السلام عليكم ورحمة الله وبركاته
اشحاااااااااااااااااااااالكم خواتي بنات حواء ؟؟
علومكم؟؟ شخبار الاهل؟؟ شو مسويين ؟؟
أخبار العيال كلهم؟ شو غداكم اليوم ؟ شو سويتوا ؟
هيه ... صح .. شخبار جيرانكم ؟؟؟ .....سوووري مصختها :42:
المهم .. ندخل في الموضوع
نحن يالسين نأثث بيتنا .. وأبا منكم مساعدة ..ممكن ؟؟
ويييين ممكن ألاقي أثاث لمجلس الرجال .. ( الديوانية )؟
وشو الاحلى كنب رسمي .. ولا مجلس عربي ( على الأرض يعني )
انا خاطري في كنب .. بس مب الكنب العالي .. في نوع يكون نازل شوي مب مرتفع وايد مثل المجالس العادية .. ولا نازل في الأرض .. وفي نفس الوقت ياخذ أكبر عدد من الضيوف
علما أن المجلس مب كبير وايد .. تقريبا 5 ونص في 6 ونص
شو رايكم؟؟
انا من الامارات .. ساكنة في العين .. وين اقدر الاقي مجالس حلوة؟ .. عادي إذا كان جاهز أو تفصيل
شاركي في النقاش
سجلي الدخول لإضافة تعليق.
التعليقات
17- العربي افضل ومريح جدا
- العاده عندنا نسوي مجلس الرجال كنب زي اللي قلتي مو عالي ولا واطي لان الرجال مايحبون الكنبات الكبيره الكلاسيكيه
والمقلط اللي هو الغرفه اللي يتعشون الرجال فيها تكون جلسه ارضيه عربي - يا حبيلك هههههههههه
احنا بخير و الجيران يسلمون عليك هههههه
شوفي انا اقول لو كنب متصل مثل ما قلتي ما يجي عالي و لا واطي مره لان مثلا في ناس ما يرتاحون ما تدري من يجيك وفيه استغلال كبير للمساحة
و يعطيك مساحة اكبر في الوسط يوم تفرشين السفرة وقت العشا
تحياتي لك - هلا حبيبتي
شوفي بالنسبه لي ...انا
عملت في مجلس الرجال كنب مرررةفخم
نو وي اسوي جلسه ارضيه
اولا ماصارت موضه
ثانيا مش محببه لكبار السن...
وبالنسبه للي قصدش عليه نحن
نسميه الجلسه
انا معاش انه عملي ويشيل اكبر مجموعه
ممكنه من الناس
بس مدري احس لو عندي مجلسين اثنين ممكن
اعمله بس اذا عندي مجلس واحد
فبصراحه احب اخليه اخر موضه وفخم
فالكنب كان احسن حل وعندي ومريح وفخم
صح مايشيل عدد كبير
بس صدقيني يكفي والناس ما راح تجيش طول
السنه...
بالنسبه للمقلط عندكم نحن عندنا
صالة الطعام... فنحنا عادة نسويه بالمجلس نفسه
بس يكون مثل غرفه مفتوحه
او في غرفه منفصله ....
امكن كلامي ما يكون مفيد كثير بس حبيت اشاركك
الغاليه .... - انا رايي انك تحطين مجلس عربي لانه في النهايه ماراح يجلسون الا على الارض لان الرجال مايحبون الكنب يحبون الشي العملي والمريح انا مجلس الرجال كنب فخم مرة وزوجي كل يوم يقول ابغيره واحط مجلس عربي لان اذاجاه احد جلسوا على الارض بس انا متحسفه عليه ولاعندي مكان ثاني احطه فيه ولو رجع الزمن ماحطيت الا مجلس عربي الا اذاكان عندي مجلسين مجلس فخم للكشخه ومجلس عملي للضيوف
مواضيع مشابهة
تابعي تجارب أخرى من هذا القسم.