لا تفاولون على روحكم

فعلا الي يتفائل بالخير يحصله
بغيت اقول لكم سالفه صارت لنا فعلا مخيفه
رحمة الله اوسع واكبر من كل شي
البارحه زوجي قال مب طالع من البيت لان الجو بارد
وقلت له يالله بنسوي قعده بالبيت وحليب ينزبيل وعشى بيتوتي وفلم ودفوه
والا رفيجه يتصل به يقول يبيه ضروري قال لي بطلع شوي ربع ساعه وبرد
قلت له ليش موقلت مب طالع قال شوي وبرد يالله الوداع قلت له ليش بتموت؟
وياني وقبلني وقبل بنتنا وقال اي بسوي حادث يمكن اموت وهو يضحك
طالعته وضحكت وقلت له يالله يالله ناطرتك
ودق علي يقول انا ياي بالطريق برزى العشى قلت بارز ناطرتك
وانطر طافت الربع والنص وصارت ساعه وقلبي يدق يدق شالسالفه
قلت شكله مر عالجماع وسواها بسطه خل ادق ازفه شوي
لانه نساني ونسى القعده الي مجهزتها له ودقيت عليه الا يقول انا مسوي حادث
سيارتي تكنسلت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هني خفت وماقدرت احرك لساني وهو صك التلفون وارد اتصل
ايقول بكلمج بعدين اقوله انت شلونك رد :لا انا مافيني شي
السياره تكنسلت
بس زوجي طلع منها باعجوبه اللهم لك الحمد
وتميت لي 12 بالليل انطره وبرد الاكل ونامت بنتي وخلص الفلم
ورد وهو منهااااااااااااااااااااااار حده مصدوم ماتكلم واكل شوي ورقد
وقعد الصبح وهو متاثر وااااااااااااااايد وانا احاول اهون عليه بالكلام الطيب

وبيني وبين نفسي اقول الحمد لله رجعت لي زوجي سالم غانم وهو فاول على روحه
وقعدت اشكر ربي على رجعة زوجي بعافيه ويالله فالحديد ولا فيك يابوعبودي
فارجوكم لا تقطون كلمه عن ضحك تراه تصير صج حاسبو على كلامكم
وتمنياتي لكم بالصحه والعافيه والخير والسعاده:)

34 تعليق 2,509 مشاهدة

شاركي في النقاش

سجلي الدخول لإضافة تعليق.

التعليقات

33
  1. @albdr_akblt

    الحمدلله على سلامته الله يخليه لك ولبنتكم
    وصح كلامك....انا اصلاً انقهر اذا احد قال عن نفسه هالكلام
    ثقيل حتى عالسمع...ولااحب اتخيل هلأشياء المزعجه

    ومافي اصدق من قول الرسول صلى الله عليه وسلم:تفائلوا بالخير تجدوه

    مشكورة عالنصيحه
  2. @goana_11

    الحمد لله على سلامته
    وما يشوف شر
    والله يحفظه لعياله يا رب
    صج ضاق خلقى وانا اقراا
    الحمدلله جت سلامات
    خل يقط صدقه ( دفعة بلاء ) ويسجد شكر لله
    لا تنسين ذكريه
  3. @am_aaboood_1

    صاحبة الموضوع
    اي ان شاء الله
    انا سجدت سجده شكر لله
    وقلت بتصدق بلي عندي دفعة بلا
    والله يحفظ الجميع من كل شر
    ونسيت اقول اني اقرى الرقيه الشرعيه
    علينا الثلاثه كل يوم ومفعولها السحري
    بان بهاليوم والله

تابعي تجارب أخرى من هذا القسم.