هاذي طريقتي في تربية عيالي $اتمنى تستفيدوا$

السلام عليكم ورحمه الله وبركاته

هذا اول موضوع الي واتمنى تستفيدوا منه لاني مره جريت وحده حاطه موضوع تتمنى لعيالها الموت لانهم ما يصلوا
انا الحمد لله من يوم عيالي رضع اول شيء اذن ف اذنهم
واحط دائما القران شغال ع المسجل واكثر شيء ف الليل
لما كبروا شوي وصار عمرهم اربع سنوات ونص اعلمهم الوضوع والصلاه
لين يحفضوها وكل جمعه اعلمهم يصلوا ع النبي محمد صلى الله عليه وسلم
لين وصلوا سن 6 سنوات وخطرت فبالي كل اسبوع عندنا جلسه الساعه
التاسعه ليلا اسمها جلسه تعذيب النفوس احكيلهم عن الموت والقيامه
وايب لهم قصص ناس ماتوا واشلون هذا دخل النار وهذا دخل الجنه واحيانا
الفها من عندي والله يناموا جنبي من كثر الخوف واذا شفتهم ما بكوا اجول لهم غمضوا عيونكم
وتخيلوا انكم خلاص متوا واندفنا واحنا ما صلينا وربنا جان زعلان منا لانا ما صلينا
ويا منكر ونكير والله انهم يبكوا وابكي معاهم ولما يطلع ف التلفزيون شهدا
فلسطين احطهم يشوفوهم اشلون مكفنين وراحوا من الدنيا ودائما اجولهم الموت مب يعرف لا صغير ولا كبير
علمتهم يسمعوا القران الاغاني ما نعرفها ابد
وكل يوم عندنا جلسه اسمها جلسه الاستغفار نشكل حلقه ونستغفر بصوت مسموع حتي اذن المغرب مع قران القران والصلاه ع نبي محمد والحين ولدي عمره 10 سنوات يصلي كل الصلاوات ويروح
مع ابوه لصلاه اليمعه وبنتي عمرها 13 سنه والحمد تأدي جميع الفرائض وبنتي الصغيره اربع
سنوات ونص وتستغفر وحافظه الايات القصيره وتعرف انه اللي ما يصلي يروح النار
ودائما تجولي اللي ما يصلي ما يحبه ربه وسمحولي ما اعرف اعبر هذي اول موضوع اللي بس جلت ممكن افيد لانه والله عورني جلبي ع صاحبه الموضوع واهي تدعي لعيالها وع فكره عيالي يصوموا من سن 6 سنوات