أختي ...أنا من دخلت الثامن وانا أعاني من حكة شديدة وحساسية وحبوب بيض بس ما فيهن صديد وجوانب الفخذ صارت بيضا من الحساسية.........
تدرين؟؟؟؟ جلست فماي وديتول وملح هدات شوي ورجعت مرة ثانية وجربت مغلي الهيل الملح ثم مغلي الزعتر ....أجلس عليه مرتين في اليوم يوم هيل ويوم زعتر.....تهدأ بس ما تروح هذه الامور تنظف بس ما تفيد كثير في الحلات الصعبة
طبعا هذاك الموضوع موقفينه بحجة انه ظهري يعورني وما خبرته عشان الوضع محرج
وكان ينزل مني قصة صفراء بدل البيضاء
أسبوع....10 أيام....أسبوعين.......تعبت وايد.....وأخيرا طحنت فص ثوم مع زبادي وحطيته في الحمام فيوم سافر فيه زوجي وكنت اتوضأ به كل ما دخلت الحمام....يوم كامل
في اليوم الي بعده جبت مرة وحطيتها في ماي وذابت ...ضفت لها ملح وصرت اتوضأ بها كل ما دخلت الحمام...والحمدلله تحسنت....بالاضافة الة اني كنت ابدل الاندر وير خمس مرات في اليوم وأغسلهن بالماي الساخن والصابون عشان الفطريات ما تموت بالماي والصابون فقط
الحمدلله.....يومين على هالحال وبعدها وقفت المرة وصرت أحط زيت زيتون لآنه مادة معقمة ما تعيش فيه الميكروبات.....هكذا 3 أيام....بعدها صرت أحط بودر لآني لاحظت انه المنطقة لما تنشف أحسن
والان راحت المشكلة بفضل الله بعد ما خليت نفسي حقل تجارب.....ما رحت المستشفى وكان المفروض أروح !!!!!
أخواتي ...الموضوع حلو خلونا نتبادل الخبرات...ويومياتنا ما تقتصر على المعاناة في النهوض من الفراش وبس....احكو لنا ايش تاكلوا؟ كيف المعنويات؟ الخ الخ
إلى حوامل الثامن والتاسع تعالو نضحك على نفسنا شوي
متابعة النقاش، صفحة 11