والله يا بنات ابغى ابكي من القهر لي سنتين وانا اهتم بشعري والحمد لله طول لكن طفشت ابغى اغير من شكلي رحت وقصيته كاريه مدرج وطلع حلو مره وتغير شكلي وبعد شهر
طمعت في الجمال وقلت خليني اصبغه واميش رحت الكوافيره وطبعا ما قلتلها اني حاطه حنه سودا
وسوتلي صبغه بني غامق الين الحين حلو وجاء دور الميش طبعا اول مره اسوي ميش سوت الميش واحتر شعري مره لدرجة ان الكوفيره خافت مره غسلت شعري وبانت الخصل لكن اشوي بدات تتساقط الخصل ولا بقيت ولا خصله والله اني خفت على شعري لانه انحرق اشوي وصارخشن ورجعت البيت وانا زعلانه على شعري:icon33: وعلى الفلوس اللي دفعتها:icon33: وعلى السنين اللي راحت وانا اهتم بشعري :icon33: والله قهر
هاذي معاناتي مين قد صار معاها كذا وايش اسوي عشان يرجع شعري زي اول اعطوني اسم كريمات او بلسم يفيد انا في انتظاركم يا كوفيرات
شاركي في النقاش
سجلي الدخول لإضافة تعليق.
التعليقات
9- وحده من صديقاتي صار لها نفس الموقف
شوفي حبيبتي اولا احمدي الله على ما أصابك وقولي الله لا يبردها بأحر منها ..
ثانيا: صديقتي اصبح شعرها مثل الليف ما ينكد وعلاجته ببنويل معالج الشعر المكثف معروف وتلقينه بأي صيدليه ..
ثالثا: ابدي بالعنايه به من جديد عشان يطول وتقصي الخربان ..
فيه زيوت كثيرة تساعد على نمو الشعر دابراملا وزيت النخاع التونسي وزيت عافيه مع حلبه او زيت عافيه مع جرجير ...
واذا تبين خلطتي الخاصه راسليني على الخاص ....
ولا تنسي يا عيوني ان سهام الليل لاتخطي واننا بحاجه لله في كل شي لاتقول لا شي تافه لا والله ان الله جميل يحب الجمال والشعر زينه وفاقدته حزينه
كثرت الهذره بس والله تفاعلت معك
سلااااااااام طمنيني - ياالله ،،وعلى وجه العيد الله يعينك على مصيبتك قولي امين ،،بس تبين الصراحه مدري كيف تحملتي منظر شعرك وهو قاعد يطيح :icon33:،،والله لو اني منك اطلع الفلوس من عيونها واخليها تعالج لي شعري بالمجان على حسابها،:mad:،قهر معقوله :mad:،،انا مره رحت للمشغل صبغت شعري وخربته لي ،،وسويت لها سالفه :icon28:،،وبسبتي أتركوها البنات وطاح سوق مشغلها ،،لا ومسميته مشغل العنايه بالمرأة :27:،،والعكس صحيح،،بس حمدي ربك ان الشعر يطول ،،،والله يرزقك بشوشه طويله و كثيفة ،،امين
- حبيبتي استخدمي الخلطه اللي في توقيعي وبأذن الله خلال 5 شهور راح يرجع شعرك احلى من اول
- للرفع
- حبيبتي fa_am ماراح اقول ياحرام والله يعينك ولكن اقولك خلاص اللي صار صار وحاولي تحافظي على الباقي بزيوت مكثفة ومرطبات عشان تفك الخشونة ويقل التساقط وقولي الحمدالله ان اللي طاح يتعوض ولو بعد حين اجل لو طاح منك اصبع وش تسوين؟؟ ما يتعوض
انا مريت بمرحلة مثلك العيد اللي راح ثلاث ارباع شعري راح مع كوافير ما تعرف تقص وحاولت اقنع نفسي واقتنعت ان الشعر مهما صار يتعوض وقبل كذا وانا عروس فردت شعري عند كوافير قبل زواجي ب5 ايام تدرين وش صار ؟ صار روعة وبعدها بيومين تفتحت بصيلات الشعر في كل راسي ونزل الشعر من الجذور ورحت للمستشفى قبل زواجي بيوم واحد انجنت الدكتورة وقالت وش اللي صاير المسامات متفتحة والجذور تنزل يبيلك شهر بس عشان تبني البصيلات وشهر ثاني يطلع الشعر والله اني اتوضىوامسح على شعري ويطلع في يدي بس من المسح وتزوجت وانا صلعاء بمعنى الكلمة وع العلاج الحمدلله رجع شفتي قصتي عذاب عروس
انتي ان شالله يتحسن قريب بس حاولي ترفعينه وماتجهدينة بالآستشوار ووحدة من صديقاتي صارلها كذا قبل شهر بس مع الصبار والخروع الحمدلله ترطب الشعر ووقف التساقط
مواضيع مشابهة
تابعي تجارب أخرى من هذا القسم.