ساعدوني بتصميم مخطط بيت العمر

كل عام و الجميع بخير
الموضوع و ما فيه انه قررنا نبني بيت باشراف اهل زوجي لانه احنا متغربين حاليا الى ان يشاء الله
فرسمنا عده مخططات انا و زوجي
و اهله استعانوا بواحد من معارفهم بفهم بهيك اشياء و عمل تصميم معين
المهم التصميم الي رسمه الرجال ما عجبنا و بلشنا نعدل عليه بس الرجال مش راضي يغير و لا شحطه في التصميم
و بيطلعلنا الف حجه و حجه
و حماي و حماتي شايفينه مهندس و غلط انه احنا نجادله او نبدي راينا
الارض مشكلتها مايله فرح نضطر نبني تسويه تحت البيت من الجهه الخلفيه لحتى تستوي الارض
الي بدنا اياه بالبيت يكون اول ما تدخلي صالتين استقبال مفصولات عن بعض و الهم دوره مياه و يكونوا كمانمفصولين بباب عن البيت من جوا
و بعدين بدنا صاله مفتوحه عالمطبخ و السفره و ما عليها ابواب كثير
و يجي بعدها غرفتين نوم للاولاد و مشتركات بحمام و بعدين غرفه نوم الماستر و مكتب
و من داخل البيت تنزلي عالتسويه

احد اهم تعليقات المهندس قرابتنا(هو مش مهندس )
طلبنا منه مخطط بيت طابقين نظام امريكي رد علي عالتلفون الي بيطلع من جلده بضيع يعني مش تفكري حالك صرتي كنديه و تبني زيهم

رسمنا مخطط بحيث غرفه النوم الماستر قريبه عالاولاد راح حكالي هاي الشمس بتظل فيها طول اليوم و بتعرفيش تقعدي فيها (يا ربي هو احنا بنام بالنهار و الا بالليل)
بنحكي اسسلنا لتدفئه مركزيه بحكي بعدين طيب واجهات البيت حجر بعدين
طيب مخزن صغير فش داعي
طيب باب داخلي للتسويه لالا ما بصير بيطلع صغير و بتصيروا تحبو على ايديكوا لتفوتو للتسويه
حمام غرفه النوم الرئيسيه يا ابو فلان 1.5 *3 وين صارت يا عمي لالا مليح جخه
الملخص صارلي 4 ايام مش مركزه و مقهوره و حاسه حجر كبير على صدري
و زوجي النبض عنده واطي بيوصل 44 من هالمهندس

فالي بتقدر تساعدني كيف ممكن اتصرف مع هالمهندس او ترسملي مخطط مسطحه 200-250 متر مربع الله يجزاها الخير لانه عقلي مقفل و الي برسمه نفس الافكار تقريبا

مش عارفين نوصل لمهندس بالبلاد لانه عيب نتعدى قرابتنا