شاركي في النقاش

سجلي الدخول لإضافة تعليق.

التعليقات

1,713
  1. @time_over

    محتاجه ربي..الله يبارك فيج..ويتمم حملنا على خير الغالية..وطمنينا على صحتج وليش اسباب انج تترقدين في المستشفى غير سالفة الوحام..والحين كيف امورج..

    الماسة..ما اعرف ليش..لاني يمكن كل مرة اسوي فيها صورة اكون رايحة وانا في حالة قلق كبيرة فاول ما تطمني الدكتورة ولله الحمد..اشكر ربي على نعمته..واطلع من عندها بدون اي كلمة..اخر صورة مسوتنها من اسبوعين واريد اروح اليوم اسوي صورة واشوف نتايج فحص الدم والسكر لاني سويتهن بس ما لقيت وقت اسير اشيك.. :)
  2. صاحبة الموضوع
    الماسة زوجها
    هلا تايم حبوبة انا يوم ادخل كله من قوقل احسن ابوايد والحمد الله الحمد الله اني اطمنت على البيبي وغريبة لين الحين ماعندج صورة له والله امرج عجيب انزين ليش ماطلبتي انا الدكتورة قالت تبين قتلها هي بحتفظ فيها وهي عبارة عن صورتين وفي دقات قلبه…
    بدت اللوعة الحين ياربي الحين كيف اكمل شغلي مااقدر :44: احس مافي طاقة وابا انام حتى مااعرف متى اقول للمدير ابصراحة استحي والمشكلة مرات اكون تعبانة ولازم اشوي ايقدر :icon33::09:
  3. صاحبة الموضوع
    Time Over
    محتاجه ربي..الله يبارك فيج..ويتمم حملنا على خير الغالية..وطمنينا على صحتج وليش اسباب انج تترقدين في المستشفى غير سالفة الوحام..والحين كيف امورج.. الماسة..ما اعرف ليش..لاني يمكن كل مرة اسوي فيها صورة اكون رايحة وانا في حالة قلق كبيرة فاول …
    حبيبتي القلق والوسواس مب زين لج خليج طبيعية وكل شيء بيكون طبيعي إن شاء الله يعني ابد ابد لاتوسوين ولا تعطين مجال للشيطان انا احاول اريح عمري من التفكيرة واقرأ على بطني وادعي من قلبي وسبحان الله يوم نزل مطر دعيت وااااااااااايد بأن اسير الموعد واطمن واجوف كل شيء والحمد الله رب العالمين استجاب الحمد الله وصح بغيت اسألج هاي الفحوصات متى بديتوا اتسونها مال السكر وهاي الخرابيط هههههههه متى بديتوا
  4. @time_over

    الله يطمن قلوبنا بذكره..ويبعد عن وساوس الشيطان..

    بالنسبة لمديرج..خلي وحدة من البنات تخبره احسن،،،انا جيه صار ويايه،،سكرتيرة القسم يزاها الله خير،،يوم شافت المدير مضايق من اجازاتي..خبرته وتفهم الموضوع والحين يحاتيني..بس ما شاء الله ويايه في نفس القسم ثنتين حوامل..ومنا ثنتين لاول مرة..الله يسهل ويتمم للجميع على خير

    بالنسبة للفحوصات..انا بديت فيهن في نص الرابع،،وفحص السكر سويته صايم فاطر،، لان عندي الاهل فيهم سكر،،ولما طلعت النسبة مرتفعة عطوني اسوي فحص الجلوكوز وسويته الخميس اللي طاف وطلع اللي وانا صايمة طبيعي وشربت الجلوكوز وبعد ساعة سويت وما اعرف النتيجة،،ان شاء الله بسير اليوم ولا السبت وبشوف النتايج،،وبالنسبة للدم والهيموجلوبين وهالسوالف سووها لي في الاسبوع السابع يوم ترقدت ولين الحين معتمدين على هالنتيجة بس انا سويت فحص ثاني..ونفس الشي ما اعرف النتيجة للحين..

    والله يسلمنا..
  5. صاحبة الموضوع
    Time Over
    الله يطمن قلوبنا بذكره..ويبعد عن وساوس الشيطان.. بالنسبة لمديرج..خلي وحدة من البنات تخبره احسن،،،انا جيه صار ويايه،،سكرتيرة القسم يزاها الله خير،،يوم شافت المدير مضايق من اجازاتي..خبرته وتفهم الموضوع والحين يحاتيني..بس ما شاء الله ويايه ف…
    مشكورة حبيبتي وبخصوص موضوع المدير انا لين الحين محد ايعرف في الدوام عسب جي مااقدر اقول احتمال اخبر وحدة من ربيعاتي اللي وايد معاي بس هي الحين في إدارة ثانية اسبوع الياي بس مااحب البنات اللي معاي ايخبرونه لأن هذيلا فشله وصوتهم عالي ويسألون اسئلة وايفشلون جدام الموظفين عسب جي سكت هالفترة وبجوف إذا اظطريت بطرشله إيميل انا متعودة على هاي الطريقة احسن

    وبخصوص الفحوصات يعني من انخلص الشهر الثالث بعدين يبدأون صح؟؟ يللا يارب خير وايكون كل شيء تمام يارب وايسهل علينا

تابعي تجارب أخرى من هذا القسم.