صار لي 7 شهور ما انام ارحموني الله يحفظ عيالكم

السلام عليكم
الفزعه يا امهات والله ما ارتاح بنومي ابد
الحمد لله الله رزقني ببنت ثانيه قبل 7 شهور البنت كانت هادئه ارضعها طبيعي وتنام لين صلاه الفجر بس شكلي حسدتها وما يحسد المال الا اصحابه
وهي في عمر الشهرين صابها الجديري وعينج ما تشوف الخير من يومها واختكم دوامها مناوبه ليليه كل ساعه ساعتين الحبيبه قايمه وتبي تررررررضع وجان زين ترضع شئ شوي وترقد وهكذا دواليك اقصي مده تنامها 3 ساعات تخيلو حالتي والمشكله ما تحب المصاصه كنت استخدمها الها بس الحين ترفضها تأبــــــــــــى المروءه نصحني دكتور استخدم الها حليب صناعي باليل قبل ما تنام لأن الصناعي ماينهضم بسرعه وبتالي يتأخر شعور الطفل بالرغبه في وجبه ثانيه من الحليب في حين ان حليب الام سهل الهضم
وللأسف بدون فائده المشكله قائمه يا ليت من خواتي الي عندها خبره ما تبخل بها علي والله يجعله في ميزان حسناتها
ملاحظه البنت سليمه صحيا والحمد لله.

6 تعليق 1,030 مشاهدة

شاركي في النقاش

سجلي الدخول لإضافة تعليق.

التعليقات

6
  1. @otyn_4

    أختي العزيزة فصول
    الله يحفظ لك بنتك و يقر عينك بصلاحها
    من حكم تجربتي أتوقع لو قللت ساعات نومها في النهار الى ساعتين فقط و أيضا تلهينها و تلعبينها يعني تخلينها تبذل مجهود و نشاط ثم تحممينها و تعشينها و بعد ذلك تنومينها و لا تنسين أختي أن تقرئين المعوذات و أذكار النوم عند نومها حيث أن لذلك أعظم الأثر في نوم هادى و عميق للأطفال و الكبار على حد سواء .
    تمنياتي لك بنوم هادى و مريح .
  2. @am_aabdalmgyd

    أختي أولا لا تيأسين من محاولة اعطاءه المصاصة لأنها في أي لحظة ممكن تاخذها..
    ثانياً اذا وصلت لهالدرجة انك ما تنام !! عطيها صناعي تراه مو سم !!!!!!!! من جد ليش نتخوف منه دائماً ، اذا الطفل ما شالله أخذ طبيعي وارتاح وريّح ممتاز ، اذا لا >>>>>>>>>>> عطيه صناعي وارتاااااااااااحي ..

    واتمنالك نوم هادئ و((غير متقطع)) ..

    الله لا يحرمنا الأجر مع هالبزارين!
  3. @am_aazan_1

    اختي جربي تعشينها شوربة خضار او اي شي خفيف يناسب سنها يعني شبيها عدل

    وقرئي قرآن عليها وما عليها الا العافيه
  4. أختي...لازم تصحيينها في الصباح بدري شويه...

    أنا كانت بنتي كذه ...وما أصحيها في الصباح بدري....لآني أكون تعبانه معاها طول الليل وفي الصبح أبغى أنام ...بس أخذت بنصيحة بعض الآخوات...أضغطي على نفسك كم يوم واصحي معاها من بدري وافتحي الشباك...واعملي ازعاج طول النهار ولا تخلينها تنام الا أوقات فليله متقطعه..ومثل ماقالوا البنات في الليل حمميهاو أكليها وجبه وبعدها الرضاعه...وبعدين خلي نور الغرفة خافت ...ولا تشيليها من سريرها أول ماتبكي خليها وقت في السرير عشان تتعود على قضاء وقت في السرير...ولو بكت شيليها بس تسكت رجعيها في السرير ...حتى تنام...

    الله يعينك.....وماعندها الا العافيه ان شاء الله...
  5. اختي العزيزه لاتخلينها تنام وقت ماتكوني نايم يعني برمجيها صح راح تتعبين اول يومين بعدين تتعدل
    وحمميها قبل متنام ورضعيها رضعه صناعيه وراح تنام باذن الله وذاقامة يمكن لتغير الحفاض او مغص عطيها ماء غريب

تابعي تجارب أخرى من هذا القسم.