ملف لكل العرائس المصريات الجزء الثانى

شكرا شىواوا على ردك

بس ياريت لو حد فى اسكندرية يدلنى


و كمان عايزين نتكلم على الاثاث و نشوف ايه الجديد و كمان السجاجيد ازاى نمشى الوانها مع الحيطان و الستاير و الاثاث و كدا

و انا معاكم ان شاء الله لو اى استشارة عن المحلات فى اسكندرية

معلش نسيت اسأل سؤال انا حتجوز و اسافر السعودية مش عارفة اعمل ايه فى العفش و الحاجة و الستاير و النجف و كله

اصلى حقعد ان شاء الله اسبوع بس فى مصر

مش عارفة اعمل ايه خايفة الحاجة تتبهدل من التراب و الركنة و بعدين اخد ايه معايا و انا مسافرة فى شنطتى

شوفى ياقمر هو عامة كل الألوان لازم تبقى متناسبه ولايقه مع بعضها الحيطان مع الأرضيات مع العفش والستاير
بالنسبه للأثاث اللون البنى الشوكولا هو الموضه
ياريت اكون قدرت افيدك

شكرا غلى ذوقك وردك

انا عايزة اعرف الفرق بين الكيتشن ماشين و الماستر شيف و اعرف ايه مكوناتهم و ازاى اختار العائلة اللى فيها كل الامكانيات و ايه اللى يبقى ناقص

و اى نوع احسن طبعا سألت قالوا براون و كينوود و مولينكس فأى نوع افضل

طبعا انا محتاسة جدا

سؤال تانى انا عايزة اسامى برفانات تكون حلوة على ذوقكم

عايزة اقولكم حاجة نسيتوها فى حجرة النوم فى المفروشات

فى ملاية اسمها ملاية استك دى بقى مش ممكن نستغنى عنها لانها بتتفرش تحت طقم الملاية يعنى بين المرتبة و بين الملاية

ودى فايدتها انها بتحمى المرتبة و كمان بتظهر لون و شكل الطقم اللى انتى فارشاه علشان طبعا المراتب بتكون فيها اشكال ايا كانت

طبعا ممكن متلاقوهاش بسهولة اقولكم انا حعمل ايه انا حشترى قماش تيل ملايات العامرية بمقاش السرير طبعا لونها ابيض و حعقدها من الاربع جوانب علشان لما تتفرش تدخل تحت المراتب و بكدا متكلكعش

انا بنصح نشترى اتنين بس و يكونوا بيض علشان نغير فيهم