ديوانية الاخوات اللي خلصوا عمار ويأثثون

السلام عليكم
انا بالنسبه لي شريت الاثاث من الصين وابي استفيد من خبراتكم عن موديلات الستاير 2008، اما بالنسبه للاكسسوارات والثريات نصحوني خواتي اني اروح الرياض ايام التنزيلات.. او من عند( ذ ون) رجاء اللي تعرف متى تبدا تنزيلاتهم تعلمني وعن اسامي المحلات طبعاً وبعد انصحوني اني اشتري قماش الستاير من عند القثمي او القثيمي
اللي عندها اي معلومات ياريت ترسل لي عالخاص لاني مشغولة هالايام مع البيت
تحياتي:26:

شوفي رومنسيه .. الجزيرة في المطبخ وايد مهمة وعمليه بالنسبة لي ماقدرت اسويها لان مطبخي فيه طول ومافيه عرض حتى اللي المصممه قالت ماتقدرين تسوين الجزيرة فصممت المطبخ على شكل L وخلال هالشهر ان شاء الله راح يركب والله يستر
:)

ماشاء الله

ومنكم نستفيد

ام سارونه الاموره
ايه الله يجزاك خير هذي انا مفكره فيها بس كنت ناويه اخليها لغرف النوم والمعيشه وبما انك تنصحين بها للمجالس فشكلي بخلي بيتي كله منها
رومنسيه ومنسيه
ياهلا وسهلا فيك
بالنسبه للجزيره انا نفسي فيها وندمت اني ماصلحتها وتقريبا مطبخي كبر مطبخك وصلحت كونتر على جنب بس احسه قديم بالرغم ان الكل منجن في المطبخ بس نفسي بالجزيره ويمكن مستقبلا اصلحها وبحاول انزل صور للجزيره او اذا عندكم فرع لمطابخ المنى او ايكيا بتلقين اشكال حلوه مره وعمليه
ومبروك عليكم البيت والله يتمم لكم على خير
شاي زنجبيل
ماشاء الله فيه لنا اخوات متابعين بصمت عموما الله يحييكم
بالنسبه للاسطح انا صلحت رخام صناعي وعملي مره وللحين محتفظ بلمعته يمكن لان ماعندي خدامه بس فيه نوع الظاهر جرانيت الي لونه اسود وفيه لمعه ومنه اشكال عجبني مره شفته في محل مطابخ امريكيه بس انه غااالي
ومنطقة المجلى تمنيت اني خليتها ستيل لان الصناعي يسود
الفخر كله
هذا رابط الديوانيه الاولى
http://forum.hawaaworld.com/showthread.php?t=775723&page=243
والمطبخ المبني يبي له مطبخ كبير لانه ياخذ مساحات وماتقدرين تخزنين فيه كثير وهو شكله حلو بس بعدين ماتقدرين تغيرينه الا بالهدم
ورود الدار
انا رحت الاسبوع الي فات لهم وصورت كم مغسله من هناك والمتر بـ 2200 للمغسله الي لونها كحلي على رمادي وعباره عن موزايك وفيها خطوط ستيل بالعرض وياسبحان الله كنا متفقين مع روزايت يصلحون لنا وبالصدفه مرينا من عند يلبن ويوم شفنا مغاسلهم غيرنا راينا من روزايت
ام سارونه
مطبخي المنيوم بس شكله خشب وكل من شافه يحسبه خشب نصيحتي خليك على الالمنيوم خصوصا اذا عندك خدامه
امو المزيونه نه
للحين مابعد صلحنا الستاير ولا ركبنا الثريات وان شاء الله البنات يفيدونك
تفاني دلوعه
ياهلا وسهلا فيك

السلام عليكم بنات ,, أنا مثل اخواتي اللي يتابعون على الصامت واستفدت منكن في بعض ملاحظاتكن لأني كمان اعمر وخلصنا ولله الحمد وخلصنا من تبليط نصف البيت والله يتمم لنا على خــــــــــــــــــــــــــــــــيــــــر لأني خايفه.....

المهم يابنات اللي من الرياض ايش تنصحوني بمحلات تفصيل المطابخ الألمينيوم ابي محل تفصيله ممتاز وسعره معقول مو موشكله إذا كان زياده عن المعقول شوووووووووي ....
بس ماابي محل تفصيله خفيف للأبواب مايمر شهر إلا وإنخلع درج او مساكة الدرج او مال باب الرف ,,, والذي منه لأنه فيه بعض المحلات يغشون في التفصيل الله يهديهم ....

والله ييسر اموركم في العمار والأثاث والسكن