طالت وشمخت

صاحبة الموضوع 3 يناير 2008

* ام تركي *

ام يحيى طامح heartstrings ام حنين ام الحارث مسيييهم بالخيرررر ياهلا وسهلا مشكورين على المدح ليت من يطبع مدحكم ويوريه ابو تركي :7_5_131:

:humm:وش بيضر !!

تلبيه لرغبات العضوات سيتم اكمال <<اسكتي بس

المهم
انا عندي مشكله ثانيه
وش ورانا يعني خل نوسع صدور بعض بالمشاكل
ونحط حرتنا في رجالنا يانقتلهم يايقتلوناا:icon28:
والله غثونا من زينهم
اناقبل كم يوم
اسولف وانا وزوجي المصون القوي العصبي المتسيطر
وحنا نسولف
الا اول مره اعرف اسم عائله جدته !!
يعني توني اركز
عائله جدته زي اسم عائله ممثله معروفه
انا من باب المزح قلت اجل تقرب لجدتك الممثله الفلانيه (ليتني ماقلته)
الا ويععععععععصب وينجن وانا قعدت اقامز على الكنب من الخووف
وشو وش السالفه؟
وزعل وخلاني
ليه تخلين ممثله تقرب لي ! وكل شي له حدود !
افاا يابو تركي بيني وبينك حدود (هو صح فيه حدود السعوديه والكويت)
بس ولوو ماله دخل
قلت له افا وش حدوده :humm:
قال ايه حدود
قلت اماك تقول اني اغلا من هلك كلهم يالنصاب؟
قال ايه اغلى بس مارضى احد يغلط على اهلي
عاااد انا غلطت جعل لساني القص بالعكس فوق راسي هم (كلن فوق هالراس):ohmy:
انا هناااااااا ضاق صدري وقعدت امغط بشعري ليييييييين قطعت المقدمه الاماميه من شعري
انا ماتهمني فلوس ولا سفر ولاخرابيط
ابي لساان حلو ولا ابي يحط بينا حدود وسفن وطائرااات (الا على طاري الطائرات يقولون عاام 2008 مايبشر بالخير ؟ حللوني لو صار شي )
ماعلينا
المهم انا زعلت منه
ولاكلمته
وصرت اكشر في وجهه
وادلع لساني
عاد هو جاء يكلمني
وانا تربعت من الفرحه
قال انتي وش فيك انا ماكنت اقصد والله انا كل شي الا طاري اهلي
انااااا شبيت مره ثانيه قلت خلاص تكفى رح ارقد ررررررررررح ارقد
قال ليه وش سويت
قلت لاتجيب طاري اهلك اغاااااااااار منهم والله اني كرهت جدتك حقدت عليها
هو يعني يدري ان عقلي صغير
واغار عليه من مفتاح سيارته متعوود يعني
طبعا المشكله ما انتهت
وكلن كتم بقلبه وزعلنا يوم ونصصص
هو متمسك برايه وانا متمسكه
وقعدت افكر بحل !
ياحليلي حلولي خايسه مثل هالوجه:icon8:
رحت له وقلت الله بالخير ابو تركي .. وش اسمه عندي حل قال وينه والله اسويه
قلت العب علي قل لي سبي اهلي وانا والله ما اسبهم
قال وش الفايده
قلت قل بس انت
قال خلاص حلالك سبي اهلي
قلت شكررررررررن
ولاسبيت ولاشي
هااااااااااااااااااااااه وش يضررر !!!:icon30:
وسع صدري
وريح بالي وشبيت له شمووع وسويت له شاهي
شاهي +شموع = جربوهااا تهدي الاعصاب بس حر:icon19:
وقصيت له قصه مخيفه عن الجن (يخاف منهم من زينه هم يخافون منه)
وقلت له يابعد اهلي كلهم ضرك شي يوم انك ريحتني
قال لا والله ماضرني
قلت خلاص اجل انت عرفت لي سو اللي ابي دايم
ولا والله والله
اصيد برصي (بريعصي) واحطه في غترتك :lick1:

مايستفااااااااااد

الرجاااال بعد عقولهم صغاار (هلا ابو تركي ):icon35:
يعني لو جيتيه باسلووب والله يجي
بس بشرررررط
يكون يحبك !!
وترى دايم المشاكل تكون من اسباب تافهه
والمشاكل والله على انها تضيق الصدر الا انها ملح الحياه والله
وكل عام وانتم بخير (انتبهووو من ايراان)
وترى يمدحون صابونه الباباياا
وفيه شي اخير
والله اني احبكم في الله
وش هالبرد اللي طب علينا فجأه :blink:
وسلامتكم

قايله شعر

التعليقات

هاتي خلطتك اللي طولت شعرك وزان 👏🏻👏🏻🤍🤍🤍🤍

مهما طالت علاقتك بإخوانك وأخواتك

طال الهم لعلها غدا تفرج

متى طاحت الميانه بينك وبين زوجك ؟!! 👀🙈😆👄

مليون طالب وطالبة يؤدون الاختبارات التحريرية للفصل الثالث بالرياض