الحلقة الأخير من القصة؟؟؟؟

اطنش الماضي واتعلم من غلطاتي وابدا من جديد وابدا بقوه

مشكورين بنات اللي رديتوا و أنتظر البقية
غاليتي رحيل5سابقا أصلا بعض الأخطاء ممكن الواحد يتجاهل وجودها
لكن...حتى لو كان هذا القريب لازم يكون فيه طريقه أهم شيء ما نستسلم أبدا لأن صدقيني لو الواحد بيتحمل و توقف المشكلة عند كذا كان ممكن لكن المشكلة دااااااااااائما تزيييييييييييد
وما تقل إلا ما ندر.
الله يكفينا و اياك شر المشاكل.

الصراحة أنا في مسلسلة كانت الحلقة الأخيرة فيه بعيدة نوعا ما...
بس استجد شي وخلاني أجيب الحلقة الأخيرة وأحاول أنهي المسلسل .. واتخذت قرار حازم وصارم ما راح أتراجع عنه بإذن الله إلا بمزاجي وبدون تدخلات من أي شخص كان ولظروف معينة فقط.

أولا: قررت أستقل تماما بحياتي ..يعني أرسم خطط لنفسي بعد بحث وتفكير واعي بدون ما أسمح لأحد يملي علي خطط مستقبلي .. لأنه مستقبلي وأنا اللي بعيشه مو غيري..

ثانيا: قررت أقفل قلبي وما أفتحه لأي إنسان ..لا قريب ولا بعيد .. عشان أرتاح وأريح وما أعيش المزيد من الصدمات في الناس اللي كنت أظنهم قريبين مني وبيقفون جنبي وقت احتاجهم..ولان الشكوى لغير الله مذلة..

ثالثا : قررت أصير كتومه وخرساء بمعنى أصح , بالنسبة لأموري الخاصة :أفكاري وأحلامي ووجهات نظري ... يعني علاقاتي أخليها عامة ورسمية مع كل الناس .. مالي شغل في حياة أحد ولا لأحد شغل في حياتي ..

رابعا: قررت أطنش وأرمي ورى ظهري كل سخافاتي القديمة وظني أن اللي حبيتهم وتنازلت عشانهم مستحيل يخذلوني أو يسووا شي هم عارفين انه بيجرحني ..وأعاملهم بلطف وبشكل رسمي قدر الإمكان .

ماراح أجرحهم زي ما جرحوني.. بس راح أفاجئهم بشخصيتي الجديدة .. لأني مليت من الطعن في الظهر والحش والإستغفال والتحقير بسبب وبدون سبب..


خامساا : أتخذت أخطر قرار في حياتي بعد التفكير والإستخارة ..وأنا متأكدة ان القرار بيسبب صدمة عنيفة لبعض الناس .. بس ماهمني طالما انهم ماعبروني ولا حسبوا حساب لمشاعري ..والحمد لله احس اني مرتاحة ومتفائلة بفضل الله وحده ..

سادسا: اني اصير عقلانية وواعية وافكر في الأمور من جميع الجوانب قبل ما أتخذ أي قرار.. وأحرص على عدم مخالفة الشريعة ..

وأهم شي عندي في الدنيا أني أحقق حلمي وأرضي أبوي الله يحفظه ويطول عمره على الطاعة .. وأواصل دراستي وأنجح في حياتي ..وأحافظ على ديني واخلاقي وما أتنازل عنها لأحد... وأودع المجاملات الكذابة على حساب الدين .. لا أفراح ولا جمعات غيبة ونميمة وعسى الله يثبتني على الحق..

بس الحمد لله رغم كل شي لازالت عندي العزيمة و الإصرار والتفاؤل .. وأحاول أسعد نفسي بمساعدة البنات اللي يسألوني واللي يحتاجوني في أي أمر .. لأن إدخال السعادة على قلوب المسلمين وتفريج كربهم لها مفعول سحري على النفس سبحان الله.. وبرضه أحاول أستغفر وأدعي ربي , وأتحكم قدر الإمكان في عواطفي وانفعالاتي ..

طولت عليكم بس فعلا تعلمت من تجاربي في الحياة أني ما أسمح لنفسي أكون ضحية المجتمع والظروف , واني أكون إيجابية وما أدمر نفسي وأشوف العالم بلونيه الأسود والأبيض فقط ..

والله نفسي اعمل حلقة اخيرة مع صديقة اللي بس مش عارفة
غاطسة في الوحل لاذنيها وهذا الكلام عرفته من برة يعني هي مستغفلاني وما بتحكيلي ابدا مع العلم اني معروفة في المجتمع والحمد لله باني متدينة
نفسي اساعدها ولمحتلها كذا مرة لكن ابدا ما مخلية اللي مجال للتدخل ابدا مع العمل انها حاكية لعالم كثير جدا ومن المستحيل انهم يساعدوها ولا بتهم مصلحتها ولا سم
المهم اني الان اصبحت تمويه لتحركاته امام زوجها من باب انها لا تتحرك الا معي وهذا غير صحيح
لذا فقد قررت تقليص تحركاتي معها الى الربع حاليا من باب اقتصار العلاقة فقط على زمالة العمل فقط والله يهدينا ويهديها وذلك من خوفي على نفسي لانه الناس اكيد هتقول مادامي معها فانا مثلها وهذا ما لا اريده

لكن التحية

آميين يارب يا ريم.
وشكري للجميع على مروركم