وش لون اعلم عيالي الصلاه؟؟ادخلوا فيدو واستفيدو

جزاك الله خير الله يطرحلك فيهم البركه

بارك الله فيكن اخوااااااتي

والف شكر مشرفتنا على الروابط المفيييييييده

مشكلتك جدا جدا جدا سهلة ....


انتي بالاول دايم دايم خليك مبتسمه .... حسسي عيالك انه اللي يبي يسونه فيه وناسه مو غصب ... لانه اذا يبون يصلون علشان لا تعصبين ومن وراك مايصلون ..

شوفي انتي مره على مره شوي شوي وبابتسامه راح يمشون معاك ..

1- مرات اذا وديتهم السوق ورجعتوا .. قوليلهم : شفتوا يا عيالي احنا جبنا الاغراض بفلوس من دون الفلوس ماكان صار عندنا كل هالاغراض ...

الله يعطينا الصحة والعافيه ويعطينا البيت والاكل وكل هالنعم .. احنا مانصليله شكر على هالنعم .


مرات اذا واحد من عيالك صار بمشكله وقعد يدعي .. انتي قوليله شلون يا فلان انته تطلب من ربك وانت ماتصليله .. لا يا بابا يا حبيبي لازم نستحي من ربنا ونصلي وندعي ... الله كبير ولازم نعرف هالشي ..

ودايم دايم قولي الله يحبك علشان سواه كذا وكذا فيك انته ما ترد هالحب بالصلاة ..

وانتي لاقعدتو مثلا العصر مع بعض قولي يالله سووا دائرة حواليه خلينا نبني فله بالجنه .. واقعدوا سبحنو واستغفروا بأصابعكم ... وبعد ما تخصلون .. بعدين بالايام الوراها قولي يالله الحين نزرع نخل حوالين الفله .. واقعدوا سبحنو واستغفروا .. ودايم ادعي وسمعيهم بس كأنك ماتدرين ( يارب ثبتني على صلاتي ) .

واذا على صلاة الفجر حببيهم وقوليلهم : يالله يالله لحقوا على الملائكة قبل لا يصعدون .. لانه فترة الفجر ملائكة اللليل والنهار يكونون متجمعين كلهم بهالفتره .

ديري بالك تعصبين عليهم .. صحيح الضرب جاه ذكرها بحديث للرسول صلى الله عليه وسلم ..

بس المشكله الحين الاطفال عينهم قويه وعنيدين ويفهمون . مو مثل قبل

الله يجزاك خير
انا بنتي هاليومين بس تسأل ليش تصلون وتقول انا ما ابغى اصلي
الله يصلحها وعيالكم يا رب

جزاك الله خير الجزاء ان شاءالله