اللى انا اعرفة...واتمنى ان احد من خواتنا الاماريات تساعدك اكثر منى

    و بالوفيق ان شاء الله

    ورحلة سعيدة
  2. @mersaluae

    حبيبتي قولي للتكسي يوديج سوق الراس
    وراح تلاقين المحلات هذي صف كامل
    ما اعرف الاسامي ولا اعرف ادليج بالضبط
    بس تأكدي انج راح تلاقين اللي تبينه هناك
  3. @am_tybh_1

    صاحبة الموضوع
    شكرا بنوته خطورة على المرور والله يعطيج العافيه والمحل الي تقولين انه عندنا بالكويت اسمه بركات الوحيد بالكويت ما في غيره محتكر السوق كله واسعاره بصراحه خياليه جدا غاليه فقلت يمكن القا بالامارات شي ارخص من هني لاني شريت خيط صوف خمسين غرام ثمان بكرات علشان اسوي شال سعر الصوف بس طلع علي 38 دينار يعني اغلى من بيع السوق :) لو اشتري شال جاهز يطلع علي بعشر دنانير ومن احسن ما يكون بس انا احب اشتغل الشالات بايدي

    مشكوره مره ثانيه يا اختي

    وشكرا للاخت mersalUAE
    على المعلومات وباذن الله تعالي بروح نهايه الشهر وشوف شنو عندكم في امان الله
  4. @cosmos

    انا بعد ابي ولفيت الامارات مالقيت اشياء متخصصة بالكروشيه بس مارحت سوق الراح ولا السوق الصيني
    بنات الامارات وين سوق الراس هاذا؟؟

تابعي تجارب أخرى من هذا القسم.