موضوع حــســاس وجـــــرئ.. ولكنه يقطع القلب !!

السلام عليكم


صديقتي الحبييييييييبة جتني قبل كم يوم وعيونها كلها حسرة والم
حسرة على زوجها حبيبها وابو عيالها,,والم على خيانته المستمرة لها

تقول ان خياناته اللي متاكدة منها بالتليفون فقط لانها تبعد عن بالها الخيانات المعروفه لنا جميعا
دايما هي فيها عادة مدري صحيحة ولا خاطئه وهي تفتيش جوال زوجها
احيانا تقول ينغزها قلبها وتشك برقم لسبب ما واذا اتصلت ترد عليها واحدة..
مرة من المراات طولت مع احداهم شوي وجلسوا يتناقشوا وردت البنت وقالت انا متعوودة اكلم شباب ع التليفون .ادعيلي اتوب من هالعادة((كانت تتمسخرطبعا بكلامها))وقامت تتدلع بكلامها وقالت احنا نسلي بعض بالتليفون فقط..اكيد انتيصاحبته وغيرانه..ردت صاحبتي انها اخته مو صاحبته..
المهم البنت حامت كبدها من صاحبتي وصكت السماعه بوجهها

وانتم عارفين اللي شجع البنات على معاكس الشباب بالجوال..اكيدبطاقات سوا وطقتها..اللي ماتحتاج تسجيل االاسم كامل .. هذي ضيعت بنات وضيعت بيووت

حصلت اكثر من مرة..وهي متزوجة لها 14 سنه ومن تزوجت والى الان هالشي يصير

سبب طرحي للموضوع مو اعطاء نصائح لها علما بانها فائقة الجمال ماشالله تبارك الله ومتووددة لزوجها كثيرا..
اللي خلاني اطرح هالموضوع هو اني ابغا ((بكل صرااااحة))راي البنات اللي يستخدمون الجوال استخدام سئ..


رجاء بنات ردوا علينا..ايش الاسباب اللي تدفعكم لمكالمة الشباب والخلوة بهم عبر الجوال...؟
لاتقولون انكم تسولفون سوالف بريئة!!

انتظركم

38 تعليق 2,561 مشاهدة

شاركي في النقاش

سجلي الدخول لإضافة تعليق.

التعليقات

37
  1. الله يستر علينا وعلى بنات المسلمين


    اللهم كل من اراد للسلام والمسلين شرا فااجعل شرهم في نحورهم


    ننتظر ردود البنات
  2. @gdh_ghyrr

    ايوا الله هالعاده مراا منتشرة وحتى لوهي ماتقدر تجيب الشريحة
    مخدومه تجيبها لها صحبتها
    والله العظيم يابنات شفت فتحفيظ القران وحده جابت لصحبتها شريحة بدون اسم
    تقولها خليت اخوي الصغير يجيبها لك من البقاله
    الله يستر علينا بس ويهديهم
    قولووووووووا
    امين
  3. @hoyda_3

    البنت تحتاج عاطفة ما يمكن لأحد أن يشبعها إلا الرجل ... لذلك تلجأ للمعاكسات

    الله يحفظنا ويحفظ جميع بنات المسلمين ...
  4. @amam_12

    نسأل الله العافية
    لاتنسي شماعة الأعذار اللي دايم يتعذروا فيها البنات وهي قسوة أمي ,حرماني للحنان وكبت البيئة اللي أعيشها و...و....و.....قد يكون هذا حقا واقع ولكن ليس سببا يدفعني للوقوع في الحرام وأنا أتحدث لأني جلست كثير مع بعض من وقعن في ذلك وكان هذا العذر هو أول شيء نسأل الله أن يهديهن وأن يرفع عنهم هذا البلاء العظيم وأن يستر علينا وعلى ذرياتنا وأن يكفينا شر هذا البلاء وطرقه وأن يقبضنا إليه غير مفتونين .

تابعي تجارب أخرى من هذا القسم.