مقارنه يبن الأضرار الناتجه عن جواز مكالمة المخطوبه لخطيبها قبل الزواج ..والضرر الناتج عن فسخ الزواج بسبب عدم التفاهم بين المخطوبين ..
1-فسخ عقد الزواج بعد الملكه بسبب عدم التفاهم بين المخطوبين
اكيد الملكه يجي بعدها اعلان والكل يعرف قريب وبعيد ان فلانه تملكت على فلان . في مجتمعناالي مايرحم .. بيضل الكل يقول يشير لها بأنها اتطلقت قبل الزواج .. ويمكن يقولون فلانه ماعرفتيها ؟؟؟ لا ... الي تملكت وتطلقت فبل الزواج ... اااااااااااه عرفتها ..
تبغون تخطبون فلانه ؟؟؟؟؟ بس تراها تملكت وتطلقت قبل الزواج ..
تدرين ان فلانه تملكت وفسخت ملكتها .. ليه؟؟؟؟ اكيد شاف عليها شي .او شاف على اهلها شي ..
طبعا واكييييد كلكم تعرفووون في قرارة نفسكم ان البنت الي تطلقت في فترة الملكه تقل فرص زواجها والأغلبيه يعزف عن خطبتها ..
2-نظرة الزوج الثاني لها .
اول سؤال راح يسألها ليش تركتي زوجك السابق قبل الملكه ؟؟؟
حتى لو البنت مالمسها زوجها السابق راح يظل هناك غصه في قلب الزوج الجديد .. اذا تقدم لها .. لأنه طبعا اكيد مافيه احد من محارم البنت راح يمسكه ويقول له ترى البنت زوجها السابق ماختلت معه ولا لمسها ..ولاهو عارف هاالشي الا منها ومتى ؟؟؟بما انها ماكلمته قبل الملكه ماراح يعرف الا بعد ماتطيح الفاس بالراس ويتملكها .. يعني الخطيب الثاني راح يجي وهو ايده على قلبه والوسواس مالي مخه .. هل حصل بينهم شي ..هل هي عذراء؟؟
احساس الزوج انه في شخص اختلى بزوجته قبله ويمكن يكون حصل بينهم ماحصل بين الأزواج .. او مداعبات تدفع لغيرة الزوج .. فيقول انا ايش لي ولعبة الحظ هذي اخذ وحده ماتملكت قبل كذا واريح مخي ..
3- الضرر النفسي على البنت
طبعا مايحتاج اشرح لكم اسأل مجرب ولا تسأل طبيب.. واكيد فيه معنا بنات صار لهم هالشيء معانا في المنتدى وياليت يقولون لنا الظغط النفسي الي مرو فيه .. نظرة الناس ..خيبة الأمل ..
احلام اتحطمت .. فرحه انقتلت .. طيحة وجه حتى مع اهلها..
4- الضرر انفسي على الأهل..
البنت :: انا مابغاه ابغى اتطلق
الأهل :: مجنونه انتي تبغين تفضحينا ايش يقولون الناس تطلقت قبل الزواج !!!
5- الضرر النفسي على الأم.
القهر الي راح تحس فيه الأم ولوعة القلب لما تشوف بنتها اتطلقت قبل الزواج وخاصه اذا البنت مجهزه وشاريه فستان الزواج ومحدد يوم العرس صدقوني بتمر عليهم ايام كأنها عزاء..
اما مكالمة البنت لمخطوبها قبل الملكه بعلم الأهل .
2- اذا حصل وعزف الرجل ا والمراءه عن الزواج بعد التعرف على بعض :
(ماعليه الزواج قسمه ونصيب استر ماواجهت مع السلامه) وتوته توته وانتهت الحتوته
الدين يسر يابنات والحمدلله ماسوينا شي يغضب رب العالمين او يضرنا .. الموضوع بعلم اهلي ..ومااخجل اقول اني مخطوبه واكلم خطيبي بعلم اهلي لهدف التعارف..
ياخطيبي انتبه لكلامك
متابعة النقاش، صفحة 6