موقف اثر فيك من طفلك000{ابكاك}

مواقفكم من جد تبكي:icon33: خاصه ني ني تقطع قلبي عليكم:44:


اناالموقف الي بكاني وبغى يوقف قلبي لبنتي ام سنتين ونص.... قبل اسبوع كنا في السوق وركضت ورا الهندي الي يبيع البالونات حسبي الله على ابليسهم ابلشونا في كل سوق..المهم هي مصختها ورا الهندي وحنا مستعجلين قام ابوها مسكها من يدها ومشى فيها بسرعه اثاريها بكت بنفس واحد ولا اخذت نفس وهي اصلا مزكمه وصدرها تعبان شوي ولا وجهها يزرق وعيونها تقلب وتطيح بين يدين ابوها انا بغيت انجن اول مره يصير لها كذا واصيح في ابوها واصفق وجهها شوي وفتحت عيونها مستغربه !!
ياربي بغيت انجن مادري كيف تمالكت نفسي ولا صرخت وسويت حوسه...ماطولت ولا ثواني بس انهبلنا مره وعلىطول عند اقرب هندي جبنا لها بلونه وحلاوه وكل شي :icon33: والله قعدت متنحه طول الوقت واحمد ربي انها مرت على خير :09:

وشي ثاني قطع قلبي اليوم بس مو لبنتي..شفت صورة في توقيع وحده من البنات في المنتدى.. صورة بنتها متنومه في مستشفى وكلها اجهزة وشاش وشكلها صغيره البنت :( صراحه بغيت انجن الله يشفيها لها يارب

NeeNee
موقفك اثر فيني وبكاني :(

اما بالنسبه لي :

ولدي عمره 3سنوات ونص الحين
يوم كان عمره سنه ونص مره كنت طالعه من الحمام وانتو بكرامه طلعت وسكرت الباب
جان اسمع وااااااااااااااااااااااااااااااااااااااااء
ولا ولدي ياعمري سكرت الباب على ايده من صوب الثاني للباب من وراي
ياقلبي قطع قلبي قعدت ابكي عليه سنه بساعه
ولي الحين كل ماتذكرت اتضااااااااااايق
وعلى فكره اتذكر صوت عظمه جك جك جك :(



وولدي الثاني عمره 11 شهر تقريبا
مره قبل العيد بيوم نومته .. عقب مارضعته وضمنت راحته انه ماراح يقعد الا بعد ساعتين ع الاقل
رحت حنيت ايدي الثنتين وفجأه قعد من النوم يصررررررررررررخ يصرخ :(
انا هني انهبلت ... قعد يبكي ويصرخ وانا ماقدرت اتصرف والشغاله رايحه مع ولدي الكبير الحديقه تحت وااااااااااااااااو
هو يبكي وانا ابكي واصرخ اقوله انطر بس اغسل ايدي
لاتشوفون لون الحنه عقبها
ووووووووع

اصعب موقف ماانساه00كنت اذا عصبت من عيالي اقول "تعبتووووني"ايامها كنت حامل وكنت عند اهلي وفي الليل الساعه 2خلاص بنام قالت لي بنتي 7سنوات:ماما انت تحبين اننا نموت انا واخواني 00انصدمت :ليه ياماما قالت :عشان مانتعبك مره ثانيه00تماسكت وشرحت لها اني احبهم مهما تعبوني واقدر استغنى عنهم00ومع اذان الفجر وعيالي الثلاثه طايحين سخونه واستفراغ 00عندها تذكرت كلام بنتي وصار شريط مايتوقف00انهرت دقيت على زوجي حاول يهديني ويقول :اطفال ويتعرضون لهذي الامراض كثير 00وهو مايعرف السر 00قلت ذلحين تجي 00وبعد ساعه ونص (مشوار الطريق)وهو عندنا 00كان الضغط عندي منخفض مااقدر اتحرك ومانمت 00وديناهم المستشفى وتعافوا والحمد لله وتووووووووبه ماعاد اقولها ياعيالي0(اكتب لكم وانا ابكي رغم مرور 4سنوات )0

انا بنتي مرره متعلقه بابوها , مع العلم انه انا وابوها منفصلين عن بعض من سنه و4 شهور
اكثر شي يقطع قلبي لما تجلس تنادي ابوها وهي نايمه تجلس تضحك وتقول يلله بابا تعال ولما تكلمه هاذا شي ثاني هو يكلمها كل يوم تجلس تقول متى تجي ومتى يخلص شغلك وانت يابابا احسن واحد بالعالم بالمررره تكسر الخاطر ,غير كذه مره كنت عند اهل امي كنا مسافرين لهم في الصيفيه الي راحت عاد صار موقف منها انا صراحه ماشفته بس قالتلي عليه بنت خالي هي كمان كانت عند اهلها بس هي الحمد لله جت بس زياره لاهلها الي هما خوالي المهم بنت خال عنده ولد عمره سنه ونص تقول بنت خالي انها قالت لها ولدك عنده كوره قالت ايوه حبيبي عنده قالت هو يفرح لما يصير عنده كوره قالت بنت خالي ايوه يفرح قالت بنتي بس اكيد مايفرح اكثر من لما يكون عنده ابو.
الكلام هذا قبل ماتدخل التمهيدي الصيفيه الي راحت والله لها مواقف كثيره تحزن بس اكتفي بهذا الله يسامحك ياصاحبة الموضوع قلبتي المواجع.