███▒ملـتقى قمآري حوآء..سواليف الميك اب والعطوور.."التجمـ ع الثآنـ ي"..▒███

متابعة النقاش، صفحة 354

شاركي في النقاش

سجلي الدخول لإضافة تعليق.

التعليقات

2,072
  1. المشاركة المقتبسة غير متاحة.

    اعتذر وبشده عن تأخري حبيبتي

    بالنسبه للوجه الهالات ماتتكون الا من التعب والسهر والاكل الغير صحي+عدم شرب المااء

    فتصير البشره فيها شحووب وايضا بتكون شديده العرضه للخطوط التعبيريه وزياده التجاعيد

    عندج كريمات اولاي خاصه الي بالتوت البري ممتاز وماله اي اثر جانبي سمعت الدكتور جابر القحطاني يمدحه ويمدح التركيبه التكوينيه له

    جربته بس مااداومت عليه لاني بوقت استعماله كنا حررر فبشرتي دهنيه وطلعت لي حبووب فقطعته وقطعت حتى كريم الحمايه الي احطه بالصبح فماادري العله من منه

    بس اتوقع لاني كتمت على بشرتي بكريم الحمايه القوي بالصبح

    وباوولاي بالليل

    وانا بشرتي دهنيه فخلاص صارت بشرتي زيوت×دهون = تخمه من الحبوب

    وبالنسبه للهالات الخيار ممتاز بعطيج طريقه ممكن تنفعج

    سوي لنفسج شاي اخضربالنعنااع وقبل لا تشربينه صبي منه على الكلينكس المصفوطة وتكونين حاطه داخل هالكلينكس قطعه خياره لا تستغربين

    وحطيها على عينج واسترخي

    وفيه ماسكاات تعطيج نظااره مو طبيعيه للوجه انا اكييده لو انج تزورين اهلج الكل بيقولج انتي شنوو حاطه بخشتج صدقينييي

    ومكوناتها طبيعيه وهي كالتالي:
    (ملعقه روب زبادي + قطره الى قطرتين عصير ليمون+ ملعقه عسل+ ملعقه هرده الطحينيه+طاسه فاضيه<<<اكيد عيل وين بتحط هالماسك:22:

    يفضل ملعقه سفيداب مطحونه نصف ملعقه بس مو ضروريه) حطيها على خشتج لمده 10 الى 15 دقيقه


    بس لا تخلين احد يشووفج بتروعيينهم بطلتج البهيه:hahaha:

    وبعدها هي بتجف

    روحي للحمام سوي مساجات دائريه وهو بيتفتفت

    وغسلي ويهج بماي فاتر وممكن تستخدين نقطه من غسولج الي انتي متعوده عليه + نقطه من السكراب اليومي ماركه كلين اند كلير <<<جدا ممتازه اصدارات هذه الماركه


    بيعطي ويههج لمعاان واشراااقه رهييبه وبتدعيين لي من كل قلبج صدقيني وبالمدااومه عليها بتفتحيين حييل

    وفيه ماسكااات وااايده ممكن تفيدج

    وكريمات لوريال ممتازه حتى الوايتنق حلوو

    كريمات كلارنس واستي لودر

    كلارنس كريمات العنايه عندهم حلووة واسعارها زينه

    فانتي بعد ماتخلصين من هالقنااع وتغسلينه جربي تحطين كريم للبشره من اي نوع انتي تفضلينه من الي رشحتهم لج

    انتي قبل لا تتسبحين حطي لج جم علبه فيهم خلطات فقبل لا تسبحين حطيهم وقعدي فيهم لمده بسيطه

    بعطيج جم وحده سهلين ونتايجهم مذهله

    هالماسك انا مااستغني عنه

    (4 ملاعق نشا+4 ملاعق حليب+شويه عصير ليمون+كركم للجسم<<مو ضروري ممكن تستغنين عنه لكن باضافته يعطي نتايج افضل+ماء ورد) احطها لمده ثلث ساعه على كل جسمي قبل لا اتسبح مره بالاسبوع

    وماسك ثاني سدر مطحون+ترمس محطون+حنه بس السدر يكون ضعف كميه الحنه علشان لا تصبغ وتعجن بماي الورد توضع على كل الجسم لمده 10 دقايق وبعدها غسلي جسمج عادي


    وبعد شنوووو شنوووووو اممممممممممم

    ايي

    فيه سبراي من استي لودر مياه معدنيه+شاي اخضر+فيتامينات

    وااايد منعش

    شخصيا ضروري اسوي لنفسي تقشير خفيف مره بالسنه للتخلص من طبقه الجلد الميت

    واحرص اني اختار فتره الشتاء لانها بتكون الفتره المثاليه لتقليل تحسس البشره من الحرر وفتره التخصيب والتلقيح للزروع لانها كلها تضر البشره

    فاسوي لي خلطه انا مستشيره فيها دكتورتي وهي مأيدتني عليها وتنفع لكل البشرات

    من مكوناتها:

    (الدوكين 4%+ اي كريم وايتنق عندج انا مجربه اويل اوف يولاي الي بالتوت+ افاكورت لتقليل تحسس البشره+رتن ايه)

    ترى هذه خلطه مقشره بس خفيفه احطهم بعلبه اقدر اسكرها او اني احط منهم بيدي نقطه من كل نوع وامدهم على كل ويهيي

    هذه بتساعدج انها تزيل الطبقه الميته من البشره استمري عليها وصبري

    بالبداايه بتتقشر بشرتج ولا تدعيين علي ترى هذي معناتها انها قاعده تشيل الطبقه الميته

    وصبري لمده 20 يوم على الاقل شهر على الاكثر

    وبعدها بتصير بشرتج روووعه لمعااان واضاااءه بس ماراح تشيل الهالات لانه الهالات سببها مثل ماقلت لج

    التعب وقله شرب الماي والسهر

    اخذي لها فيتامين C + تلافي الاسباب الي قلت لج عنها


    ترى صج كل الي قلت لج عنهم انا مجربتهم ونفعووني واايد بتوحيد اللون وتفتيح البشره

    ومثل ماوصيتج خلي لج طقوس خاصه للاستحمااام والتفرك ولا تغفلين عن صنفره للجسم على الاقل مره اسبوعيا

    احلى صنفره مرت علي وجربتها هي كريم كاب وكل صالونات الكويت الكبيره يستعملوونها بس مايعلموون طحت عليها بفن وحرفنه يعني بالبووقه:icon31:

    كلها بتسهم بتوحيد اللون وتفتح لج كل بشرتج

    وهم لا تنسين مسك العرووسه كرتش اخير قبل لا تطلعين من الحمام

    احب اني اسوي لي شاور بماسكاتي العجيبه كل مره بماسك شكل + الشور جل يكون نفس نوع عطري الي بتعطر منه ونفس الكريم واحطه على كل جسمي وماانسى مسك العرووسه رووعه

    اتمنى اني افدتج ولو بشيء يسيير

    وووووباذن الله بتصير بشرتج مرمر

    واعذريني على التأخير يالغلاااا السمووحه منج
  2. اممم

    تكمله لهذرتي علشان اكوون بريت ذمتي عدل بالقرقه ويكون ضميري مرتااح ونايم على الوسااده الخاليه<<< لايكثر

    فيه مستحضر مميز جدااا جربته وعجبني اوي خالص مالص بالحيل مره

    من كلارنس

    اسمه Clarins Instant Smooth

    ممكن استخدامه كبيس قبل المكياج

    وممكن انج تستخدمينه لحاااله واايد حلوو ويعطييج بشره نضره ومخمليه

    جربوه او اخذوا منه التيستر لو على اليد

    وشووفوه

    هذي خشته

  3. @am_mstf_2

    هلا حلومه 00معليش لاتشرهين يختي هذي مشكلتي مع المنتديات تجيبلي الصمرقع على مايوصل الرد يمديني اغسل سور اهلي واخلص<<<<<<< وجه يناظر الشطافه(الشطافه يعني السلاته يعني الي تظف المويه اذا غسلتو احواشكم) بروح اتعشى
  4. @solaf3

    حلوومة >>
    اهلين ... تصدقين على طاري العطور .. وعطر نارسيسو .. يااني طحت فيه طيحة قشراء ... شريته من برا قبل لاينزل في الرياض .. وانهبلت عليه ..حتى شريت الحجم الكبير وشريت البودي كريم ( مدرعة وش كبره يخررع ) وعطوني هديه ايشارب >> دارين اني أحبهاا :)

    المهم يوم خلص وارجع اشتريه .. وهكذا .. وفي الدوام كم وحده تسالني عنه .. وشرته كم وحده ... المهم :)... في حملي الاخير هالسنة توحمت عليه وكرهته لابعد مدى حتى البودي كريم رميته في الزبالة .... استغفر الله

    وصرت كل يوم اشمه في الدوام ... آآآآآآآآآآآآآآآه معاناة والحمد لله انتهت بسلااااااام

    وبالنسبة للي مزعجتك ... ذكرتيتني بوحده اول ماسجلت بفترة ارسلت لي روابط مواقع خليييعة وانا ماعرف هالعضوة .. خفت وسكرت الوارد يمكن شهورر


    فدو >>

    ياحياتي .. انواع العذاب أجل .. والقرف .. بالله عليك جربي حطي روج احمر من قلب .. بتطلعين تحفة محصلتش هههههههههههههه
    الا وش لون تبوسين الـ .... ............... هنا . مشفر ......
    هههههههههه

    أم مصطفى >>

    ياختي رحبنا بك ومسهلنا لك .......... ولا رديتي علينا ... لاتكونين زعلتي علي من سالفة العروسة .........


    أ. كويتية >>
    هلا
    في أحد مثلي في المكياج ......... أنا عندي كومة مكياج ......... يكتسح القلب ... أشكال وألوان ........... ولا ودي أصور شي منه ........... عندي مبدأ......... النت لايخترق الخصوصيات ........... عارفة نفسي لو بديت أصور بيعجبني الموضوع .. أول روج ... وبعدين ملابس وبعدين أثاث ............ وبعدين عيالي .. ويمكن شغالتي وهكذا هههههههههههه
    وبعدين يجي زوجي ويقطع راسي >> ترا هذي مجاز مب تصدقون ..

    أرررررررروجة >>
    بشري عن الجهاز .....شريتي

    أقول أروجة عندي سؤال يقرقع بخاطري من زمان ودي أسألك من قبل الملتقى ؟؟
    أسأل


    البدر أقبلت >>

    نورتي الملتقى ... أحس انك تحبين العطور ... وصادقة في كلامك عن العطور ...
    الا أنتِ كويتية ؟ >>> بدء التحقيق على أصوله

    .
  5. صاحبة الموضوع
    سولاف3
    حلوومة >> اهلين ... تصدقين على طاري العطور .. وعطر نارسيسو .. يااني طحت فيه طيحة قشراء ... شريته من برا قبل لاينزل في الرياض .. وانهبلت عليه ..حتى شريت الحجم الكبير وشريت البودي كريم ( مدرعة وش كبره يخررع ) وعطوني هديه ايشارب >> دارين اني …
    كوكوهـ ربي يسعدك وربي فطست من الضحك كانك شايفة العصاقيل

    المهم انا حأقربو ان شاء الله مع الاساس عجبتني الفكرة

    بس تدرين عااد حمستيني اششوف ميكابك اكثررر

    يبي لها زيارة لبيتكم كذا ماينفع ولا تخافين ترى عيني باااردة مررررا هههههه

    وبالنسبة لتخبيص الوان الروج ترا ناادر مااحط رووج لوون واحد

    لازم حفلة .. وقد جررربت اول ادمجة مع فوشي ولحمي طلع لوون حلوو صراحة

    تعرفين اللون اللي يجي بين الاحمر والفوشي الصارخ؟

    ومن جد صرت اعشق لوني لانه يسمح لي بكل الالوان رغم اني مو بيضاء

    وبينفت هذا شفته كثير وسمعت عنه كثير بس ماقد حصل لي الشررف وجربته

    المهم ماشاء الله استفدت من كلامك عن شسمه هذا كلارنس

    مررررا بشرتي تحتاج اشياء تعطيها نظارة لانها بح بح احسها منتهية من الشحوب :(

    الانيميا لاعبة فيني لعب حتى لمن اجلس شوي احس ظهري بينفك

    المهم

    يسسسسلم الايادي يااااارب ع هيك معلومات

    والعطررر حلوو صراحة ماعليه كلام بس مالحقت اتهنى فيه

    كمان اشتريت فيرا وانغ في الصيف وانكسر في مكة ايام رمضان مدري وش فيها تتكسر عطوري
    .
    .

    بدورة تستاهلين ياقلبي

    وربي يخلي لك امك ويطول بعمرها ياااااااااارب

    وزين انك تتعلمين اشياء غير الطبخ والنفخ :(

    والله امي مدري شفيها كارفتني هاليومين في المطبخ

    شكل فيه عريس وتبغا تختبرني ههههههههههههه

    المهم قولي لي العطور اللي تخلطينها عودة والا ثقيلة والا شرقية والا فرنسية والا شو؟

    <- احس ان السؤال غريب بعض الشيء

    وبالنسبة للعطر مو مكتوب عليه شيء انه لديفيد وحرررمته

    لو اعرف ان لزوجته دخل في الموضوع كسرت ماتبقى من الزوجاجة ياكرهي لها هي وقذلتها

    وعطرر جوسي هو اللي من جد متحمسة اجرررربه ودام ان ستيلا عندك في التوب

    وانا من محبين ستيلا فحأثق في ذووقك

    ماادري حبي لستيلا هل هو حبي لايامه وذكرياته والا حب صدقي<- قلبت فلم

    تخيلي لسا البرفانة محطوطة عندي فاضية من كثر مااحبها ماجا لي قلب ارميها

    ومااحب اشتري العطر اكثر من مررا .. شفت ستيلا اليل نزل بعده اللي لونة بينك فاتح ومربع صغير وعجبتني ريحته مرررا بس مااشتريته لغبائي <- هالكلام السنة اللي راحت

    وبس .. واذا ع الملتقى لاحقين خير ياقلبي احس كل ماله يحلوو والله

    .
    .

    ام مصطفى ههههههههههههههههههههههههههه

    عسسسل ياشيخة عسسسل

    عوافي ع قلبك


    .
    .

    سوسو

    تدرين سبحان الله هذا صاير حالي مع عطر كريستان ديور ابو فنونكة <- ماتعرف تتكلم

    من جد احس اني متوحمة عليه .. صاروا الناس يستخدموونة بالهبل بهالهبل شيء مو طبيعي

    حتى اعدي من عند بنات احيانا اشم الريحة التفت منو هذي اللي متعطره فيه

    حفظت ريحتة

    اما البنت اللي رسل لي لاا مااقد تخطت حدودها الحمد لله بس انها تخبص في الكلام كيف

    يعني تقول افكارنا متشابهةة انا احب الويت لوك .؟

    اصلا عمري ماسويت ويت لوك شسالفة؟

    مشي مشي