من سبق لها الاجهاض تدخل

أنا يا أخواتي كان عندي كيس بدون جنين وكان عمر الحمل خمسة أسابيع وكان ينزل علي دم خمسة أيام تقريبا ويوم الخميس سويت سونار وقالت الدكتوره خلال أسبوع راح ينزل والسونار كان داخلي وأعتقد حرك الرحم.. جاني طلق بعده من الصبح الى الليل وأخيرا نزل ليلة الجمعه وهي قايله لي انه راح يكون بحجم الاظفر تقريبا واللي نزل كان بحجم نصف الكف قطعة لحم شكلها غريب وبعد مانزل ارتحت.. بس زاد الدم ويوم السبت والأحد والاثنين كان معي مغص ودم كثير واليوم الاثنين نزل معي قطعه أكبر من الاصبع كأنها كبده متماسكه وطرف دائري والطرف الثاني نحيف متكون على لحم..سؤالي اللي نزل ذاك اليوم وش هو واللي نزل اليوم وش هو..وهل كثرة الدم بعد التسقيط عادي أولا ولمتى راح يستمر معي الدم..وهل فيه أشياء ثانيه بتنزل بعد..هل يحتاج أروح للدكتوره أوهذا شي عادي..صراحه مليت من العيادات والكشف والأشعه الله يعين ويرفع عنا..

11 تعليق 32,645 مشاهدة

شاركي في النقاش

سجلي الدخول لإضافة تعليق.

التعليقات

10
  1. @hb_msthyl

    ياقلبي الله يعوضك خير ...
    شوفي .. كتل الدم اللى طلعت هذي المشيمه ..
    وكان فيه جنين والله اعلم .. بس يمكن يكون فيه عيوب خلقيه علشان كذا ماتم حمل وسقطتي
    وانا حصل لي مثلك بس الفرق شلت حاجه ثقيله وانا مادري
    المهم ... لازم لازم تروحين للدكتوره تصرف لك علاج ينزل مابقي من الحمل ولاتخافين ماراح تكشف داخلي .. بعد الدم مايستمر 10 ايام راح يخف وراح الدكتوره تكشف بالاشعه تشوف نظف الرحم او لا ..
    وبعدين فيه شغله مهمه لا تغلطين غلطتي .. خذي علاج ينشف الحليب من صدرك علشان تقدرين تحملين مره ثانيه ..
    الله يسهل عليك ويشفيك ..
  2. @star_10

    صاحبة الموضوع
    مشكوره اختي حب مستحيل والله يعوض علينا..والنيرس اللي تسوي الأشعه كانت شاكه انه فيه جنين بس ماكان واضح ومافيه نبض طبعا ونادت الدكتوره علشان تشوف بنفسها وجت وشافت الأشعه وقالت لا هذا كيس بدون جنين..على العموم الله يعوضني بخير منه..والدم اللي ينزل معي الآن أحس معه مويه..هل هو من الرشاد..أنا آكل ملعقه صغيره في اليوم هل أوقفه أوأستمر شيروا علي هذي اول مره أسقط وان شاء الله تكون آخر مره..وموعدي الخميس بس شكلي بروح لها بكره أشوف وش تقول مع اني ماأثق فيها مره..
  3. @am_saaody_2

    حبيبتي انا سقطت وكان الجنين عمره 10 اسابيع بس انا الحمل كان ضعيف من اوله وانا ما ادري لاني من حملت ما توحمت الا مرره او مرتين وتوقعته شي عادي وبعدها بدا ينزل معي افرازات دم مخاطي وخفت بصراحه ولمارحت للدكتوره قالت لي الجنين ميت ولازم تنظيف وتعالي بكراا وقلت ان شاء وما عاد طبيت عليها وزاد الدم معاي واخذت ملعقه عسل وملعقه رشاد وما شاء الله الصبح طلوق وبعدين اخذت كاس حليب مع فلفل اسود وملعقه عسل ونص ساعه الا وهو طايح مع المشيمه حقته والحمد الله ما احتجت التنظيف وتعاملت مع نفسي زي النفاس واستمر الدم معاي لمدة 12يوم وبعدين طهرت وما شاء الله حملت بعدها بشهر
  4. @star_10

    صاحبة الموضوع
    الحمدلله خير الله واسع..أم سعودي أنا زيك ماتوحمت وأحسبه عادي وأنا بحسابي ان الحمل له ستة أسابيع بس بالسونار قالوا له خمسه المهم في البدايه جاني افراز فيه دم بسيط وأعطتني نوال الله يسامحها ان كانت ماتدري وان كانت تدري انه كيس بدون جنين ومع ذلك تعطيني مثبت وتعشمني كذب الله يجازيها بما تستحقه رحت لدكتوره ثانيه وقالت وقفي المثبت علشان ينزل الكيس والمفروض ماتاخذين مثبت أصلا وش الفايده من تثبيت كيس بدون جنين وفعلا وقفته ونزل بعدها بيومين بدون ماأستخدم شي..
    طيب شكل الجنين والمشيمه كيف تكون اذا نزلت..

تابعي تجارب أخرى من هذا القسم.