شاركي في النقاش

سجلي الدخول لإضافة تعليق.

التعليقات

63
  1. @am_laly

    يا اخوات
    بالنسبة للي تسأل عن الأطباء المتحدون بصراحة المستشفى رائعة والراحة فيها آخر تمام انا جربت فقيه وكانت معاملة الممرضات مرة زفت فيهم قساوة قلب مو طبيعية اما في المتحدون مررررة حنونين بالذات في غرفة الولادة
    بالنسبة للطبيبات انا جربت باسمة دلعو بصراحة رايقة وهادئة ومرة ممتازة انا ارتحت معاها كثير وان شاء الله بتابع معاها هذه المرة كمان

    اما امال شبكشي ما انصح بيها ابدا ابدا عندي بنت خال زوجي ولدت عندها وخلعت كتف البنت البيبي وصار شي في رجلها اثناء الولادة لما سحبتها الدكتورة مما ادى انها تتعالج طبيعي البنت فترة اماالحالة الثانية بنت خالتي اتبهدلت في الولادة لانه صعب عليها الولادة طبيعي والجنين كبير والدكتورة مصرة انها تولد طبيعي وما تسويلها قيصري وكانت حتروح فيها بس ربنا ستر مع العلم انها اتخدرت بابرة ظهر.
    اما زوجي طبيب ويعرفها كويس جدا جدا اقصد آمال ولما قلتلو اروح اتابع عندها قلي اذا بغيت اتخلص منك اخليكي تتابعي عندها.
    فاللي تقرر تروح عندها انصحها تغير رأيها وتروح عند اي احد تاني

    بالنسبة لحسان عبد الجبار كثير يمدحوا فيه وما سمعت احد اعترض عليه بس انا استحي اتكشف على رجال عشان كدا افضل اروح لنساء

    اما عزة اللي في المتحدون فحدث ولا حرج جربتها سلفتي وكانت اول ولادة لها كانت كارثة من الكوارث خلتها تتعذب طول النهار والبنت تتألم ومو راضى يفتح الرحم مع انه الموية نزلت عليها وكانت متغيره لونها (على اخضر بعيد عنكم)وخلتها في غرفة الولادة تنتظر ينفتح الرحم ولا زاد عن واحد سم الين قريب العصر وهذا الكلام من الصباح
    المهم كانت مرة موترة والدكتورة ما حاولت تطمنها بالعكس وترتها زيادة المهم في الأخير جا دكتور سوداني ما ادري ايش اسمه وشافها قال هذه ما يمديها تولد طبيعي الحوض عندها ضيق وشالوها على غرفة العمليات يعني بس خلتها تتعذب على الفاضي..
    الله لا يورينا بلاوي الدكاترة والدكتورات ويرزقنا اللي يخافوا الله فينا يارب آمين

    انا عارفة طولت عليهم بس حبيت اقلكم كل اللي اعرفه

    اختكم ام لالي
  2. @hal_1

    في دكتور سوداني في فقيه إسمه مصطفى كامل....مرررررررررره ممتاز والكثير عنده لدرجة إن عنده دائما زحمه..

    مادري لازال موجود وإلا راح؟؟؟؟
  3. @am_alsyof

    الي سالتني عن الدكتور حسلن بالعكس هو ممتاز وحنون جدآ وما يفضل القيصري ويحاول انه الوحده تولد طبيعي وانا ماكنت افضل اروح لرجال بس اكتشفت انهم مايكشفوا زي الحريم (فاهمين قصدي)الحريم ماعندهم صنعه من الشهر السابع الا_ انا عوزه اطمن على الوضع_وفي الحمل الثاني رحت لدكتور وماكشف علي الا في الشهر التاسع مره واحده حتى لمن كنت اسئل د.حسان عن الولاده طبيعي ولا قيصري يقولي مو دحين في الشهر الثامن اعرف حتى لمن يكشف مايطالع وعينه بس على الجهاز وعليه زحمه لدرجة انك لازم تسوي الموعد قبل شهر وانا تعبي كان بسبب عزه والدكتور حسان ماكنت اراجع عنده بس كلمناه وقت الولاده وعلى فكره كان خارج من الدوام ولمن كلمناه على طول دخل وعلى فكره انا كنت كل مااراجع عند عزه يقولولي هي في العمليات
    وباسمه ممتازه في الاطباء
    فيه حسن جمال في فقيه ممتاز وابو الحسن ومصطفى كامل وعمر محجوب ____ممتازين
    الاخت الي جربت ابرة الظهر ياليت تفيدنا هل هي احسن من البنج واي معلومات عنها
    طبعآللقيصري
  4. @am_alsyof

    على فكره نفخته الزايده من الزحمه وهو كل وحده تكون حامل يقولها لازم تسميه عبد الجباروعلى فكره دمه خفيف ويحاول يصبر الوحده وقت الولاده
  5. السلام عليكم........... كيف الحال؟
    بنات ياريت تساعدوووني لاني تبهذلت من المستشفيات والمراجعات ....اعطوني اسم دكتوراودكتورة لعلاج العقم. بجده .؟امانه لاتبخلون بمعرفتكم ان شاء الله يفرج الله كرب من تجيب.........وحتى ماجابت يكفي دعائها لي ..

    owiasias
    هل الدكتوره نوال السناني ممتازه في عمليا ت اطفال الانابيب ؟ سامحيني على ازعاجك وطلب الاجابه لكن والله محتاره؟لاتنسوني من دعائكم

تابعي تجارب أخرى من هذا القسم.