عندي فكره لمشروع ما يحتاج راس مال ... بس مردود خيال.

مرحبا يا بنات المنتدى


بصراحه عندي مشروع افكر اني ابدء فيه من خلال منزلي

متعلق بموهبتي ودراستي

وخصوصا اني مسلمه واخاف رب العالمين مو زي العماله الاجنبيه فقلت بنات البلد اولى من الغير

وانا من البنات

تعرفون المناسبا والافراح والخطوبه

قبل الزفه صارت العالم تحط عرض لداتا شووو

لمراحل حياه العريس والعروس

وهي عباره عن صور وينشغل عليها برامج الكمبيوتر وبحكم خبرتي ومجالي بالحاسب وذوقي الفني في الاخراج


حبيت اني ابدء هالمشورع وخصوصا ان فيها خصوصيه واحنا ما نعرف هالاجنبيات وامانتهم

فقل مافي احرص على بنت البلد غير اختها

وحبيت ابدء فيه

بس ما ادري كيف تتوقعون الاقبال

وكيف ممكن احط الاسعار

والا الزباين موجودين وكثير والحمدلله


وش قلتوووو ابي رايكم ....

32 تعليق 4,544 مشاهدة

شاركي في النقاش

سجلي الدخول لإضافة تعليق.

التعليقات

32
  1. سوي لك بروشور وادبي بتوزيعة ممكن توزعينه لمحلات تنسيق الافراح واللي يجي عن طريقهم تكون لهم نسبة

    وحطي الاسعار من الحين

    وبالامكان تسوين لك موقع تعرضين فيه طريقتك في العرض بعدة اشكال كأمثلة

    استعيني بأي صور صور اطفال اشكال اي شيء مناسب

    والله يوفقك
  2. @rmayh

    شوي اختي احسه مشروع صعب وانا مابغي احبطك لان هالامور يبغيلها ثقه وشلون الناس تبغينها تثق فيك وهم مايعرفونك

    المحل غير على الاقل كل شي مسجل في الدوله وهالامور معروفه

    لو تسوين لك محل احسن
  3. صراحة إبدئي وتوكلي على الله والنتيجة بأذن الله مضمونة مادام تخافين من الله توكلي والأجر على الله ياشيخة
    والله يوفقك ويسهل عليك
    لأني من الناس الي يحبون الطموح والأمل


    :27: احمدوا الله في السر والعلن و السراء والضراء:27:
  4. اذا لحالك بتتعبين.. لكن انتي وزعي بروشورات عنك في شركات الافراح المعروفه.. ويصيرون يحطون الداتا شو ضمن الخدمات عندهم.. بحيث الزبونه تقرا الاسم وتسال عنه..

    بس لا تكونين تبع شركه وحده لانهم بيستغلونك .. انتي خليك مستقله بس وزعي البروشور على كذا شركه.. لان الشغل عن طريقهم بيكون اسهل.. والناس اذا عندها مناسبه تبي تروح لمكان واحد يجهز كل شي .. بس ماراح يجونك انتي لحالك عشان شغله وحده بس.. والله يوفقك:26:
  5. صاحبة الموضوع
    سنفوووره الحلوه والله فكرتك جت على بالي وهي اساسي ومشكووووره على ردك


    رمايه اوريك شغلك هالحين من خلال متابعتي لمواضيعك تنعتين العرب بالكسالا واذا تكلمنا قمت تهبطين عزايم بس على فكره عزيمتي حديد هههههههههههههه لكن اوريك بالعكس الثقه موجوده وما تتصوري كيف عندنا سيدات وناس بيدعمون المراه السعوديه بشكل رائع واتمنى لهم التوفيق يمكن عندكم بقطر شوي الامور معقده

    برنسس الف الف شكر وهذي بادره حلوه للثقه والحمدلله على كل حال من الاحوال سرا وعلانيه


    some_wa7da الف شكر على النصيحه والفكره مره حلوه لكن ابي توضيح اكثر كيف ممكن اتفق معهم وكيف ممكن احط اسعاري بحيث ما ابخص حقي ولا حق الافراح




    واللي عنده خلفيه اكثر بلغوني ولا تبخلووون

تابعي تجارب أخرى من هذا القسم.