علموني ليش ابوي مايزورني ؟؟

السلام عليكم ورحمة الله وبركاته

اخواتي ... عندي موضوع شاغلني ( الله لا يشغلنا الا بطاعته )

بصراحه احس بحزن من هالسالفه ... ابوي توفى من ست سنوات اسأل الله ان يرحمه رحمه واسعه ويجمعنا به في جنات النعيم ... اللهم امين

ومااشوفه في الحلم كثير يمكن في السنه مره او مرتين ... مع العلم ان اخواني دايم يحلمون فيه وانا احس بالغيره اقول ليش يحبهم اكثر مني ... يبشرهم عن حاله ويوصيهم ... وانا اذا حلمت فيه اشوفه ساكت

يمكن تقولون زعلان مني ... الحمد لله مات وانا اللي معاه كنت اراعيه في ايامه الاخيره ...

دايم ادعي له في صلاتي وكل وقت ... وكل صدقه اتصدقها عن نفسي انوي انها تكون بالنص بيني وبينه

مو اني امنها عليه ولكن عشان ماتقولون ان اخواني يبرونه احسن مني

والله انا اكتب ودموعي على خدي ... ليش مو فاهمه

الله يجزاها الجنه ورضا والديها اللي ترد علي

6 تعليق 1,016 مشاهدة

شاركي في النقاش

سجلي الدخول لإضافة تعليق.

التعليقات

6
  1. @ahon_aalyk_1

    حبيبتي لايصير تفكيرك كذا


    تراه حلم يعني لاتغارين ولا شي الله يهديك

    انا امي كانت تموووووووووت على جدتها وماتت لها 5 سنين او اكثر بس لين الحين امي تبي تحلم فيها مع ان الكل يحلمون فيها الا امي

    يمكن رحمه من ربي انك ماتحلمين فيه عشان ماتشتاقين له
  2. @algohrh22

    أهون عليك..!!
    حبيبتي لايصير تفكيرك كذا تراه حلم يعني لاتغارين ولا شي الله يهديك انا امي كانت تموووووووووت على جدتها وماتت لها 5 سنين او اكثر بس لين الحين امي تبي تحلم فيها مع ان الكل يحلمون فيها الا امي يمكن رحمه من ربي انك ماتحلمين فيه عشان ماتشتاق…
    ياحبيبتي لاتفكرين في الموضوع هذا من بليس يوسوسلك علشان ماتتصدقين عن ابوك اكثر العلماء اذا سألهم احد اشوف ابوي في الحلم يقولون محتاج صدقه تصدقوا عنه مافيه اب يزعل على عياله الافي حاله وحده يزعل بعد الموت اذا كنت متبرجه اوهو جايب عندكم دش في البيت اذا سويت كل هذا فا الذنب يتحمله هو لذا يكون زعلان والله أعلم
  3. @almslmh

    ما عمري قد سمعت ان الحلم دلالة على الحب والبر
    دليل البر الدعاء والصدقة فقط
    اما الحلم ماقد ورد عن الرسول صلى الله عليه وسلم
  4. @mn_alaasolh

    صاحبة الموضوع
    اختي المسلمه
    ياعمري فهمتيني غلط ... ادري ان الحلم مو من علامات البر ... لكن قصدت من الفضفضه ان احد يهون علي شوقي لوالدي رحمة الله

    واللي آلمني ان اخواني يحلمون فيه اكثر مني ... مع اني الحمد لله واحسبني كذالك اني باره فيه

تابعي تجارب أخرى من هذا القسم.