السلام عليكم ورحمة الله وبركاته
شخباركم يابنات ان شاء الله انكم بخير وصحه وعافيه
والله يرزقكم بالي تتمنونه ان شاء الله يارب ويرزقنا جميعا
عموما بدخل بالموضوع على طول
انا قبل يومين شفت وحده وقالت لي عن علاج لتنشيط المبايض
تقول انها تعرف وحده ماشاء الله تبارك الله اخذت من هذا العلاج وجابت ماشاء الله تبارك الله ثلاث تؤام
انا اول ماسمعتها اخذت منها الوصفه على طول قلت بكتبها لكم وان شاء الله تكون سبب في حملكم بعد الله سبحانه وتعالى
طبعا لظروفي هاليومين ماقدرت ادخل النت عاد الحين الحمد لله والشكر يارب دخلت قلت بكتبها لكم
وقبل كل شي طالبتكم ادعو لي تراني محتاجه لدعواتكم
وادعو لي اني احمل بتؤام بصحه وعافيه وان الله يسخر لي زوجي ويخلي لي عيالي ويخلي لي والديني و كل غالي علي ولا يحرمني منهم ويخليني لهم يارب
نجي للوصفه مدري ممكن تكون مكرره ولا شي عموما راح اكتبها لكم وانتم براحتكم اذا تبون تجربونها ولا لا
عني انا ان شاء الله بجربها باءذن الله تعالى
الوصفه هي :
لقاح النخل هذا تلاقينه عند وادي النحل يجي على شكل بودره
طبعا تاخذين كل يوم ملعقه صغيره من لقاح النخل وتخلطينه مع حليب دافي وممكن تضيفي عليه ملعقة عسل علشان الطعم وتشربينه على الريق
طبعا تاخذينه كل يوم لين ماتحملين ان شاء الله باءذن الله
هاه عاد دعواتكم لي
واي استفسار انا حاضره
شاركي في النقاش
سجلي الدخول لإضافة تعليق.
التعليقات
135مواضيع مشابهة
تابعي تجارب أخرى من هذا القسم.