تفضلوااااا للبيت الجديد يامنطلقات ( بمعنى مطلقات )

أساساً كل ما عزلتي نفسك صرتي تحسين مواجهة الناس أصعب...

أطلعي ووسعي صدرك.. واللي يسألك قولي له ما في نصيب.. أو قدر الله وما شاء فعل!

@جبرني الوقت@
PINEAPPLE
* ومضة أمل *

الله يسلمكم حبايبي , ومشكورين على ترحيبكم

مرحبا بنااااات ... كيفكم؟؟؟؟

وموضة حرام عليك صدقتي؟؟ وراه النفس الشينة طلعت على هالايام الفضيلة.!!
تعوذي من ابليس يا بنت الحلال... و كلن بيسوي شغله بدون العين الحمراء خخخخخخ..
>>>> يعني من طيبة نفس....

و انا ان شاء الله معكم... ما تشوفين المجالس و المقالط تلق من النظافة؟!... قمت عليهن قومة ما خليتهن الا نظاف.. استعدادا لاستقبال ضيوف العيد.....

بريداوية...

انا مع مستحيل أنسى و لكن.... انتي لازم تكونين راضية بقضاء الله و قدره و ان هذا نصيبك..
عشان ربي يتقبل دعواتك و يسخر لك و يعوضك خير...

و اعرفي ان لو اجتمعت الانس و الجن على ان يضروك بشيء لن يضروك بشيء الا قد كتبه الله لك... و ان اجتمعت على ان ينفعوك بشيء لن ينفعوك الا بما قد كتبه الله لك..ز


غيري هاذي النظرة السوداوية اللي في بالك... و ما تدرين ان ربي عنده خيييير كثييييير....

و خلي الناس يتكلمون و يقولون... انتي عارفه نفسك و واثقة من حالك...و ما عليك من الباقيني.... و ان كان ربي كاتب لك رزق بهالدنيا مع رجل غير طليقك .. فبتاخذينه عاجلا او اجلا..
و انا متأكدة انك انتي و اهلك تناقشتوا كثيييير و " قال لي و قلت له" و " صار و ما صار" و الخ
مثل حالتي طبعا... و انا خلاص عديت هالمرحلة و صار صفحة من الماضي... حتى لو سألوك الناس وش صار و وش ما صار... لا تردين عليهم انتي بكذا تغتابين و بكرا ربي ياثرهم عليك...
انتي قولي هذا النصيب.. و كلن راح في سبيله و مابغى احكي بالموضوع... خليك كذا عشان ربي ياثرك انتي عليهم...

الله يوفقك يارب و يسهل امرك...
و دايما ادعي ان ربي يكتب لك الخيرة في امورك كلها... اهم شي انك تعرفين ان مهما صار من شيء سواء مفرح او محزن فاعرفي ان ربي ماعنده الا الخير.. و هاذي من الخيرة لك..
( الخيرة فيما اختاره الله )

ادعي ربك ان كان في بقاءك معاه و الصلح لكما خير لك في دينك و دنياك و معاشك و نفسيتك فادعيه يسهل لك امرك و يحنن قلبه عليك...
و ان كان في العودة له و الصلح شر لك في دينك و دنياك و معاشك و نفسيتك ( لاحظي هنا النفسية مهمة) فادعيه ان يكفيك شره و يخلصك منه بهون من امره...

هذا الدعاء الى الحين ادعيه مع اني احس اني غاسلة يدي من الموضوع بس وش المانع ان الواحد يدعي ربه... زيادة الخير خيرين... و عسى ربي يكتب اللي فيه الخير..

والله ان الدنيا غرابيل و تعب بس تبي من اللي يصبر و يتحمل و يحتسب....

اللهم إنه ليس السماوات دورات ... ولا في الأرض غمرات... ولا في الشجر ورقات..
ولا في العيون لحظات... ولا في الأجساد حركات ... ولا في البحار قطرات... ولا في الجبال مدارات... الا و هي بك عارفات... ولك شاهدات.... و في ملكك متحيرات...
فبالقدرة التي سخرت بها اهل السماوات و الارض...
سخر لي زوجا صالحا حبيبا صديقا صدوقا حنونا عطوفا كريما يارب العالمين..
يالله يارب انك تسخر لكل منطلقة و كل من قرأ هالدعاء أقوى منها...
و تسهل أمورها... و تكتب لها الخير كله... و تنصرها على من عاداها... و تحقق لها أمانيها
ترزقها مين يستاهلها...
إنك على كل شيء قدير و بالإجابة جدير..

أستغفر الله... أستغفر الله... أستغفر الله..
لا إله إلا أنت سبحان اني كنت من الظالمين...

بنات انا حالتي مختلفه..

صار لي سنه مطلقه وزوجي سابقا كل فتره وفتره يرسل يقول ودي ارجع وياملني بعدين يهون ويتراجع

والمشكله اني اسمع انه يدور ويخطب ومازال على هالمنوال..

عجزت اكرهه وعجزت انساه وفي نفس الوقت يخوفني تردده وعدم اقدامه بجديه..

وفي الفتره اللي يتراجع فيها اساله عن سبب تراجعه يقول احاول اقنع نفسي والقى نفسي ارجع مثل ماكنت!!

انا متعذبه بصراحه وبديت احس بالنقص انه احد يجبر نفسه على تقبلك!!!