جاء العيد ولا تزوجت فهل عرفتوني؟؟؟؟؟؟؟؟؟

والله وانا اختك اقولها عن تجربة...

اذا انتي مرتاحة ببيت اهلك وماتتعرضين لإساءة ولالعنف أسري ولاأحد يتحكم فيك ولاأحد مانعك من حقوقك من أهلك أحمدي ربك..

ودوري لك وظيييييييييفة لو راتبها الفين ريال وتشبثي فيها بايدينك ورجلينك...

الوظيفة هي أهم شيء أهم ماتحتاجين لأحد ماديا لالأهلك ولالرجلك الله لايذلك لأحد ولايخليك تذوقين ذل الرجال..

كل البنات يحبون يدخلون عالم الزوجية واكيد هذا شي بالفطرة لكن لما تدخلين عالم الزوجية وتلقينه أشقى من بيت أهلك؟ وش تسوى عليك هالآحلام والأماني

نصيحتي لك ولكل وحدة ماتزوجت (وعلى فكرة شيلو من قاموسكم كلمة عانس تراها انتهاك وتقليل من شأن المرأة ...اسمها وحدة وماتزوجت او متأخر زواجها وبس)

لكل واحدة ماتزوجت اشغلي نفسك بالوظيفة وكوني علاقات اجتماعية ناجحة وكوني صداقات واطلعي وفرفشي مع صديقاتك وحسني علاقتك بربك وبنفسك ونظمي حياتك على أداء السنن وحفظ القرآن وسوي مشاريع خيرية لو على نطاق بسيط...اذا عندك هوايات ومواهب طلعيها وحاولي تبحثين في النت عن ناس لهم نفس اهتماماتك وشاطريهم هالاهتمامات...اقرأي ادخلي المكتبة صيري من اصدقاء المكتبة...

وصدقيني بتنسين الزواج وسيرته وتحسين بالسعادة الحقيقية..

الزواج مثله مثل العزوبية فيه الأيام الحلوة والأيام الكريهة اللي تتمنين انك ماتزوجتي عشانها..

واذا على الناس اللي تحكي فيك خليها تحكي من اليوم ليوم الدين مصيرهم بينسونك ويغارون منك لما يشوفونك حققتي نجاحك بدون زواج...


الله يوفقك ويرزقك السعادة والهداية اولا ...وين ماكانت هالسعادة...بالزواج او بدونه..

الله يوفقها ويسعدها

ويرزقك بالزوج الصالح التقي النقي اللي يسعدك ابد الدهر

الله يرزقك الزوج الصالح الهين اللين الطيب الحنون عاجلا غير اجل

الله يوفقك ويرزقك الزوج الصالح التقي ديّن واخلاق
عاجلا غير آجل

يابعد عمري فديتك ربي يرزقك الرجال الصالح اللي يسعدك ويهنيك يارب تفائلي بالخير..