شوفوا وسوت عمتي وزوجي فيني والله شي يقهر

السلام عليكم ورحمة الله وبركاته

الى الغاليات في عالم حواء اكتب لكم هذا الموضوع وانا في اشد القهر مما اصابني من عمتي وزوجي واتمنى منكم المعذره على اسلوبي واتنمى الاتبخلوا علي بردودكم التي ستكون مشفيه لما في قلبي

وهذي قصتي:
انا من سكان المنطقه الشرقيه وأهلي زوجي في المنطقه الغربيه واهلي في مدينة الرياض
ذهبت الى بيت اهلي في الرياض انا وبنتي وولدي وشغلتي لان زوجي كان لديه دوره خارج المملكه وذهبت الى منزل اهلي وكان اهلي مسافرين لا يوجد في المنزل الا انا واطفالي وخادمتي واخي وكان زوجي معنا عشان بنزلنا وبيروح دورته اثري زوجي كان ناوي علي نيه شينه هو وامه وانا في البيت وقت صلاة المغرب كان جوال زوجي يرن كل شوي والي كان يدق عليه اخوه بس ماكنت ادري وش السالفه صليت المغرب وقمت بتحضير القهوه لزوجي لانه توه جايب اغراض للبيت ذهبت الى دورة المياه وانتم بكرامه ولما خرجت من دورة المياه ذهبت انادي الشغاله مالقيتها ادور عليها مالقيته استغربت وين راحت وشغالتي يعني جدا كويسه مو معقول تنحاش قلبت البيت مالقيتها استغربت رحت اناظر بشوف اغرضها انصدمت مالقيت شنطتها ورحت اركض عند زوجي وصيح الشغاله انحاشت وجاء زوجي يقول روحي جيبي الجواز حقها لايكون ماخذتها وروح افتح الشنطه والقاء الجواز حقها وعطيه زوجي عشان يبلغ عنها واثريه يضحك علي عشان يبي الجواز وطلع من البيت وكل شوي ادق عليه واساله ها وش سويت قال بلغت عنها وقاعد يسب فيها هذي ثقتك فيها ومن هاسوالف اثريها كله كذب في كذب ودق على الجيران اسالهم شفتوها المهم يابنات كانت رحلت زوجي ذاك اليوم اهم يوم طلع يدور على الشغاله على قولته كلمني حبيبتي ماعاد يمديني ارجع اودعكم انا رحلتي قربت وصدقته يوم جاء بعد يومين تدق بنت خالته وتقول وراء شغالتك عند خالتي الي هي ام زوجي والله يبنات انصدمت صدمه مابعده سالتها انت متاكده قالت ايه متاكده شغالتك حتى يوم سالتها دمعت عينها المهم هذي بنت خالته صديقتي مرررررره المهم قلت اسالي الشغاله وشلون جت ومن الي جابه المهم يجي بعد يومين وهي تعطيني السالفه علمتها الشغاله وتقول محزنه مره اثري يوم دخلت دورة المياه وانتم بكرامه ضحك زوجي عليها وقلها روحي جيبي اغراض وركبها في سيارة اخوه وراح زوجي جاب عباتها وشنطتها ودها اخوه المطار ويوم طلع زوجي يوم قلي وين الجواز حقها اثري يبي يقابل اخوه ويعطيه والله يبنات اني بكيت بكاء من القهر ليش يسوي فيني كذى ويضحك علي ليش مااعطاني خبر ليش اخر وجده ادري انا شغالتي ودها جده يوم دق عليه اخوي وساله وش ذا الحركه السخيفه قال امي شغلتها سافرت وطلبتني ومابغيت ازعلهاواخاف اذا قلتلها ترفض المشكله الشغاله شغالتي وانا ادفع نص وزوجي نص وعمتي من يوم جبت شغالتي وعمتي منهبله عليها تقول شاطره وكم سوت مشاكل عشان تاخذها بنات تكفون وش اسوي مع زوجي عقب هذي الحركه الي سواها تكفون ردوا علي والمشكله خواته يقهروني ويقلون اخذنها غصب عنك