ورينا ألعاب طفلك الزينه والشينه ( :

هالعمر ممكن تاخذين له الكمبيوتر التعليمي ... أحسه حلو ومفيد خاصه انه ولدج بمرحله تعلم ...
بعدين اذا ولدج وحيد بلا تخلينه يلعب بروحه شاركيه باللعب علشان يحس بمتعه اللعب ..

اطبعي له رسومات من مواقع التلوين وخليه يلون واجلسي لوني وياه ... علشان يتحمس وما يمل ..

ممكن تخلينه يقعد وياج على الكمبيوتر وتفتحين له مواقع ألعاب وتلعبين انتي وهو ومنها يتعلم على استخدام الكمبيوتر ...ترى اللي ما يعرف للكمبيوتر من صغره هالايام بيضــــيع ...

خذي له لعبه ناينتيندو أو بلاي ستيشن أو اي لعبه مسليه ويقضي على وقت الفراغ فيها ..

وممكن تشركينه بنادي رياضي او مركز تحفيظ القرآن ..


ولي عوده مع صور لألعاب تناسب عمره ان شاء الله ...

بثينة موضوع رائع جدا جدا ..ومشكورة حبيبتي على الألعاب الحلوة ..
وأنا بصور ألعاب بناتي وأنزلها إن شاء الله قريب




هذي بعض الألعاب اللي عندهم والباقي قريب أنزلهم إن شاء الله

تسلمين حبيبتي على ردج الـذووووق ...
ما تدرين اشكثر أفرح يوم أدخل وأشوف ردودكم الحلوه وصور ألعاب عيالكم الاحلى ..
ما شاء الله ألعاب عيالج كلهم حلوين ..
خاصه سرطان البحر شكله كييوووووت ...:)

يتهنوا فيهم الحلوات يا رب ولا تنسين الباااجي ...


وان شا ءالله اليوم بنزل لكم باجي ألعاب ولدي بعد .. حمستوووني أكمل ...:27:

بثينة ..

جربت معه التلوين .. يحبه بين فترة وفترة ..
بس اللحين هو منشغل بالكمبيوتر وعلى طول يبغا يلعب على العابه مع ابوه ؟.. وانا اخاف على عيونه ؟.

واذا عندك صورة للكمبيوتر التعليمي ياريت توريني اياها عشان اشتري له مثلها لانه يموت بشئ اسمه كمبيوتر ذابحني عليه ..

واما نادي فصعبة على سنه اللحين اوديه ان شاء الله ما يكمل الاربع سنوات ..

ولعبة البلاي ستيشن هل لها العاب تناسب سنه ؟؟

وبإنتظارك .. وعلى فكرة صور العاب ولدك تهببببببببببل ما شاء الله .. يتهنى فيهم ان شاء الله

ها قد عدت ومعي مجموعه ألعاب مختلفه ... ولأعمار مختلفه بعد ...


بسم الله ...


هاللعبه كانت مع ولدي من يوم كان نونو .... حلوه وتناسب عمر ثلاث شهور وفووووق ...
رجل وحده ملمسها نفس الورق والرجل الثانيه صوت مختلف و الايد فيها خراخيش و الذيل ما صورته نسيت ... يوم تشدينه تهتز اللعبه .. بس هاللعبه صج حلوووووه للأعمار الصغيره تحت السنه وللحين ولدي يستانس عليها مع انه عمره سنه وتسع شهور ربي يحفظه ...
جاته هديه من خالته وخذتها له من بيبي شوب ... ماركه لامازي .. معروفه جدااا في الالعاب الراقيه ..




هالمجموعه خاصه في البحر .. يوم نروح نشيلها ويانا .. بس ترى نص الالعاب مب موجوده الله العالم وين اختفت .. اكيد ورى المكتبه او تحت الكراسي ..!! وللعلم الرمل مفيد جدااااااا في تنميه قدرات وذكاء الطفل .. هاي الشغلات تحصلونها في أغلب المحلات ... وسعرها معقول جداا أعتقد 20 مب أكثر ...





هاي سياره أو مدفعيه ... حلوووه .. ومسليه للكبار والصغار ..
يوم تشتغل تمشي والابواب الجانبيه تفتح وتسكر وفي فتحه من فوق تفتح ويطلع سنوبي براسه فوق ويرجع ينزل وتسكر الفتحه عليه ... و تصدر موسيقى حلوه واضاءه بعد ..
غير جذه هي مسليه بأنها ممكن تستخدم يدويا ... فيها عصا من الخلف ينشد وتنقذف الدراهم الصغيره الخاصه في اللعبه من الامام وترجعين تحطينها في اللعبه من فوق ...
خذتها من القريه العالميه ... وبسعر رخيـــــــــــــص 10 درهم ومعها لعبه ثانيه هديه بعد ....



هاللعبه معرووووووفه في كل مكان تحصلونها .. أشكال وألوان ...
حلوه للاطفال من عمر خمس شهور تقريبا وفوووووووق ... يتعلم الطفل كيف يرتبهم حسب حجمهم ... خذتها من محل عادي بـ 8 دراهم .. حذاااااااري لا تاخذونها من بيبي شوب لانهم يبالغون بسعرها عندهم سعرها أعتقد 34 .. والمحلات العاديه ما يتعدى الــ 10 ..!



هاي الدوده الحلوه يتعلم منها الطفل تركيب الاشكال بمكانها الصحيح ..
و ولدي يسحبها جنها عنز ..هههههه بصراحه ندمت اني اشتريتها له لانه ما يحبها بس يسحبها وراه ..ههههه بس مب خساره سعرها عادي أعتقد 12 مب أكثر ..


هاي مربعات يتعلم الطفل يصنع منها مكعبات وأشكال حلوه ...
ولدي تعجبه لانها فلين ويقعد ينطط فوقها ...ههه خذتها من القريه العالميه بعد .. سعرها 30
بس استغليتها صنعت منها مكعبات وخليتها صناديق لألعاب ولدي وصناديق لجواتيه ... والباجي خليته يلعب فيهم ...



وأحين هاي الالعاب التعليميه بحت ... خذتهم من معرض الكتاب الدولي في الشارقه ...
وأحلى شي فيهم انهم من الخشب ... يعني تطمنين انه الطفل ما بيقطعها بأسنانه مثل الفلين والبلاستيك ...


لعبه تعليم الالوان ... وطريقه اللعب واضحه في الصوره ...
كل لون يحطه في الفراغ اللي يناسب اللون اللي جنبه ... الحمدالله ولدي عجبته وتعلم منها ...
للعلم عمره سنه وتسع شهور فلا تستهينون بقدرات الطفل ... لأنه أبوه كان مستهين فيه ومب مقتنع انه ياخذ له هالشغلات .... بس انصدم يوم شافه يحط اللون بمكانه الصحيح ... سعرها 20



هاي لعبه كيوووت ومشابهه للي قبلها .. لتعليم الاشكال وكل شكل له فتحه مناسبه له ..
بعدني بصراحه ما فتحتها بس أتوقع انه ولدي بيحبها بعد ... سعرها 15

يتـــــــــــبع.............