ربي رزقني بحمل بس ضميري يأنبني! لأني...أدخلو اقولكم السالفه

أنا الحمد لله ربي رزقني بالحمل بس أحس بتأنيب الضمير..

والسبب أختي؟! علاقتي بأختي زي السمن على العسل ودايم سوالف معاها هي أكثر وحده أرتاح معها بالبيت وأسولف معها تشاركنا في أشياء كثيره لدرجه انها هي كانت تروح تقضي لي أغراض الزواج وتترك بيتها وزوجها يومين وثلاث حتى زواجي هي اللي قامت فيه ورتبته وتعاقدت مع الناس وحطت من جيبها اللي تقدر عليه كل هذا لأنها تبي الزين لي..

المشكله ان ربي مارزقها بالحمل لها 5 سنوات متزوجه ولحد الأن ماكتب ربي لها حمل ودايم الناس يسألون عنها..
أنا أحس بتأنيب الضمير كل ماشفتها وعلاقتي بها تغيرت ماعاد صارت ذيك السوالف بيننا وأحاول أتحاشاها ولا أقدر أحط عيني بعينها وربي أأني أدعي ربي يرزقها كل يوم هي وكل محرومه يارب وكل مامسكنا خط السفر دعيت لها وكل محرومه أقول ان شاء الله ما اوصل السادس الى هي ومرت اخوي يبشروننا بحملهم..

نفسي علاقتي ترجع زي أول معها بس ما أقدر أحس أني قاعده أحرجها قدام الناس..كيف بعدين اذا ولدت في النفاس ما أدري كيف..
أنقهر اذ سألني أبوي كيفك وكيف البيبي ان شاء الله كل شي تمام ؟قدامها
أمي وأبوي فرحانين على شان كذا مهتمين فيني زياده حبتين ويدقون يسألون علي اذا مادقيت غير العاده..
احس تصرفهم يحرجها ويكسرها..مدري ما أقدر لال اني أدعي ربي يرزقها وكل محرومه يارب



ياربي ترزقها وكل محرومه يارب..

63 تعليق 5,359 مشاهدة

شاركي في النقاش

سجلي الدخول لإضافة تعليق.

التعليقات

61
  1. اختي افهم شعورك


    بس صدقيني الحين تلقينها تفكر وتقول اختي اقرب الناس لي خايفه انضلها



    انا اعرف انه مو قصدك بس انا اشوف بقسم تاخر الحمل اغلب المتاخرت


    يفسرون تعامل الغير على اساس انه خوف من الحسد وشماته



    اقترح انك تطلبين مشورة الاخوات هناك هم نفس وضعها واعرف بهالشي


    ولو انا مريت بهالشي


    بجلس معها وافهمها اني اتمنى لها مثل ماتمنى لنفسي وبدعي لها بساعه الولادة اني ربي يرزقها

    وان هالبيبي لي ولها واني ابيها تربيه زي لو كان بيبي لها


    صدقيني راح تنبسط

    والله يعينك وطمنينا وش يصير معك
  2. @meesh_1

    الله يرزقها الحمل والولد السليم والمعافى ويقومك بالسلامه
    بس انا من رااي لا تحسسيها بهالشي لانو بيجرحها اكيد هي رح تفرح بطف
    لك وبحملك زي ما انتي رح تفرحيلها اذا الله رزقها
  3. @om_remas

    الله يرزقها يارب وبتفرحين فيها

    بس هذا شي مو بيدك ومالك غير انك تدعين لها والله يرزقها ويسهل عليك وخليها تكثر من قراءة سورة البقرة وعقبال مانسمع خبر حملها يارب
  4. @fazh_toylh

    هلا اختي انتي شكلك اصغر منه سبحان الله انا نفس حالت اختك اختي اصغر مني بخمس سنوات تزوجه وحملت وانا بعد وبالعكس انا انبسط لها والله ان كاني انا الي حملت ودايما ندق على بعض وانا اسئله على النونو حتى يوم جت تولد انا ماني موجوده عنده لاني في ديره وهي في ديره وتعبت في الولاده اني كاني انا الي بولد طول يوم وانا ابكي وادق على زوجها مسكين غثيته ذيك اليوم والله وقت ما ولدت رسل لي على طول صوره النونو اني فرحت بشكل بعد ين سافرت عنده تصدقين انا كنت اسهر مع النونو وهي اقولها تنام عشانها تعبانه بالعكس اختي تقربي منها عادي الحين انتي تغيرتي عليه بتفكرك انك تخافين على نفسك منها ورجعي علاقتك بها اكثر من اول وسولفي عن النونو بالعكس ترى تحبه من محبتك ويارب يرزقها ويفرح قلبها عاجلا غير اجل هي وكل محروم ويثبت لي حملي ويقر عيني بشوفت طفلي سليم معافى وقولي امين

تابعي تجارب أخرى من هذا القسم.