صابونة البابايا،الشندريكا، وفرجينيتي .. تعالوا نشتريهم بارخص الاسعار
بصراحة عندي موضوع وودي الكل يشارك فيه,,
وهو أسعار الاشياء اللي نكتب عنها بالمنتدى .. لأني لاحظت ان فيه ناس ما عندهم ظمير لما يشوفوا المنتجات تمشي او عليها طلب ، يرفعوا الأسعار بطريقة جنونية واللي يخليهم يتمادوا هو انه في بنات الله يهديهم يشتروا وماهم في الاسعار خصوصا لما يكون الشي صارلهم فترة يدوروا عليه ويلقوه في الاخير ويطيروا فيه ...
مثلا مثلا... اممممم
صابونة البابايا.. لقيتها في محل عطارة وهي الصابونة اللي لونها بني على برتقالي وفيها زي القطع المربعة جوه الصابونة.. لقيتها بـ20 ريال..
تخيلوااا صابونة بـ20 ريال.. :23: ليه ايش فيها انشالله وهي في بلادها يمكن تنباع 2 بريال علما بأنها صناعة فلبينية.. وعذرهم لما تسأليهم ليه غالية يقولوا انها اصلي ومحد يبيع الاصلي غيرهم..
نفس الشي مع صابونة فرجينيتي للاماكن الحساسة واللي كتبوا عنها البنات قبل فترة .. لقيتها في نفس المكان بـ20ريال برضه.. ولونها زي صابونة الطاووس وكيسها شفاف.. مو زي وصف البنات...
واشياء ثانية كثير.. نفس الشي..
المهم يابنات.. انا في جدة .. وودي الاقي الاشياء هذي رخيصة وفيه اشياء مالقيتها خير شر..
ايش رايكم نخلي المشاركة هذي عن الاسعار الحقيقية للمنتجات اللي نبغاها وفين ممكن نحصلها..
انا مثلا حابة اعرف فين ممكن الاقي هذي الاشياء في جدة...
-صابونة البابايا بسعر معقول
- صابونة فرجينيتي
- صابونة الشندريكا والقشدة .. او صابونة الكركم
-منتجاااااااااات جناين وسمعت انها في عطارة الحجاز بس قال لي ماعاد يجيوبها اضافة لان اسعارهم مجنوووونة ..
-كفر مارك
يلا بنات همتكم معانا :: :27:
سمرمر