اكتشفت سر من اسرار زوجي ومب عارفه كيف اتصرف ؟؟

السلام عليكم ...

انا صارلي متزوجه سنتين وسبعة شهور ... ف بداية حياتي الزوجيه طبعا صارتلي مشاكل وخلافات لين تأقلمت مع زوجي ,, ومن كملنا السنتين تغيرت حياتنا للافضل ,, في السابق كنت احس اني طفولية ومش ناضجه والحين نضجت وقدرت اتحكم ببيتي وزوجي ..
عندنا بنت وحده عمرها سنه ونص ...
حالتنا الماديه ما شاء الله زينه ,, بس من البدايه لاحظت انه زوجي حريص مع انه ما شاء الله عنده الخير وع فكرة ف حياته ما كان عنده دين الحمد لله ,, ويكره الدين ,, بشكل عام اتربى من صغره على جيه وكل اسرته نفس الحال الله يحفظهم .. بس من البدايه لاحظت انه حريييص .. ما اقول انه مقصر ابدا مش مقصر ,, بس حالي مقارنة مع بعض الحريم فيه فرق .. يعني من سنه ريلي في دورة ,, باجي منها شهر الحين ,, آخر الاسبوع يرجع البيت بس وطول الاسبوع محد ,, كل اسبوع يعطيني 400 درهم مصروف البيت وانا وبنتي !!!! طبعا قبل ما يروح كل اسبوع يوم الجمعه نروح السوبرماركت ويجهز البيت من كل شي مش مقصر ابدا ..
بس انا من النوع اللي ما اصرف ولا اتسوق الا من فتره لفتره ,, للعلم انا اروح المولات واشتري من الغالي ,, وبنتي من يبتها ما البسها الا الغالي ,, طبعا في الغالب استغل التنزيلات ..

انا حطيتكم في الصور والحين بخبركم السالفه ..
امس بالصدفه بنتي تلعب ببوك ابوها (محفظته ) ,, وطلعت ورقة البنك طبعا انا دخلت وشليت من ايدها وطاحت عيني على الورقة ,, لقيت حساب زوجي 30 الف درهم !!!!!! للعلم دوم يتشكى انه الراتب بسرعه يخلص ودوم حريص وما يحب يصرف وخلاني اتعود اشيل نظري من الاشياء الغاليه وايد وصرت اراعيه واقصر على عمري وارضى بالـ 400 اللي يعطيني اياها كل اسبوع مع انه احيانا اصرفها من اول يوم يروح فيه وتخلص واتم بدون بيزات !!!
واكتشفت هالشي البارحه وما تكلمت ولا تغيرت تصرفت بشكل طبيعي ولا حسسته بشي ..
وبعد ما اكتشفت هالشي قلتله ابغي اشتري فستان لحفلة بنتي هالاسبوع ورد علي الميزانيه ما تسمح راح الراتب ع الحفله !!!!
انا مصدومه وتعبانه ما تخيلت ريلي جيه تشوهت صورته في عيني مع اني احبه ويحبني ,, وحياتنا نوعا ما مثالية .. مب عارفه شو اسوي ساعدوني وااايد تعبانه
كيف اتصرف معاه كيف اواجهه .. وللعلم هالشهر راح يزيد راتبه وااايد ,, طبعا ف الامارات صارت عندنا زيادات للرواتب ,, وريلي في الجيش وزيادته كبيييييره .. شو راح يسوي لما يزيد راتبه ؟؟
احس انه يحب فلوسه ويفرح لما يشوفهن يزيدن ويخاف يصرفهم ..
كيف احل هالمشكله انا تعبانه وايد ساعدوني

51 تعليق 6,846 مشاهدة

شاركي في النقاش

سجلي الدخول لإضافة تعليق.

التعليقات

50
  1. @mlak_alkhyr_1

    مالج إلا الدعاء....صدقيني كلامي عين العقل
    دامه خايف عليج و على بنتج و بينكم الحب والتفاهم ...
    اصبري عليه ولا تتغيرين عليه
    بالعكس خليج مثل ماانتي ... بس حاولي تطلبين منه بطريقة ذكية على حسب طبيعة زووجج هو شلون يحب أقصد طريقة تعامله من غير مشاكل
    مثلا تقولين له :" تصدق ان المصروف يخلص بسرعة وأظل أنطرك لما ترد من دورتك شرايك تزيدني شوي ,, انت كريم وأنا وبنتك نستاهل " مثل هالكلام الطيب وانتي ماجذبتي قلتي الصدق

    كلمة أقولها لكل زوجة , بنت أو أم ... استعيني بالله و بالصبر والصلاة

    وكل شي ينحل مدام اهو خايف ربه فيج
    ونصيحة لله .... مشكله الانفاق لو تفكرين فيها أهون من مشاكل ثانيه مثل انحرافات الزوج أو المرض أو الفقر ... أو عند التفاهم أو مشاكل الحمولة و الغيرة والحسد

    أنا ما قلت جذي إلا عشان أهون عليج و الله يهنيج بحياتج و يزيد مصروفج وتفرحين



    وسامحيني على الإطالة


    من مواضيعي :

    من مواضيعي :
    الابتلاء عرض باوربوينت رائع
    http://forum.hawaaworld.com/showthread.php?t=1099274

    شرح لاسماء الله الحسنى : http://forum.hawaaworld.com/showthread.php?p=17300562#post17300562

    لماذا يدعو الانسان ولا يستجاب له ؟
    http://forum.hawaaworld.com/showthread.php?p=17280566#post17280566
  2. @dandoon_1

    يا حبيبتي ليش مكبرة الموضوع
    اول شي 30 الف والله مو كتير ابدا .. يعني بينصرف كله او جزء منه على تجديد غرفة نوم او صالون او عملية لا قدر الله اذا حد مرض او اجازة عائلية
    يعني مو تقولي مخبي مئات الالاف هاد اسمه توفير للزمن واحد عنده بيت و عيلة لازم يكون معاه مبلغ للطواريء
    و بصراحة مصروفك بالاسبوع انت و بنتك ممتاز مو قليل ابدا خاصة انه موفر كل شي بالبيت يعني هالمصروف للبس و الطلعات و الواحد مستحيل يشتري ملابس كل اسبوع!
    الخلاصة اختي لا تفتشي وراه اكتر و لا تقولي عنه بخيل او ما فيه خير متل ما قالت الاخت اللي قبلي .... الحرص واجب و التوفير صفة جيدة مادام مو مقصر عليك بشي
    لا تجيبي الهم و المشاكل لنفسك
  3. @85_mrh

    انا كمان اشوف ان 30 الف مو كثير

    الا اذا كان بيت الملك اللى تحلمون فيه خلاص بنيتوه وساكنين فيه

    يعنى اذا معمر بيته ومو داخل تجاره ولا ناوى يدخل تجاره
    اجل ليش الحرص هذا

    فى حرص وتوفير مبرر وفى توفير غير مبرر

    يعتمد

    وكمان بصراحه اشوف ان 400 درهم بسيطه
    فهميه انها ماتكفيكم
    وخليها يزودهاا على الاقل 800 درهم

    400 لكى و400 لبنتك
  4. اولا ماشاء الله تبارك الله ،،

    تقولين حياتكم مثاليه وماينقصكم شي ويعطيك اسبوعيا لاحظي موشهريا وبعضهم ماتشوف

    الفلوس من رجلها الا من عيد لعيد،،

    عادي اذا خبى عنك يمكن حس انك مسرفه شوي ماتشترين الا من الغالي فخاف بعد ماتكبر

    عائلتكم ان شاء كيف بيكون الصرف ،،

    (يعني انا لو عندي راتب اكثر من زوجي واحس انه ياخذ مني عشان كماليات مو اساسيات

    اخبي عليه -)عادي ،،(ولو ان النفقه اساسا مو علي على الزوج )

    لكن اكسري هالحاجز على طول وعلميه بانك شفتيها بضحك وفرفشه حتى يتعود على انه

    يعلمك ومايخبي عنك شي،،

    خلي الامر طبيعي بينكم ...

تابعي تجارب أخرى من هذا القسم.