بسم الله الرحمن الرحيم
شخباركم جميعا .... هذه اول مره اشارك فيها في هذه
الواحه عسى اني ما اكون ثقيله على قلوبكم انشالله..
انا لي طلب صغير اتمنى من كل اللي عنده الخبره او القدره على المساعده انه ما يقصر .. وانا متاكده انه ما حد هنا يقصر..
انا موظفه يديده تعينت امس في مركز رقابة الاغذيه والبيئه
في قسم البيئه بالذات.. انا من الناس اللي يحبون البيئه ويهتمون منها حيل حيل...
وبما اني موظفه جديده (أكيـــد) اريد اثبت نفسي خاصة في المهمه الاولى اللي وكلتني فيها مديرتي....
وهي بان اعطيها افكار ومعلومات عن اي شي ممكن يتسوى ك بوسترات او كتيبات صغيره او منشورات نوزعها على ربات المنازل وطالبات الجامعه والمستشفيات والمدارس....الخ كتوعيه باهمية البيئه وكيف كل واحد منهم يقدر يسهم ولو بقدر بسيط بالمحافظه عليها.. يعني ربة المنزل مثلا شو ممكن تسوي في بيتها تحافظ فيه على البيئه؟؟ ويكون لها دور؟!
واذا في عندكم اي مواقع عن البيئه باللغه العربيه اولا ثم ممكن باللغه الانجليزيه يا ريت ما تبخلون على اختكم!!
يا بنات انا اريد افكار وDesigns فياريت اذا ممكن قسم الديكور وقسم الحاسب ممكن بعد يساعدونا وانا لولا ثقتي فيكم ما كنت كتبت هذا كله بس انا والله على طول اتى على بالي المنتدى واخواتنا هنا عشان اطلب مساعدتكم ..
انا في انتظار ردودكم ومشاركاتكم وارجو الاسراع لاني اريدها السبت لكن ما يخالف اذا يبتوها عقب يمكن يكون عندي وقت اطرحها انشالله بس انا اريدهم قبل السبت عشان اجمع الاقتراحات وانفذ sample واقدمه السبت .. اكيد انتو فاهميني .. يالله همتكم يا بنات وفي النهايه هذه بيئتنا اللي لازم كلنا نحافظ عليها وجزاكم الله الف خير
اختكــــــــــم
محلل بيئه أول
قرموشه
garmosha@hotmail.com
الموضوع مغلق