بنوتات يا حلوات إيش تسوو عشان تصيرو دلوعات***

الله يعطيج العافيه على هذا الموضوع الرائع

انا احب المواضيع الحلوه بس نبغا من البنات تفاعل اكثر يعني كل من تدخل تدلي بدلوها على الاقل تقول ايش الشي اللي تشوف انهااذاسوته صارت دلوعه

ببدا بنفسي بما ني بنوته اموت في الدلع ولا تقولون هذي مغروره لا انا اقصد احب اتدلع واذا محد دلعني دلعت انا نفسي هذا بالنسبه لتدليع النفس

مثلاانا اذا حبيت اتدلع وخاطري احس اني مدلعه وهذا الشي يخليني اتصرف بالبيت بدلع بقولكم بس لا تضحكون

اول شي ارتب غرفتي وابخرها واعطرها بعدين اطلعلي بجامه جديده مع سلير مناسب معاها
واجهز عدة الشور ويا حلاته يكون طقم كامل يعني (شور جل وعطر وبودره وكريم )نفس العطروالاحلى يكون توت او سويت كاميل من زهور الريف مع عطري المفضل وبعد ما اخذ شوري احط الكريم وأتعطر واستشور شعري احط مكب خفيف يعني بلش وقلوس ومسكره بس بدون كحل وطبعا البس البجامه واتبخر بعود اذا حبيت بعدين تعالي شوفيني احس كاني ملكه من الدلع

بالنسبه لدلع التصرفات

اكيد الصوت الواطي اولها واللبس الناعم وعدم المبالغه بالاكسوار يعني تكفي شغلتين بس مو لازم طقم كامل وطبعا من الاشياء المهمه بالدلع الريحه الحلوه طبعا النظافه اليوميه والاهتمام هم اللي يعطون هذا الشي وبعد ريحت الشعر لما تكون حلوه بعد تحسسك انتي واللي حولك بالدلع بعد اغراضك الشخصيه تدل على شخصيتك يعني البنت الدلوعه تحب تكون اشيائها نعومه وبناتيه وفيها حركه انثويه يعني جوال مثال بسيط احب الجوالات اللي يكون فيها لمسه انثويه مثل اللون واذا ما تحبين اللون حطي تعليقه حلوه بس اكيد مو دبدوب احسها طفوليه ومراهقه هذا رايي بدون زعل

هذا اللي عندي الان واي شي اتذكره اكيد برجع بس شدو حيلكم لان الموضوع بصراحه جد حلو ونرجو التفاعل لتعم الفائده ويعطيج العافيه dark على الموضوع وان شالله ما طولت عليكم

^
^
^
^
^


عجبتني افكااااااااااارك وتدلعيك لنفسك فعلا عشان تصيرين دلوووعه دلعي نفسك قبل لاتدلعين زوجك

والله عجبني كلام البنات

وكلامكم صحيح مئه بالمئه

من ناحيه النظافه ومن ناحيه الدلع على الزوج انك تمسكين يده وتقولين له الله يخليك حياتي ابي اروح المكان الفلاني او الشغله اللي تبينها...وبيخجل حبتين من اسلوبك وبيوافق

ومشكوره صاحبة الموضوع وكل البنات اللي افادونا وانتظر منكم المزيد

بس أحس إحراج إذا ما رد علي أو ما وافق عالطلب !!!!!! ولا أنتو شنو رايكم؟

حتى كمان لو سويت حركات دلع بنفسي زي عبير الخيال ولبست وسويت حركات مو زي العادة

وما انتبه ابو الشباب او ما علق او حتى مابتسم حيكون احرااااااااااااج صح ولا لأ؟؟؟؟؟؟؟

زي الي ترقص ومحد مهتم فيها او منتبه لها!!!!!!!!!!

علمونا حركات كمااااان

نبي تفااااااااااااااااااااااعل بلييييييييييييييييييييز

يعني شنو الفايدة انك تلبسين وتكشخين وانت مو ناعمه ؟؟؟؟؟؟؟؟؟؟

بليز تفاعلو معانا بلييييييييييييييييييز>>>>>>>>>تعلمت الدلع وجايه طبقه عليكم

اهم شي تبعد الوحده عن مط الحكي ورفع العيون فوق وتحت وبحلقتهم زي طقة حليمه بولند وبعض ممثلات الكويت وبعض المذيعات لاني شفت العالم فجأه تتكلم بنفس الحركات وبنفس الكلمات والميوعه المصطنعععععععععععععععععععه والى تفقع المراره



فيه فرق بين الدلع والاصطناع ومن رأي الوحده تخلى دلعها لزوجها فقط لان الزوج يحب هاذي الحركات
ام الدلع للغير فماله داعي لان الناس طفشانه من نفسها مو تجي وحده تبتليهم في نفسها

ثم الدلع احسه للاطفال والمراهقات لانه سنهم الطبيعي غير كذه احسه مرض خصوصا لناس ماعاشوا طفولتهم طبيعي زي باقي الخلق

هذا رأي اتمنى توسعون صدوركم له