كيفكم بنات والله اني اكتبلكم ونفسي مكسورة
انا من تزوجت وزوجي يعيب فيني وبااهلي لان احنى مستوانا اقل منهم وضرب على اسباب تافها ويتفل على وجهي ويخنقني ويسبني حتى اتهمني بالزنا لاحول ولا قوة الا بالله المهم هذا كلة صار بعد ما حملت حتى ماتهنيت بعد زواجي بشهرين اجا اخوة عندنا وجلس في البيت وانا ما اكذب عليكم تضايقت مرة لاني محجبة والبيت كلة بس غرفتني صغار ونسيت اقولكم انا مغتربة مع زوجي ومافي معايا الا الله وزوجي معاة خواتة واحدة متزوجة والثانية الكبيرة لا المهم حاولت اقنع زوجي ان اخوة يروح يجلس معا اختة اللي مش متزوجة وكان رافض والله انو يقرف يجلس معايا او يتكلم معايا طول الوقت وهو يتكلم معا اهلة بالتلفون وانا ولا كاني معاة واااااااالله ان ربي اعطاني جمال الكل يمدح فية واخلاق عالية امي وابوية ربوني فيها الحمد لله .
اخوة كمل ستة شهور وراح بلادة وانا بعدها بشهر ولدت والله بعد ما ولدت ولا قالي الحمد لله للسلامة وطول الوقت يتأفأف يشتي يروح البيت لاني قعدت في المستشفى لان صار لي نزيف بعد الولادة قلتلة خلاص روح البيت انا بجلس لحالي والله وراح وخلاني وانا جالسة ودمعتي مافارقت عيوني.
بعد مارجعت البيت الرجال شوية تغير بدا يحن لابنة ومشت الايام وكملت الاربعين وتجهزت مثل كل واحدة تكمل الاربعين وهو ولا بحسة قالي ليش كذا لابسة خير معاكي عرس قلتلة ايوة قالي عرس من قلتلة عرسي قالي بلا هبالة ومن العريس قلتلة انتا والله يا بنات قالي انتي هبلة قومي امشي من جمبي بلارومانسية ونمت وانا ابكي وهو طول الوقت بس ماسك الكمبيوتر وبعدو بفترة اكتشفت انو يدخل مواقع محرمة لا حول ولا قوة الا بالله ومشت الايام والشهور والرجال رافض يمسكني رغم اني ماقصرت معاة وربي شاهد البس واتعطر بس مافي فايدة وجلسنا يمكن اربعة شهور بدون اي علاقة زوجية كلمتة قلتلة في حاجة متضايق فيها مني قالي انتي ماتسمعي كلامي وتعانديني قلتلة انا المفروض اللي اتضايق قالي ليش قلتلة لاني شفتك وانت تشوف اشياء تغضب الله ورسولة قالي انا حر قلتلة بس انا زوجتك ولي حقوق مش تخليني زي الحايط لا كلام ولا سلام من الارض ولازم تخاف الله وتصلي لانة كان يقطع بالصلاة فقام والله يا بنااات ما ابالغ مسك حبل وضربني حاولت اهرب للغرفة واقفل الباب اجا لحقني وخنقني لمن حسيت روحي باتخرج والله شكلة تحول انسان ثاني وانا ابكي اقولة سيبني تعوذ من الشيطان رجع سابني وخرج من البيت .
بنات سامحوني اكتب مجزء لاني خايفة يدخل زوجي
بعد ما ضربني حاولت اتصل لاهلي واكلمهم بس بعدها باسبوع سمعت ان امي معاها سرطان ولازم تعمل عملية والله صرت زي المجنونة عليها الله يحفظها طلبتة يعطيني كارت عشان اتصل اسال عليها ورفض بعدين جلست والله اشحتة عشان اتصل اسال على امي رجع اعطاني الكرد وخلاني اتصل وهو جمبي خايف لا اكلمهم اني ضربني كلمتي امي حبيبتي وقالتلي ان الدكاترة قالولها لازم تعمل عملية بسرعة لانهم خايفين الورم ينتشر والله انا في التلفون ابكي على امي وهو ولا بحسة وكل شوية يدق فيني يقولي خليلي خمس دقايق اشتي اكلم اخوية
امي الله يحفظها عملت العملية والحمد لله كان الورم حميد قمت صليت ركعتين حمدت ربي فيها ودعيت الله انو يسخرلي زوجي لان الجفا كان مستمر وصار ينفر اكثر مني بعدها بفترة الرجال خرجوة من عملة وربي ما وفقة بعمل ثاني فكان اربعة وعشرين ساعة قدام وجهي ... وهنا بدات المشاكل تكبر يوم ورا يوم .
في الصباح متعود يصحى الساعة سبعة كل يوم وانا اصحى معاة عشان اعملة فطور بس بعض الاحيان يغلبني النوم لاني اكون بالليل قمت اكثر من مرة عشان ارضع ابني فا اكون تعبانة والله انوا يزبطني ويصحيني من النوم وانا استحمل اقول عشان ابني وساكتة واقوم اعملة الفطور بدل ما يقولي شكرا عادوا يجلس يسب ويلعن حسبي الله ونعم الوكيل .
امة عايشة في مدينة ثانية كلمتنا بالتلفون انها باتجي عشان تزور الولد وما مشى عشرة ايام الا ووصلت عندي في البيت والله فرحت قلت اخليها ترتاح حتى اسبوعين واكلمها على ابنها ومعاملتة معايا.
كنت والله شاهد اعاملها مثل امي رغم اللي ابنها بيعملة فيني كنت بعد ما اصلي الفجر اعمللها اكل عشان تاكل لان فيها سكر وتجوع كثير واعطيها الدواء حق السكر في الصباح وبالليل وماكنت اخليها تعمل حاجة اكلها كلة يجيلها لا عندها وهي جالسة مرتاحة وكانت تدعيلي جلست معايا اسبوعين بعدين بدون سبب قالت انا با اروح اجلس عند بيت بناتي قلتلها ليش يا خالة في حاجة مضايقاكي قالتلي لا والله بس با اروح اغير جوا هناك فقلت الحمد لله يمكن بتشوف كيف ابنها بيعاملني وتضايقت لهذا تشي تروح هناك عشان يمكن تكلم خواتة لانوا يسمع كلام خواتة كثير عشان ينصحوة.
المهم راحت امة هناك ورحت زرتها بعد يومين الا اشوف الحرمة متغيرة علية بشكل فظيع ولا تشتي تشوفني حتى . قام قالي ابنها روحي جيبيلي حاجة اشربها قلتلة لحظة اغير للولد ثيابة لان كانت مبللة واجي الا تقوم امة وتقولي مالش انتي شايفة نفسك على ايش انا حتى لمن جيت عندك البيت ماكنت مرتاحة ماحتى كنتي تخليني انام وموتيني جوع الا بس كنتي تتامري عليا اجلسي هنا لا تعملي كذا تكلمني قدام زوجي وبناتها قلتلها ليش تقولي كذا اليوم دنيا وبكرة اخرة واللي زاد كبر الموضوع زوجي قام يدافع على امة يقولي انتي ما تحترمي حتى اممي
قمت اخذت ابني وطلعت غرفة لحالي وصوت امة مالي البيت تدعي عليى وبناتها كل واحدة تقلب وجها علي لمن يشوفوني قمت نزلت قلتلها يا خالة اذا بتقولي ان انا غلطت عليكي انا اسفة قامت تقولي اناا ما اقبل اعتذارك وتداعي ابنها وتقولة الاااااااااان اشتيك تتطلقها انا انصدمت قلت ليش قالتلي انا جالسة معاكي اسبوعين في البيت وابني ليل نهار يشتكيلي منك انك ماتطبخي ولا تنظفي البيت ولا تهتمي فية ولا بولدك قلتها وانا ابكي الله شاهد ان الكلام كلة كذب بكذب قامت تقولي انتي كذابة وبنت سوق ووووو نفس الكلام اللي يسبني فية ابنها وتتكلم على اهلي حتى لمن اجينى نخطبك ما قربتوا كاسة شاهي وكلام يا بنات مالة داعي انا ما استوعبت ان في ناس يكذبوا كذا قلتلها انا اللي مستحملة ابنك وكلمتها كل حاجة قامت تقولي عادوا اللي عملة فيكي قليل وانا با احرمك من ابنك ولا با تشوفية قلتلها انا الان با اروح اتصل لاهلي واكلمهم قام زوجي جرى وفتح شنطتي واخذ الموبايل وكسرة قلتلة حرام عليكم تعملولي كذا انا اشتي سترة ما اشتي مشاكل قام مسكني بشعري وضربني براسي لمن خرج دم وامة كل ما اشتي اهرب من ابنها تمسكني عشان يكمل يضربني والله يا بنات هذا اللي صار بدون مبالغة
المهم انا الان جالسة بالغرفة ابكي وادعي الله وامة للان جالسة تبكي وتصيح
اللي اشتيكم تقولولي يا بنات ترا انا طيبة وعلى نياتي وما احب اعلى صوتي على احد ايش اعمل لان هذا الشي ما ينسكت عنة لانهم زودوها
بس انا خايفة لا يحرموني من ابني
الله يخليكم ادعولي وشوروا علي واللي ما ترد ترفعلي الموضوع
دعواااااااااااتكم
الموضوع مغلق