شاركي في النقاش

سجلي الدخول لإضافة تعليق.

التعليقات

21
  1. @rky_2

    نايت
    ترا لازم تشترين لج بال طويل حق هاليهال
    وبالنسبه للقران وديهم مراكز لتحفيظ القران
    لانحفظينهم
    وكلامج عين العقل انج قلتي حق بنتج مافي حد غبي
    ترا اهم شي عند الطفل التوك شو
    يعني تدعمينه بالكلام
    والله انا ذاك اليوم بنتي قالت لي شي يقهر
    قمت وعطيتها 3 كفوف ورا بعض
    الله المستعان
  2. @queennight

    صاحبة الموضوع
    Queen*night
    نرجس ومشموم كلامك مية مية ومافيه نقاش بس المشكلة أنو أولادي بيرجعوا الساعة 4,5 ويادوب ياكلوا ويغيروا ونلحق على المذاكرة مافي وقت الساعه 7 بيدخلوا يناموا وانا عندي جامعة وحامل عشان كذا اعصب منهم لاني ابغى احل واجباتي وارتاح لاكن ك…
    يوم في المدرسه

    اليوم رحت المدرسة أشوف حل للموضوع
    أول مدرسه قابلتها مدرسة ولدي
    وماكانت فرحانه بوصولنا
    سألناها (أنا وزوجي) عن ولدي كيف ماخذ -2 من 3 في القراءة وهو يقرأ كثير؟
    قالت صح يقرأ بس يحتاج يتعلم الكلمات ثاني شي انه يقرأ بمزاجه مو المقرر
    السؤال الثاني ولدنا بيقرأ كثير مما يوصل أنه يكتب كثير فا كيف تعطيه -2 من 3؟
    قالت ولدكم يعرف يكتب ها... لحظه أوريكم ولدكم ايش يكتب (كانت مره معصبه)
    وبعد ماورتني الكتابه ضحكت يابنات لما شبعت وهي تزغر فيه بعيونها
    تعرفوا ايش كتب
    طلبت منه تعبير صفحه
    كتب احب ماما احب بابا احب اختي احب اختي الثانية وعبى الصفحه حب
    التعبير الثاني
    عباره عن جمله وحده عبت الصفحه كلها
    احب اكل وكتب كل انوا الاكل وبينهم و...و.....و.... الين اخر الصفحه
    التعبير الثالث
    كتب احب المدرسه المدرسه المدرسه
    واحنا احنا احنا احنا .....6 مرات وانا انا انا انا ......6 مرات
    يعني يعيد كل كلمه يكتبها 6 مرات عشان تخلص الصفحه
    ولما طلبت من يحط نقطه لما يخلص الجمله
    عملها التعبير زي كذا حرف نقطه حرف نقطه وهكذا
    بالعربي ناوي يجنن المدرسه

    بعدها رحت للمشرفه الاجتماعيه
    وجيتك ياعبد المعين تعين لقيتك ياعبد المعين تنعان
    حصلت عندها نفس المشكله مع ولده وقعدت تشكي لنا
    بس ريحتني نفسيا
    اعطتني طرق عقاب حلوه
    راح اسردها لكم

    اما موضوع بنتي

    ضحكت لما شبعت على بنتي وقالت لي بنتك اكيد تستهبل
    وللأسف عندها نفس الحاله في البيت
    لاكن نصحتني اسوي كشف عام لبنتي من سمع ونظر والحركه
    لأن ماقلت لكم بنتي حتى اللعب تقول تعبانه ماابغى العب
    والشي الثاني
    راح تناقش موضوعها مع اخصائيين وترد لي خبر
    وراح افيدكم بالجديد

    اخر محطه واحلى محطه

    قابلت مدرسة التقويه في اللغة

    اول ماقلت كيف بنتي
    صرخت فينا بنتك..... ماشفت اكسل منها في حياتي
    تعبانه تقرأ تعبانه تكتب تعبانه تلعب تعبانه من كل شي مو فالحه غير انها تحكي ايش يحصل عندكم في البيت (اتخيلوا)
    بصراحة احس انها فضفضت اللي في قلبها بالصريخ
    وورتنا كراستها الحمدلله كل تعبير تطلبه تكتب لها جمله ناقصه وخلصنا
    اما ولدي
    قالت اذكى ولد مر عليه في حياتي قولوا ماشاء الله لاقوة الا بالله ترى ماعندي غيره
    قالت عبقري وودي ارسله لبرنامج الاطفال العباقره
    لاكن قولوا كيف
    ايش اقول
    مايرضى يكتب
    فالح في الكلام والمناقشات الحادة
    وورتنا كراسته الله يحفظه ماتعب نفسه
    تقوله اكتب عن الشتاء يكتب لها كلمه وحده شتاء
    عن الاجازة يكتب لها أجازة
    تقول انا مو فاهمه هو ليش بيسوي كذا


    نتيجة الرحلة للمدرسه
    أولادي اذكياء
    وحده كسوووووووله :09:
    والثاني عبقري لدرجه انه المدرسه اقل من مستواه عشان كذا مايتعب نفسه :icon28:

    هيا كيف اخليهم يحلوا ويكتبوا
    احتاج اخليهم يحلوا ويكتبوا في المدرسه
    لان في البيت بيحلوا الواجب حتى لو بطلوع الروح بس المهم اللي في المدرسه كيف اخلي الكسووله تحب المدرسه

    هيا يابنات خبراتكم

    ومشاكلكم كمان عشان نناقش الحلول

    سامحوني اذا اتأخرت في الرد
    اعتبروا الموضوع موضوعكم وخذوا راحتكم

  3. @queennight

    صاحبة الموضوع
    رقي

    المشكله ماعندنا مراكز وفي وحده عربيه طلبت منها تدرسهم قران وادفع لكل واحد
    مبلغ 400 دولار في السنه لاكن رفضت

    لما رحت السعوديه حاولت اجيب مدرسات اي شي مافي بنتي ماتحب العربي
    وماتبغى تتعلم عربي تصدقي ماتعرف ولاحرف

    اما الباقين يحاولوا ويعرفوا

    الله المستعان على الضرب الواحد احيانا يفقد السيطره

    انا صرت اطلب منهم الملعقه الخشب مشوار مايجيبوا الملعقه تكون اعصابي هديت واصير اهددهم فيها بس واحيانا اضرب خفيف على اليد ويقولوا لي ماتعور اقولهم اعرف
  4. Queen*night
    رقي المشكله ماعندنا مراكز وفي وحده عربيه طلبت منها تدرسهم قران وادفع لكل واحد مبلغ 400 دولار في السنه لاكن رفضت لما رحت السعوديه حاولت اجيب مدرسات اي شي مافي بنتي ماتحب العربي وماتبغى تتعلم عربي تصدقي ماتعرف ولاحرف اما الباقين يحا…
    عزيزتي متابعة بس والله تعبت من المذاكرة مع الاطفال:09: لان عندهم امتحان نصف السنة
    ويوم الاربعاء اخر يوم للامتحان ان شاء الله نناقش معكم مشكلة الاطفال ونجد افضل الحلول
    وتصبحون على خير
  5. الله يهديهم هالاطفال
    انا عندي الكبير توه باولى ابتدائي واللي مجنني فيه الاناشيد يكرررررررررررررررها ويعيي يحفظ يقول سخيفة وبايخة (بيني وبينكم بايخة صدق بس انا مابين له اسوي نفسي متحمسة للانشودة)
    والكتابة كل حرف بعذاب واحيانا يحط الحركات بعدين يكتب الحروف خخخخخخ

تابعي تجارب أخرى من هذا القسم.