بنات الكويت والي يعرفون بالكويت واسواقها وسكنها تعالو شوي لو سمحتو بغيتكم بخدمه

بنات الكويت

السلام عليكم ورحمة الله

لو سمحتو خواتي الكويتيات والي يعرفون بالكويت

فضلاً لا أمراً بغيت اسألكم

وشي احسن المولات بالكويت

والأسواق سواء كانت محلات لوحدها او مجمعات

ووين مواقعها بالضبط يعني بأي حي

وبالنسبه للسكن وشو احسن سكن عندكم سواء كان شقق مفروشه

او غيرو ويكون قريب من المحلات التجاريه اذا امكن

فاياليت الله لا يحيجكم لأحد تقولون لي وين تنباع احلى الملابس عندكم

سواء كانت ملابس سهره او سبور او جلابيات

او اي شي ثاني مميز عندكم

والماركات وين القاها

مثل شانيل وديور وفندي وقوتشي

وغيرها من الماركات

يعني بالعربي

اي شي مميز وحلو عندكم علموني عنه ووين يقع



لأني ناويه اطب عليكم

وان شاء الله تفرحون فيني

خخخخخخخخخخخخخخخخ

ومشكورييييييييييييييييييييين مقدماً



:27: ^الكتكوته^ :27:

5 تعليق 1,120 مشاهدة

شاركي في النقاش

سجلي الدخول لإضافة تعليق.

التعليقات

5
  1. @alktkoth_2

    صاحبة الموضوع
    الله يسامحكم يابنات

    يعني بكل المنتدى مافيه ولا كويتيه او وحده تعرف بالكويت ممكن تساعدني

    كيذا اكرام الضيف عندكم

    جد زعلتوني حييل منكم


    بس اكيد انكم مشغولين ولا ماتطنشوني كيذا

    عموماً استناكم

    على احر من الجمر

    بليييييييز لا تبخلون علي

    بأي معلومه مفيده
    :27: ^الكتكوته^ :27:
  2. @ohayb





    وعليكم السلام ورحمة الله وبركاته ..

    يا هلا وغلا .. حياااااك الله بالكويت :) ..

    طبعاً أنا أرسلت لك على الخاص .. لكن حبيت أحط الرد هنا في الموضوع ..

    علشان الكل يستفيد :) ..

    ،’،’،

    أفضل المجمعات في الكويت ..

    مجمع الصالحية ..

    في مجمع الصالحية راح تلاقين ماركات كثير كثيرة أبرزها شانيل .. بولجاري ..

    فالنتينو .. أجنر .. ملابس سهرة مثل البوشية والأسطورة ..

    يعني الصالحية كله أشياااااء راقية وماركات × ماركات ..


    المارينا مول ..

    راح تلاقين في المارينا مول أشياء عملية وأشياء راقية وماركات .. وراح تلاقين أشياء

    كثيرة كثيرة وجديدة ..

    وهو في السالمية ..



    سوق شرق ..

    فيه محلات كثيرة وفيه أشياء عملية وأشياء راقية ..

    وراح تلاقين فيه محلات كثيرة مثل بودي شوب .. وبينتون .. زارا .. دبنهامز ..

    الشايع .. والقرشي .. وفيه أنوتا .. كوكاي .. وفيه محلات كثيرة كثير طبعاً غير المطاعم ..



    الفنار ..

    وهذا تلاقين فيه محلات كثير أبرزها جوتشي .. ماك .. المرشود .. وفيه محلات كثيرة

    وملابس سهرة .... إلخ .. ويوجد في السالمية ..



    ليلى جاليري ..

    مجمع زهرة ..

    هالمجمعين في السالمية وفيهم أشياء كثيرة مثل بوتيك إستي لودر وبوتيك كلينك ..

    وفيهم محلات لبيع ثياب السهر مثل محل الأسطور في مجمع ليلى جاليري ..

    وراح تلاقين محلات كثير في المجمعين هذيلي ..


    مجمع الأوقاف ..

    للدراعات والجلابيات .. تلاقين فيه معظم محلات الدراعات والجلابيات الفخمة والموديلات الغريبة ...



    مجمع الثريا ..

    مجمع العثمان ..

    مجمع المهلب ..

    مجمع السندس ..

    هذه المجمعات في حولي وأسعارهم بالحيل مناسبة وراح تلاقين فيهم أشياء حلوة بس مو ماركات ..


    ولا تنسين تمرين على المباركية .. المباركية عبارة عن أسواق شعبية رخييييييييييصة ..

    وعندهم أشياء حلوة .. وفي المباركية راح تلاقين محلات الصرافة .. ومحلات العطارين ..

    ومحلات العطورات .. ولا تنسين تمرين على سوق الغربللي وهذا هو سوق الجملة

    راح تلاقين فيه المكياجات والعطورات بسعر التكلفة وأصلية بعد وراح تلاقين العود والبخور

    كله بسعر التكلفة ..

    وراح تلاقين في المباركية دراعات بيت رخيييييييصة حيل والملابس القطنية .... إلخ ..



    ولاتنسين ماركة شارمل مو موجودة عندكم تشترينها من الكويت ..
    وتلاقينها في صالون شارمل في حولي ..
    أو في مجمع الحمراء مول في الفروانية ....
    أو مجمع السندس في حولي ..


    طبعاً فيه مجمعات كثييييييييييييييييرة ماذكرتها .. وأكتفي بهذه المجمعات ..

    وعلى فكرة فيه مجمع كويت ماجيك في أبو حليفة ..



  3. @alktkoth_2

    صاحبة الموضوع


    قولي امين يأختي وهايب


    عسى يدينك ماتمسها النار

    وعسى ربي يسعدك وعن النار يبعدك

    وياربي يارحمن يارحيم

    مايحيجك لأحد من العالمين

    ويوفقك ويدخلك جنات النعيم


    اميييييييييييييييين يارب العالمييييييييييييين


    وتقبلي تحياتي



    اختك

    :27: ^الكتكوته^ :27:
  4. @aaabdh_alrhmn

    مشكوره عزيزتي على هذا المجهود الرائع اللي كلنا استفدنا منه..وجزاكي الله رضوانه والجنه..آآآآآآآآآآآآمين.

تابعي تجارب أخرى من هذا القسم.