ووووووقبل لا ينهبل المنتدى خليني انزل جوابي الي كتبته ولم يرى النور لاختي متأمل
ترى مانسيتج والله وحفظت ردي بصفحه وورد علشان ارجع اكتبها لج حبيبتي فالعتب على هالمنتدى والسيرفر المنتح
انا اقول محتاج مطوع يقرى عليه او اننا نييب ماي مقري فيه ونصبه عليه<<<انهبلت:eek:
هذا ردي للغاليه مـتأمل
وي وي وي وي
يااابعد عمري يااامتأمل<<<الحمد لله انه ابو الشباب ناايم والا جان رحت ملح
حبيبتي خاطرج بحواجب التشاينيز
عندج اكثر من خيار
الاول: باستخدام كونسيلر ثقيل وكريمي مثل كريولان او ماركه ميموري بصراحه ماادري وين تحصلينها اذا انتي من السعوديه بالكويت وكيلها الحصري الجوثن تغطيتها جدااا عاليه وتعطي كفر قووووي جداااا
وتوزعينه بحيث تخفين الشعر الزايد
اما ان كانت نوعيه شعر حاجبج ثقيله فانصحج بالاول انج تمشطينها باستخدام فرشه الحاجب وتمرير قطنه مبلوله بسبراي الشعر او مثبت المكياج بحيث تكون الشعرات لازقين ببعضهم وسهل انج تتحكمين فيهم وتغطينهم بالكونسيلر الثقيل
بعدها مدي الفاونديشن عادي وبالاخير حطي البودر بطريق الطبطبه وضبطي رسمه حاجبج اما بالتاتو من ميك اب فور ايفر
او باستخدام الشدوو او القلم الخاص للحاجب ولو اني مااحبذه ولا احب استخدامه لاني احسه انه يعطي منظر مصطنع سويهم اي شكل يعجبج
الثاني: عندج العجينه (wax)الي من كريولان
الي تكون مثل الانبوبه
هذي مصممه للclown
يعني للمهرجين لاخفاء جميع ملامح الوجه وبخاصه الحاجبين
لكن بما انه العرب:arb: ماعندهم شغله الا تلميع انفسهم والاهتمام بمظهرهم الخارجي حولوا هذا المنتج من اخفاء شعر حاجب المهرج ومعالم وجهة الى اخفاء شعر حاجب المرأه<<يعني اذا بغوا يعرفون يتصرفوون والا يخلونها مفروووطه
على قولت الاوليين بمشتهاتهم ايبوون اولاد المهم ممممماعلينا
نرجع لمحور حديثنا
وهذي طريقتها انج تاخذين منها قطعه صغيره وتحاولين تلينينها بيدج او تقدرين تضيفين لها شويه فازلين علشان يساعدج
وتحطينه على الشعر المراد تغطيته بالطبطبه وتثبتينه نطري عليه شوي وحطي كونسيلرج طبقه ثقيله من الكونسيلر الغاامق
بعدها طبقه من الكونسيلر الي افتح منه
ثم طبقه من الكونسيلر الفااتح القريب من لون بشرتج بعدها
مدي اساسج عاادي جدا واخيرا البودره بالطبطبه
ورسميهم باي طريقه انتي تحبين وباي ماده انج تفضلين
فيه واكس نوعيه اخرى بعد من كريولان تكون في علبه دائريه طريقتها
انج تذوبين شويه منها اما باستخدام الاستشوار او الولاعه يدووب مرور سريع عليها علشان تذوب
وتحطينها على حاجبج باستخدام اي طرف حاد عندج تقدرين تستخدمين طرف الفرشه او طرف الملقط
ونطري عليه شوي بعدها كونسيلرج الغامج ثم الفاتح ثم القريب من لون بشرتج والفاونديشن واخيرا البودره ورسمي حاجبج
وفيه واكس من ماركة شماس بوكس بصراحه سيئ ومايسوى سعره وغير مجدي تغطيته جداااا خفيفه ينفع للي يحفون بصورة دوريه وتطلع حواجبهم وماعندهم وقت للحف يستخدمون هذا الواكس لتغطيه الشعيرات الجديده النابته لكنه مو مجدي لنا خاصه للي ماتحف مثل حالاتنا
وفيه واكس من ميك اب فور ايفر لا يقل شئنا عن سماش بوكس ينقالج مخلينه اثقل وهو
عنبر اخو بلال<<<هذا مثل عندنا بالكويت كنايه عن التشابهه
الثالث: <<<هذا ينفع ان كانت حواجبج من النوع الخفيف انا تنفعني واايد
اي قلم لونه عاجي \ بيج حتى لو قلم كونسيلر
عندج من بنيفنت راااااائع وفيه من برجواز ممتاز وفيه من ميك اب فورايفر يحليله ولد حلال
رسمي حاجبج عادي بعدها موهييه وحطي كونسيلر بلون بشرتج ومن ثم الفاونديشن واخيرا الكومباكت بودر ورسمي حواجبج او مشطيهم علشان يتربتوون
وبس اتمنى اني افدتج ولو بجزء قليل وانا عندي صووور للخطوااات
بس يااااني ام الكسل والعجز مااااااااالي خلق احرك نفسي من الرباااده والكسل:09:
واذا بغيتي شي يوخيتي لا يردج الا طقطقه كيبوردج يالغلا:26:
███▒ملـتقى قمآري حوآء..سواليف الميك اب والعطوور.."التجمـ ع الثآنـ ي"..▒███
متابعة النقاش، صفحة 213
..