تجمــــــــــع لمواليــــد يناير فبراير مـــــارس ..

ديمووو قوليلها تبين له انها مو راضيه بس باسلوب مو بخناق وزعل ..

*Nameless*
والله مدري عنهم حتى انا استنى تخفيضهم وشكله بيجي ويروح مادرينا عنه :(
انتي اول بيبي هذا ؟

تدرين وش شريت ؟؟ بتضحكين علي :22:

بطانيه للبيبي ... بربتوزات داخليه يمكن عشر قطع .... بربتوزات عاديه ... وحده لونها ابيض ووحده
احمر على مخمل بقبعتها مره حلوة اخذتها من مذر كير ... ووحده ثانيه ابيض ومطرزة بليموني
وتفاحي ... اخذت مصاصات ورضاعات ... وثلاث شراشف ثنتين بيضا ووحده بيج .... ممممم سداريات ومناشف للبيبي وه بس ....
ومفرش التقديم ... امي الله يعافيها بتجيبه لان ذوقها حلو ... واغراضي باخلصها مع امي وخالتي لان ماعندي ماعند جدتي :22:

وتعرفين الشهر الثامن كلللللللللللللللله اختباراتي وبروح لاهلي ونا بالتاسع ... ومدري اقدر امشي ولا لا :09:

Name less

الله يفرج همها والله هذا هو اللي مهون عليها الاجر ... :(

بنات وينه فيه محل بيبي شوب ذا ؟؟ تراي ما اعرف الا مذر كير وسيتي بلازا وشيكو ونيكست وش في بعد محلات اطفال ؟

الله يعييني بعيد الكتابه
كان عندي موعد يوم الاثنين 14 ذي الحجه وشافني الدكتور وقال لي ان بنتي قلبت راسها فوق مع انها كان راسها تحت من السابع بس سبحان الله قادر على كل شي المهم كتب لي تنويم ومن بكره تنومت وتحاليل وفحوصات وقالوا لي يوم الاربعاء اسوي اشعه صوتيه وبعدها يقررون الاطباء اذا احتاج عمليه او لا المهم الثلاثاء في الليل حسيت بطلوق بس كنت متوقعتها كاذبه مثل كل ليله ويوم صليت الفجر الازادت علي وحطوا لي الصباح التخطيط وقالوا ان طلقك قوى يالله غرفة الولاده تنتظرين الاشعه وودوني لغرفة الولاده وانا خايفه كان عندي خوف مو طبيعي وعطوني الاوكسجين وارتحت عليه كثير لانه يخليني اعيش عالم اخر المهم على الساعه 11 سوولي اشعه وقالت لي الدكتوره انتي مخيره بين ولاده طبيعي او عمليه بس الولاده الطبيعي لها مخاطر لان الراس فوق وبعدين المويه عندي كثيره وممكن تنفجر وينزل الحبل السري ويضطرون لعمليه قلت لها انتي وش تشوفين الانسب قالت لي عمليه قلت توكلي على الله وبعدها جاني طبيب التخدير وقال لي انهم بيسوون لي تخدير نصفي قلت لا ابي كامل قال لي لا انا ما انصحك لان البنج الكامل يسبب التهابات في الحلق وكحه وتعب واقنعني بالنصفي واقتنعت وتوكلت على الله والساعه ثلاث ونصف شالوني لغرفة العمليات وانا ضايق صدري وفيني هم مو طبيعي والمشكله اني شايفه ولاده قيصري في النت وكيف يشققون البطن المهم خدروني وبدوا يشتغلون وخلال عشر دقايق الا وهم مطلعين البنوته وما قدرت افتح عيوني سمعت صوتها بس وشالوها من دون مايخلوني اشوفها الدكتور وثلاث ممرضات وما قلت شي حتى ماسالت عن البنت كان شعوري غريب خوف وقلق ومرت عشر دقايق الا الممرضات يبشروني بنتك ليست منغوليه تدرون يابنات شعور مايوصف من الفرحه الغير طبيعيه وكانت الدكتوره تخيط في بطني بس من يم بشروني احس اني تعافيت وجلست احمد ربي ودموعي تنزل بقووووووه وانا فرحاااااااااانه
وسلامتكم هذي كل قصتي

الديم بيبي شوب تبع ستي بلازا .. وتلقينه بعد بتويز ار اص اظن ..
شوي خالتي عطتني فكره حلوه طايحين بها العالم ..
تقولي قدمي بنتك بمفرش لونه ابيض لاتتكلفين فيه مره
وحطيلها زي البروش عباره عن مشبك ذهب ومعلقه فيه حروف اسمها
او اشكال زي مصاصه ورضاعه كذا ..
جازتلي الفكره وبسويها ان شالله بس بخلي المفرش بيج او سكري ..