وعليكم السلام حب الرمان
اول شي اشكرك على ردك ونصايحك المفيده و حبيت اوضح لك كم نقطه فهمتيني فيها بشكل تاني
عيوني انا مو مستسلمه والله بالعكس انا احاول اني اتغير والدليل اني خفيت كثير في العناد والحمدلله وكمان احيان كثيره زوجي يكون فيها معصب وانا اقدر امتص غضبه واحيان انا اضغط على نفسي في اشياء علشان خاطر لا يزعل.. يعني اقدر اسيطر على نفسي في بعض الاحيان لكن في ايام انا اكون فيها عصبيه وتعبانه وما اقدر اتحكم في اعصابي مره...
وكمان انا ما اقدر اتشغل عنه علشان لا يزعل ولانه مو متعود اننا نبعد عن بعض ويعاتبني اذا بعدت عنه علشان كده ما اقدر...
اما بالنسبه للغيره فانا اغار عليه كثييييييير بس طبعا مو من اهله واقاربه... وانا طبعي غيوره حتى ماما من زمان تقلي الله يعين زوجك على غيرتك والين دحين تقولها يعني هذا الطبع فيا من زمان.. بس بصراحه نفسي اتخلص منها لاني من جد تعبت.. وزي ما قلتلك كل مره اقول ماراح اغار بس ارجع تاني لطبعي علشان كده قلتلك انه مو بيدي..
والززززززززززززن.. عيوني انا ما ازن عليه بشر.. حرام عليكي ظلمتيني :06: .... انا اقصد اني اذا ابغى شي كل فتره اطلبه وما ارتاح الين يسير وعلشان الامانه احيان ازعل اذا ما سوالي اللي ابغاه واجلس ابكي...
مثال صغنطووووووط:
انا ابغى زوجي يسوي رجيم وهو مو راضي والسبب انه ما يحب يتقيد باكلات الرجيم .. جلست فتره اقنع فيه تقريبا سنتين وما يئست جلست احاول معاه الين اقتنع ودحين بدأ في الرجيم له اسبوع ونص.. ان شاء الله يارب يكمل.. ونفس الشي بالنسبه للدوا...
وفي الاخير اقلك ان شاء الله احاول قد ما اقدر اني اتغير.. وجزاكي الله الف خير :26:
-- للشجاعاااااااااات .. فقط .--
متابعة النقاش، صفحة 6