بعد صبر 13 سنه حملت خالتي
السلام عليكم ورحمه الله وبركاته
مشالله
تبارك الله
لا قوه الا بالله
اليوم وانا بوسط دموعي وقهري وحزني والبيت فاضي عليه من وين ما اتكلم يرد لي صدى صوتي
وكل سنه اقول السنه القادمه اكيد ربي بيرزقني بطفل يملي علي حياتي
وكل شهر اقول الشهر القادم انا حامل مستحيل ربي يعذبني ويخليني اوصل مرحله الجنون
ربي رحيم كريم اكيد في يوم بيرحمني ويكرمني بالذذريه
وانا بهل حال ما يعلم بيه بس الله سبحانه
الا ويدق تلفوني
طلع لي اخوي الصغير فرحان قلت له خير قال خالتي فلانه اغمى عليها وودوها للدكتور قلت اي شطلع بيها وانا مخترعه ليكون فقر دم ولا اعصابها تعبت لان مسكينه هي ساكنه وسط مدينه الفلوجه الله يكون بعونها ويفرجها عليهم
قالي والدكتور عصب قلت ليش قالي يقولها الطفل بينزل وانتي قاعده بالبيت وينج ما جيتي من اول؟
انا انصدمت قلت له يا طفل <<<< للحين مو مستوعبه الموضوع
قالي طلعت حامل شهر ونص
هذي خالتي تزوجت من سنه 1995
وما تركت شي ما سوته واخر شي من رحت العراق جت معاي لنفس دكتوري قالها ما وراج بس اطفال الانابيب غير هل حل لا تصدقين يصير عندج
طلعت لسوريا قبل كم شهر وراحت بعد هناك وقالوا لها نفس الكلام وحجزت بتسوي طفل انابيب عساس بعد كم شهر
لكن سبحانه الكريم عطف عليها وعلى حالها ورزقها بالحمل بدون ما تشعر
وهي تبكي عند الدكتور تقوله لا انا مو حامل انا عمري ما اقدر احمل وقالوا لي عمرج ما بتحسين بالامومه لان انابيبها مسدوده يعني متلاصقه حيل
يقول اخوي هي للحين مو مصدقه ابد يقول شكلها كانها مخترعه من شي وكل شوي تقول الدكتور يكذب مو صحيح كلامه انا ما احمل ما اقدر احمل
اللهم لك الحمد
والله يا بنات حسيت بفرحه كبيره وحاولت احصلها ما قدرت لان التلفونات بالفلوجه كلش تعبانه
فرحت لها من قلبي والله شاهد
ودعيت ربي عسى يثبت برحمها وتولده سليم معافاه ويجعله ربي من الذريه الصالحه
بنات ادعولها ان الله يثبته ويتمم لها فرحتها وفرحتنا بيها
وان الله يرزقنا ويفرحنا معاها يارب العالمين
حسيت الامل انولد بداخلي من جديد وحسيت ان الفرج قريب
يالله افرجها عليه وعلى كل متضايقه يا كريم