%دلوني على افكار لحفلة نجاح بالبيت %

لاإله إلا الله

الله يوفقك بنتك وجعلك تشوفين منها ما يسر قلبك

ودي انك حددتي الميزانية عشان اعطيك افكار عليهابس ولا يهمك خذي عندك

تقدرين تروحين لشارع السويلم وتاخذين لك الاقواس المدورة الكبيرة تراها بـ10 ريال وتخلين عليها مسابقات ياما

ياانو اللي بيخلي القوس يدور على خصره اطول مده هو الفايز

او تجيبين مثلا قوسين وتسوين فريقين يحاول الفريقين الوصول للجهه المقابلة من خلال نطة على القوس يعني يجيب القوس يحطه بالارض ينط عليه ويصير طبعا جوا القوس يرفع القوس ويمررة على جسمة وصولا للراس ويرجع يحطة بالارض وينط عليه وبسرعه بسرعه من يوصل اول

او مثلا نط الحبل

او فكرة تجيبين كور ملونه اللي تجي مجموعه بخيشة وتجيبين سلتين فاضيتين وتسوين فريقن كل فريق يحاول واحد منه يوصل الكورة بسرعه للسلة وتحطين وقت معين وتشوفين من جمع اكبر عدد من الكور

ممكن تجيبين للبنات ربطات شعر والا تجيبين قماش ملون وتقصينه على طول الربطة وتحطين لهم ادوات لتزين ربطاتهم يعني هم يزينون الربطات بنفسهم

والاولاد طواقي

ممكن تجيبين لهم الكورة اللي جواتها حلاوة ويتعلقينها بالسقف ويحاولون يكسرونها بالعصا

في محلات كثيرة ممكن تسويها لك

ممكن على العشا تجيبين كيكةبيت وبعد تجيبين دونات وتحطين لهم شوكولاته سايحة والاشياء اللي يتزين بها الحلويات هذيك الاشياء الصغار الملونه بالسوير ماركت تلاقينه وام اند امز وخذود البنات ويزينون بكذا كيكتهم ودوناتهنم..

ممكن نافورة الشوكولاته وجنبها فراوله وموز وبرتقال وبسكوت مرررة بينبسطون عليها

هذي افكاري واذا محتاجة شي ثاني او ما فهمتي شي قولي لي


موفقة ياقلبي والله يعينك

انا موب بارقة الامل <<<واثقة انها تعنيها :D