ضحكتيني حلوتهم
اجل لك سوابق مع زيت الهنود:)
ولله يابنات لو تجلسون سنين محتفظين بفوطه او غطى راس مستخدمته مع زيت النارجين وغاسلته بانواع المنظفات الا ما يطلع لك ويمكن يصير زوجك ماخذ عنك فكره وتلصق ريحتك في مخيلته طول عمره حتى لو ما قالك احذروووووووو
فيه زيت الخروع تراه ما فيه احسن منه ولله يابنات انه يقوي الشعر ويطول وخليه فوق ما تتصورونه وما له اثار جانبيه لا ريحه ولا شئ
واذا تبون زيت النارجين خذو الزيت الطازج الي ريجته تلقونها زي الباونتي حلوه وهو مفيد للشعر وريحته حلوه يعني ما بعد خيسوه بالقوطي الاخضر:)
بس ما ادري وين بالضبط يباع فيه انا مره اشتريته من وحده مصريه تشتغل في جمعية الوفاء الخيريه بالرياض من 4 سنين العلبه الصغيره تبيعها بــ 20 ريال
بس جربتها وطولت شعري بسرعه وكانت ريحته لما يشمها احد يحسبني اكل باونتي من وراه
يمكن تلاقونها عند الحريم الي يبيعون خلطات او عند بعض الكوفيرات اسئلو عنها
غثيتكم صح !!!
خلطه تطول الشعر بشهر ونص بدرجه كبيره
متابعة النقاش، صفحة 40