أسئلة خطيبي المزعجة

ياحبي لك تكلمينه بالخطووووووووبه مايصلح حبيبتي,,,


ادري طلعت عن الموضوع الاصلي بس ترا من عذري مستغربه...

اذا خطبه من غير ملكه مايجوز تتكلمين معاه الا بوجود محرم انتبهي اختي

واللي تقول دلعي عليه مايجوز لانها مو محلله له ولاهو محلل لها

أهلا بكل الغاليات اللي ردوا علي

الله يرفع قدركم مثل مااهتميتوا لسؤالي واعطيتوني من وقتكم وجابتوا ونصحتوا

أنا لما قلت لأختي الكبيرة عن هالاشياء اللي مضايقتني قالت قولي له انا ماوافقت على اي واحد منهم بسبب دعوات أمك لك تدعي لك آخر الليل فالله استجاب لها واعطاك اياي

الحبيبات اللي يقولون مايصح تكلمينه وهو بس خطبة

والله انا كنت متخوفة من هالشي وخايفة من الله كثير لكن البعض قالوا لي انه يصح اكلمه واعطوني فتوى للشيخ الطريري

وألحين انا صرت اقوله انه خايفه من الله عشان طولنا بالمكالمات مع ان الهدف منها انه كل واحد يفهم الثاني واحنا أظن استغرقنا من الوقت مايكفي انه نفهم الاشياء الضرورية في شخصية كل واحد منا
بس هو ماتقبل الامر وقال انك مليتي مني وانتي ماتشتاقين لي واحنا مو جالسين نقول اي كلام يغضب الله ومرعين الكلام اللي يطلع منا

ومع هذا امي قالت لي خلاص مابيه يجلس يكلمك كل يوم قولي له يقلل مكالمات الى وقت الملكة وبعده يكلم مثل مايبي بس والله مو عارفة كيف اقوله

حتى مرة اعتذرت منه انه مااقدر ارد عليه دريت الا هو بعد كم ساعة متصل

الله يوفقكم ويرضا عليكم ويرضيكم اللي عندها طريقة حلوة ممكن اقوله فيها اننا نبطل مكالمات إلى وقت الملكة تدلني عليها والله والله انا خايفة من ربي كثير

هلا اختي

طيب قولي له خل نتملك ليش ماتملكتوا للحين
عشان يجي يشوفك وتسولفين معه براحتك ولا يكون فيه محظور شرعي
الله يوفقك

حبيبتي كانت الملكة محددة وبعده هو أجلها وقال انه مرتبط بضروف ومدري ايش

بعدها انا عصبت وقلت والله مافيه ملكة الا بعد شهر عشان يتأدب ويعرف يأجل

وألحين كم مرة يقول لي تبين نقدم الملكة اقول لا ماتجهزت انا بعد مثلك عندي مشاغل

لكن ان شاء الله ان شاء الله بتكون بعد اسبوعين

الله يتمم لنا على خير يارب