مشكلة ولدي مع المرضاعه والحمام بسبب اخته الصغيره

السلام عليكم

عندي ولدي عمره سنتين ونص ... مب قادره اعلمه يترك المرضاعه .. لانه يشوف اخته الصغيره عمرها سنه وشهرين ترضع .. وهو يقلدها بكل شي .. والمشكله ماصار يشرب الحليب في المرضاعه .. لا وطالع لنا بشي جديد .. لازم يشرب العصاير بالمرضاعه اذا اخته اشربت حليب او عصير .. والمشكله هي صغيره مااقدر اخليها تترك المرضاعه .. وهو حاولت وياه جبت له انواع واشكال من الاكواب عليها حركات ورسومات .. يشرب منهم .. بس يرجع يطلب المرضاعه في اخر اليوم ..
والشغله الثانيه ..
ابي اعلمه على الحمام .. مب عارفه شلون .. وهو ماشاءالله ذكي ويفهم .... اقوله نروح الحمام مايبي يروح يبي يلبس الحفاظه .. اذا وصخ نفسه في الحفاظه مايقولي انه وصخ نفسه واذا سألته ينكر .. مع انه والله فاهم وعارف بس مادري ليش يعاند .. وانا اغسله اراويه حفاظته الوصخه واسأله شوف شنو هذا يقولي هذا شنو واقوله شفت انت وصخت لازم تقولي اذا وصخت عشان اغسلك وتصير نظيف .. ويقتنع .. بس المره الثانيه يرجع ينكر ... جنني .. مع انه يوم اصغر ماكان جذي .. كان اول مايوصخ يركض يقولي ماما وصخت تعالي غسليني ..

عنيد عنيد بشكل مو طبيعي .. واحس انه طول الوقت عينه على اخته اي شي في يدها ياخذه اي شي تسويه يسوي مثلها ..
وهي فديتها صغيره لاتكش ولاتنش الا مظلومه مع اخوها اللي ماخذ كل وقتنا على مشاغبته

ساعدوني الله يخلي لكم عيالكم ان شاءالله

6 تعليق 817 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aorak_alzmn_1

    الله يعينك ويصلح عيالك


    بالنسبه للرضاعه يه طرق كثيره

    من ضمنها انك تجيبين من العطار (صبره) طعمها مرررررررررررررررر قوووووه

    وتذوبين شوي منها بماء وبعدين تحطينه على حلمة الرضاعه راح يكرها

    لان طعمها مر حتى لو غسلتيها تبقى مره




    والطريقه الثانيه امي كانت تسويها لخوي تقول اجيب شعر والزقه على الحلمه

    ويكرها على طوووووووول



    او حطي بالحليب شوي ملح قولي له انها خربت



    اما الحمام الحين شتاء اصبري الى ان يجي الصيف ويصير كبر شوي

    وحتى اذا تبللت ملابسه مايصخن ولا يتعب
  2. @alhb_srtan

    نفس مشكلتى بالضببط بس انا البكريه البنت والصغير الولدد خخخخ

    انا عن نفسى تعبت وخليتهاا لله وللزمن يحلهاااااا :)

    وتدرين الى عندى اقصد بنتى الكلام تتكلم مثل اخووهاا اونها صغيره خخخخخخ وتسوى نفس حركاته و وتفول انا نونووو انا مب كبيره خخخخخ


    الله يعينااااااااااااااا
  3. @mod_2

    عادي لاتكبرين السالفه خليه يرضع بالرضاعه وبعدين اذا كبرت بنتك افطميهم مع بعض وريحي راسك انا سويت كذا وارتحت والحمدلله نسوا شيء اسمه رضاعه
    الحمام اصبري الى وقت الحر علشان مايمرض بسم الله عليه
  4. @lhth_ofa

    صاحبة الموضوع
    اوراق الزمن
    حلوه طريقتج اعجبتني وان شاءالله بطبقها وخاصة ولدي يكره الشعر اذا شاف كم شعره لازقة على حلمة المرضاعه بتلوع جبده .. يارب تنفع الطريقه
    والحمام ان شاءالله بصبر شوي كلها كم شهر ويروح الشتا

    الحب سرطان
    تصدقين ولدي بعد يقلد اخته الصغيره في الحركات وهي فديتها تناديه دادا ماتعرف تقول اسمه .. صار هو بعد يناديها دادا مع انه عارف اسمها وينطقه عدل هههههه يقولي انا بيبي

    موضه
    تدرين انا قلت شكلها الصغيره بتفطم قبله ...
    بس على الصيف الجاي بيكون له 3 سنوات .. واحسه كبير شلون اخليه لابس الحفاظه لين هالوقت ؟؟؟ هل هو طبيعي ؟؟

تابعي تجارب أخرى من هذا القسم.