/// .. تجمع .. احلى .. الاطفال (^_^) من .. سنه .. الى .. سنتين .. ///

^ ^ ^ ^ ^ ^ ^

الله يعينك انا كانت بنتي كذا لما كانت صغيرة بالأشهر الاولى كنت اقول
بنفسي اقرب لي لما تصيح تبي رضعتها !!

بس الحمدلله صلحت الغلط قبل يكبر وتتعود على النومه عندي :)


انا بنتي بسم الله عليها ماشاء الله اذا بغيت انومها اعطيها رضاعه واحطها
بالسرير حقها واقول لها يله نامي والحمدلله على طول تنام اذا كانت دايخه
واذا مافيها نوم تلعب وتسولف على عمرها لما تدوخ وتنام :hahaha: ...

لا اسم الولد جاهز مايبي له دوارة <<< ابو زوجي :arb: هههههههههههه
عاد نفسي اجيب توأم اولاد يارب ترزقني وكل من يتمنى :42: ...

الله يرزقك توأم اولاد عسولين ياااارب

واااااي حلاة البنوتات ماشاء الله فديتها

اما اناا بنتي دلوعه .. تخيلي الى الحين ماتعرف تمسك الرضاعه

امي تقولي انتي السبب لازم اني امسك ايدها واعلمها

بصراااااااااااحه محد قالي الا بعد فوات الاوان يعني الشهر اللي راح بس

وحاولت احط ايدها عالرضاعه ماترضى تمسكها

==> هذا عيب اني متزوجه بعيد عن اهلي

ماعندي احد ينبهني على هالشغلات الصغيره

هلا فيكم امهات


انا من الملف السابق شاركت شوي وبطلت<<<تحسبها لعبه
بس مري نسيت اكمل معهم
ومع الملف الجيد حبيت اشارك من اول صفحه بس النت زفت معي
بس الحين قدرت اشارك

ضموني معكم ولدي عمره سنه ونص
الله يحفضها لي يارب

وعندي سؤال وش السوات مع لد ما ياكل شي الى مكرونه وسليق لا وبطقاق بعد
وطاح ذا اليومين في حب البطاطس المقلي
لا تقول لي ليه تركتيه
مو بكيفي اخواني اربعه وعشرين ساعه اكل مطاعم وهو وراهم ويعطونه

وحاليا ما زلت في حرب مع المشروبات الغازيه ..الا الان انا الرابحه فيها
الله يعين بس

انا ولدي ينام جنبي بكيفي انا معودته ..وليه احطه في سريره وانا سريري كبير ما فيه الى انا..
بس الحين مع كثر تقلبه في النوم ودي ارجعه في سريره
وسويتها ليله بس قلبي تعذب كل شوي يتتخبط في اعمدة السرير ما تعود..وسريره هذا من يوم ولدته يعني صار ضيق عليه شوي
وناويه ان شاء الله اشتري اكبر بس محتاره كيف يكون شكله ونوعه
مره اقول نفس سرير البيبي بالسياج بس اكبر
مره اقول السرير الي في دولاب وسبورة وزحليقا ودورين ..بس احسه توه صغير على هذي النوعيه
ما بعد تحمست انزل السوق و ادور

شكلي طلعت من الموضوع

المهم ولدي الحمد لله نومه زين اذا هو طيب وغير تعبان
ينام من 10 الى 11 ساعة من 12 بالليل الى الصبح
والقيلوله الساعة 2 الى اربع
وهو نايم تقريبا يرضع رضعتين وحده اول النوم و اخرى بعد الفجر
وايضا وحده عند القيلوله

وباقي اليوم حليب المراعي الساده او النكهات
والاكل مثل ما قلت لكم عذاب:09:

بالنسبه للنوم في اول ساعتين من نوم الليل لازم يتنكد ويطنط :eek:

وبس